އެކްސިޑެންޓު ގިނަވެ، ކަންތައް ބޮއްސުންލާފައިވާ ބްރިޖު ނުބެލެހެއްޓޭނަމަ މާލެ ސިޓީ ކައުންސިލާ ހަވާލު ކުރަން ސައިފް ގޮވާލައްވައިފި

މާލެ ސިޓީ ކައުންސިލުގެ މެންބަރު، ސައިފް ފާތިހު -- ފޮޓޯ: ޕީއެސްއެމް

މާލެ ސިޓީ ކައުންސިލުގެ މެންބަރު، ސައިފް ފާތިހު -- ފޮޓޯ: ޕީއެސްއެމް

މާލެ އާއި ހުޅުމާލެ އާ ދެމެދު އަޅާފައި އޮތް ބްރިޖާއި އެ ބްރިޖާ ގުޅިފައި އޮންނަ ހައިވޭގެ ރައްކާތެރިކަން ސަރުކާރަށް ކަށަވަރު ނުކުރެވޭ ކަމަށްވާނަމަ، އެ ތަން ބެލެހެއްޓުން މާލެ ސިޓީ ކައުންސިލާ ހަވާލު ކުރުމަށް މާލެ ސިޓީ ކައުންސިލުގެ ގަލޮޅު އުތުރު ދާއިރާގެ ކައުންސިލަރު، ސައިފް ފާތިހު ގޮވާލައްވައިފި އެވެ.

މާލެ ސިޓީ ކައުންސިލުން އިއްޔެ ބޭއްވި ބައްދަލުވުމުގައި ސައިފް ވަނީ މާލެ އާއި ހުޅުމާލެއާ ދެމެދު އޮންނަ ބްރިޖާއި ހައިވޭގައި ހިނގާ އެކްސިޑެންޓުތަކުގެ އަދަދު އިންތިހާއަށް އިތުރުވެ، އެތައް ބައެއްގެ ފުރާނަ ނުރައްކަލަށް ހުށަހެޅިގެންދާއިރު، ބްރިޖާއި ހައިވޭގައި އިންޒާރާއި ނަސޭހަތުގެ ބޯޑުތައް ނެތްކަން ފާހަގަ ކުރައްވައިފަ އެވެ.

ބްރިޖާއި ހައިވޭގައި އެތައް ބައިވަރު އެކްސިޑެންޓެއް ހިނގައި، އެތައް ބައެއްގެ ފުރާނަ ނުރައްކަލަށް ހުށަހެޅިގެންދާއިރު، އެތަނުގެ ރައްކާތެރިކަން އެކަށީގެންވާ ގޮތެއްގައި ކަށަވަރު ނުކުރެވޭކަން ސައިފް ފާހަގަކުރެއްވި އެވެ.

"އެގޮތަށް މިކަން ނުކުރައްވާ ކޮންސްޓެންޓްކޮށް މިކަންކަން ކުރައްވަންޖެހޭ ނުކުރެއްވޭ ކަމަށްވަންޏާ ކުރެއްވޭނެ އަޅުގަނޑުމެންނަށް ހަވާލު ކުރައްވަބައްލަވާ، މާލޭގެ ރައްޔިތުން ހޮވާފައި އޮތް ކައުންސިލު މިއޮތީ މިތަނުގައި،" އޭނާ ވިދާޅުވި އެވެ.

"އަޅުގަނޑުމެން މި ދަންނަވަނީ ސަރުކާރަށް ނުބެލެހެއްޓެވެންޏާ، އެޗްޑީސީއަށް ބްރިޖު ނުބެލެހެއްޓެވެންޏާ އަޅުގަނޑުމެންނާ ހަވާލު ކުރައްވަބައްލަވާށޭ، އަޅުގަނޑުމެން އެކަން ކުރަން ތައްޔާރު އިނގޭތޯ؟ އޭގެ ސުވާލު އަޅުގަނޑުމެންނަށް އެބަ އާދޭ އަޅުގަނޑުމެން އިންތިހާބުވެގެން ތިބޭތީވެ."

އޭނާ ވިދާޅުވީ ކޮންމެ ފަހަރަކު ވެސް ބްރިޖު ނުވަތަ ހައިވޭގައި ބޮޑު އެކްސިޑެންޓެއް ހިނގައި މީހަކަށް ބޮޑު އަނިޔާއެއްވުމުން ނުވަތަ މީހެއްގެ ފުރާނަ ދިޔުމުން ފުލުހުން ހާއްސަ އިސްކަމެއް ދީގެން މަސައްކަތްތަކެއް ފަށާ ކަމަށެވެ. ނަމަވެސް ދުވަސްކޮޅަކު އެކަން އެގޮތަށް ކުރުމަށްފަހު ދެން ފެންނަނީ އަޅައިލުމެއް ނެތި އިހުމާލުވާ މަންޒަރު ކަމަށް ސައިފް ވިދާޅުވި އެވެ.

ބްރިޖާއި ހައިވޭގައި އިންޒާރުގެ ބޯޑުތައް ނެތުމުގެ އިތުރަށް އެތަނުގައި ހަރުކޮށްފައި ހުންނަ ކެމެރާތައް ވެސް މަސައްކަތް ނުކުރާކަން ސައިފް ފާހަގަކުރެއްވި އެވެ. އޭނާ ވިދާޅުވީ ބްރިޖާއި ހައިވޭގައި ހަރުކޮށްފައި ހުންނަ ކެމެރާތަކުގެ ބޭނުމަކީ އެކްސިޑެންޓެއް ހިނގުމުން، އެކަން ވީގޮތް ދެނެގަތުން ނޫން ކަމަށެވެ.

އޭގެ ބަދަލުގައި ބާރު ސްޕީޑުގައި ދުއްވާ މީހުން ކެމެރާތަކުގެ އެހީގައި ދެނެގަނެ، އެމީހުންނާ މެދު ފިޔަވަޅު އެޅެން ޖެހޭނެ ކަމަށް ސައިފް ވިދާޅުވި އެވެ.

"އެހެންވީމާ މި ހުންނަނީ ކުރެވޭނެ ކަންތައް އިނގޭތޯ؟ ކޮންސްޓެންޓްލީ މީހުންނަށް ރިމައިންޑް ކޮށްދިނުން މިއީ ތިމާ މީހާގެ ފުރާނަ އާއި އެހެން މީހުންގެ ފުރާނަ ޖެޕާޑީއަށް [ނުރައްކަލަށް] ލަނީކަން ހަނދާން ކޮށްދޭން އެބަޖެހޭ، އިންޒާރުގެ ބޯޑު އެބަ ހުންނަންޖެހޭ، ސްޕީޑު ލިމިޓު ބޯޑު އެބަ ހުންނަންޖެހޭ، ޓްރެފިކް ކެމެރާތައް އެބަ މަސައްކަތް ކުރަންޖެހޭ، ކިތައް މީހުން މަރުވާންދެންތޯ އަޅުގަނޑުމެން މިކަންކަން ހައްލުނުކޮށް ތިބޭނީ،" ސައިފް ވިދާޅުވި އެވެ.

އޭނާ ވަނީ ހުޅުމާލޭގެ މުނިސިޕަލް ހިދުމަތްތައް ސިޓީ ކައުންސިލުގެ ދަށަށް އަދިވެސް ބަދަލު ނުކުރާތީ އެކަމާ ވެސް ކަންބޮޑުވުން ފާޅުކުރައްވައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox