އެމްޑީޕީން މަޖީދިއްޔާ ސްކޫލަށް ވަދެ މުޒާހަރާ ކުރި ކަމަށް ބުނެ ޕީއެސްއެމްގެ މެނޭޖަރަކު ދޮގު މައުލޫމާތު ފަތުރަނީ

އަމާން ރައީސް މުއިއްޒު އާއެކު : އޭނާ ދޮގުހެދިކަން ފުލުހުން ވަނީ ޔަގީންކޮށްދީފަ -- ފޮޓޯ: ސޯޝަލް މީޑިއާ

އަމާން ރައީސް މުއިއްޒު އާއެކު : އޭނާ ދޮގުހެދިކަން ފުލުހުން ވަނީ ޔަގީންކޮށްދީފަ -- ފޮޓޯ: ސޯޝަލް މީޑިއާ

އިދިކޮޅު އެމްޑީޕީން މަޖީދިއްޔާ ސްކޫލަށް ވަދެ މުޒާހަރާ ކުރި ކަމަށް ބުނެ ޕަބްލިސް ސާވިސް މީޑިއާ (ޕީއެސްއެމް) ގެ ސީނިއާ ސޭލްސް އެންޑް މާކެޓިން އެގްޒެކެޓިވް މެނޭޖަރު، އިބްރާހިމް އަމާން ހުސެއިން ދޮގު މައުލޫމާތު ފަތުރައިފި އެވެ.

އެމްޑީޕީން މިއަދު ރައްޔިތުންގެ މަޖިލިސް ދޮށުގައި މުޒާހަރާ ކުރީ ސުޕްރީމް ކޯޓުގެ ދެ ފަނޑިޔާރަކު ވަކިކުރަން ނެގި ވޯޓާ ދިމާކޮށް، އެކަމާމެދު ނުރުހުން ފާޅުކުރުމަށެވެ.

އެ މުޒާހަރާގެ ފޮޓޯ އެއް ހިއްސާކޮށް އަމާންގެ އެކްސް އެކައުންޓުން ކުރި ޕޯސްޓެއްގައި ބުނީ އެމްޑީޕީގެ އެކްޓިވިސްޓަކު މަޖީދިއްޔާ ސްކޫލުގެ ތެރެއަށް ވަދެ އެ ތަނުގެ މައިކާއި ސައުންޑު ސިސްޓަމް ބޭނުންކޮށްގެން "ކައްޒާބު އިސްތިއުފާ،" މިހެން ގޮވިތަން ދެކުނު ކަމަށެވެ.

Advertisement

މިކަން ކުރި މީހާ ހައްޔަރުކޮށް، އެމްޑީޕީ އާ ދޭތެރޭ ސަރުކާރުން ފިޔަވަޅު އަޅަން ޖެހޭ ކަމަށް ވެސް އޭނާ ބުނެފައިވެ އެވެ. މި ޕޯސްޓާ ގުޅިގެން ގިނަ ބަޔަކު ވަނީ އެގޮތަށް ކަން ހިނގާފައި ނުވާ ކަމަށް ބުނެ ރައްދު ދެމުންނެވެ.

އަމާންގެ ޕޯސްޓު ހިއްސާކޮށް ފުލުހުންގެ މީޑިއާ ގްރޫޕުގައި ނޫސްވެރިޔަކު ސުވާލުކުރުމުން ފުލުހުން ވަނީ އެކަން ދޮގުކޮށް އެފަދަ ކަމެއް ހިނގާފައިވާކަމުގެ މައުލޫމާތު ނުލިބޭ ކަމަށް ބުނެފަ އެވެ. މުޒާހަރާ ކުރިއިރު އެ ސަރަހައްދުގައި ގިނަ އަދަދެއްގެ ފުލުހުން ހަރަކާތްތެރިވަމުން ދިޔަ އެވެ.

އަމާން ޕީއެސްއެމް އާ ގުޅުމުގެ ކުރިން ރައީސް މުހައްމަދު މުއިއްޒުގެ ސަރުކާރު ޕްރޮމޯޓު ކުރުމުގައި ސޯޝަލް މީޑިއާގައި އެކި ގޮތްގޮތުން ހަރަކާތްތެރިވެފައިވެ އެވެ. ރައީސް މުއިއްޒުގެ ރިޔާސީ ކެމްޕޭނުގައި ވެސް އޭނާ ހަރަކާތްތެރިވި އެވެ.

އެމްޑީޕީގެ މިއަދުގެ މުޒާހަރާގައި އެއްވެސް ހަމަނުޖެހުމެއް ހިނގާފައެއް ނުވެ އެވެ. މަދު ބަޔަކު އެއްވެ ކުރި މި މުޒާހަރާ ނިންމާލީ މަޖިލީހުގެ ޖަލްސާ ނިންމާލުމާއެކު އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox