ފަނޑިޔާރުން ވަކިކުރުމުގެ މައްސަލަ ސިއްރު ކުރުމުން އިދިކޮޅު އެމްޑީޕީއިން ކޮމިޓީ ބޮއިކޮޓްކޮށްފި

އިއްޔެ ބޭއްވި ޖުޑީޝަރީ ކޮމިޓީގެ ބައްދަލުވުން -- ފޮޓޯ: ރައްޔިތުންގެ މަޖިލިސް

އިއްޔެ ބޭއްވި ޖުޑީޝަރީ ކޮމިޓީގެ ބައްދަލުވުން -- ފޮޓޯ: ރައްޔިތުންގެ މަޖިލިސް

ސުޕްރީމް ކޯޓުގެ ދެ ފަނޑިޔާރުން، ޑރ. އަޒްމިރަލްދާ ޒާހިރު އާއި މަހާޒް އަލީ ޒާހިރު ފަނޑިޔާރުކަމުން ވަކިކުރަން މައްސަލަ ޖުޑީޝަލް ސާވިސް ކޮމިޝަނުން ނިންމައި ފޮނުވާފައި އޮތް ރިޕޯޓު ދިރާސާ ކުރުމުގެ ކޮމިޓީ މަގުބޫލު އުޒުރެއް ނުދައްކައި ސިއްރު ކޮށްފި އެވެ.

އެ މައްސަލަ ދިރާސާ ކުރާ ޖުޑީޝަރީ ކޮމިޓީ ސިއްރު ކުރަން ހުށަހެޅުއްވީ ހުޅުދޫ ދާއިރާގެ މެންބަރު، މުހައްމަދު ޝާހިދު އެވެ. އެ ކޮމިޓީ ސިއްރު ކުރަން ފާސްކުރީ ކޮމިޓީގައި ހިމެނިވަޑައިގަންނަވާ ކުރެންދޫ ދާއިރާގެ މެންބަރު މުހައްމަދު ޝާމިން ފިޔަވައި ހުރިހާ ޕީއެންސީ މެންބަރުންގެ ވޯޓާ އެކު އެވެ. ވަކި ކޮޅަކަށް ޝާމިން ވޯޓު ދެއްވާފައި ނުވެ އެވެ.

އެ ކޮމިޓީ ސިއްރު ކުރުމާ ދެކޮޅު ހެއްދެވީ ޖުޑީޝަރީ ކޮމިޓީގައި ހިމެނިވަޑައިގަންނަވާ އެމްޑީޕީގެ ދެ މެންބަރުން، އިބްރާހިމް ނާޒިލް އާއި މައުރޫފް ޒާކިރު އެވެ. އެ ކޮމިޓީ ސިއްރު ކުރަން ނިންމުމާއެކު އެ ދެ މެންބަރުން ވަނީ ކޮމިޓީ ދޫކޮށް ނުކުމެވަޑައިގެންފަ އެވެ.

Advertisement

ޖުޑީޝަރީ ކޮމިޓީ ސިއްރު ކުރަން ޝާހިދު ހުށަހެޅުއްވީ ފަނޑިޔާރުން ވަކިކުރުމުގެ މައްސަލައިގައި ވަރަށް ޒާތީ މައުލޫމާތުތައް ހިމެނޭ ކަމަށް ވިދާޅުވެ އެވެ.

"އަޅުގަނޑު ހަމަ ފުރަތަމަ ވެސް ހުށަހަޅަން މި ކޮމިޓީ ސިއްރު ކުރަން އެއީ، ސަބަބަކީ މީގައި ޒާތީ މައްސަލަތައް ހިމެނޭތީވެ، ބައެއް ބޭބޭފުޅުންގެ ޒާތީ މަސްލަހަތު މީގައި ހިމެނޭތީވެ އެކަންކަން މީޑިއާގައި ހާމަ ކުރުމަށްވުރެ އަޅުގަނޑު، އަޅުގަނޑު ހަމަ ހުށަހަޅަން ސިއްރު ވެސް ކުރަން،" ޝާހިދު ވިދާޅުވި އެވެ.

ޖުޑީޝަރީ ކޮމިޓީ ސިއްރު ކުރަން ވޯޓަށް އަހަން މުގައްރިރު ހުސްނީ މުބާރަކު ނިންމެވުމާއެކު އެ ކޮމިޓީގައި ހިމެނިވަޑައިގަންނަވާ އެމްޑީޕީގެ މެންބަރުން ނުރުހުން ފާޅުކުރަން ފެށި އެވެ. އެއާއެކު ކޮންމެވެސް ވަރަކަށް ކޮމިޓީ ހޫނުވެގެން ވެސް ދިޔަ އެވެ.

ޝާހިދު ހުށަހެޅުއްވި ހުށަހެޅުމަށް ކޮމިޓީގައި ވޯޓު ނެގީ ވެސް އިދިކޮޅު މެންބަރުން ދެކޮޅު ހައްދަވަމުން ގެންދަވަނިކޮށެވެ. އެ ބޭފުޅުން ވިދާޅުވަމުން ގެންދެވީ ކޮމިޓީ ސިއްރު ކުރަން ނިންމައިފި ނަމަ ކޮމިޓީގައި އިތުރަށް ބައިވެރިވެވަޑައިނުގަންނަވާނެ ކަމަށެވެ.

ކޮމިޓީ ސިއްރު ކުރުމުގެ ކުރިން އެ ކޮމިޓީގައި ވާހަކަ ދައްކަވަމުން ޖޭއެސްސީން ތައްޔާރު ކޮށްފައި އޮތް ރިޕޯޓުގައި ހުރި ބައެއް ހަމަނުޖެހޭ ކަންކަން ހިތަދޫ ދެކުނު ދާއިރާގެ މެންބަރު، އިބްރާހިމް ނާޒިލް ފާހަގަ ކުރެއްވި އެވެ.

އެގޮތުން ފަނޑިޔާރު އަޒްމިރަލްދާގެ ފިރިކަލުން ހައްޔަރު ކުރިއިރު، އޭނާ ހުރީ ބަރަހަނާ ހާލަތުގައި ކަމަށް ޖޭއެސްސީގެ ރިޕޯޓުގައި ބަޔާން ކޮށްފައި އޮތް ނަމަވެސް ފުލުހުންގެ ތަހުގީގުން އެކަން ސާބިތު ނުވާކަން އޭނާ ފާހަގަކުރެއްވި އެވެ.

އެ ވާހަކަތަކަށް ރައްދު ދެއްވައި، ކޮމިޓީގެ މުގައްރިރު، ހުސްނީ މުބާރަކު ވިދާޅުވީ އެ މައްސަލައިގެ ތަހުގީގުގެ ފުނަށް ކޮމިޓީން ދިޔުމަށް މަޖިލިސް ގަވާއިދު ތަންދޭ ކަމަށް ދެކެވަޑައިނުގަންނަވާ ކަމަށެވެ.

ހުސްނީ މުބާރަކުގެ ވާހަކައަށް ތާއީދު ކުރައްވައި ޝާހިދު ވިދާޅުވީ ޖޭއެސްސީގެ ރިޕޯޓު ތައްޔާރު ކޮށްފައި އޮތީ އިޖުރާއަތުތަކާ އެއްގޮތަށް ކަމަށް ގަބޫލު ކުރައްވާ ކަމަށެވެ. އަދި އެ ރިޕޯޓުން އެއްވެސް އިޖުރާއީ މައްސަލައެއް ފެނިވަޑައިނުގަންނަވާ ކަމަށް އޭނާ ވިދާޅުވި އެވެ.

"އެއްގޮތަކަށް ވެސް އެ ބޭފުޅުންގެ މައްސަލައެއް އޮތް ކަމަށް އަޅުގަނޑުމެން ކޮމިޓީން ނިންމަނީއެއް ނޫން، އަޅުގަނޑުމެން ކޮމިޓީގެ މަސައްކަތަކަށްވެފައި މިއޮތީ ޖޭއެސްސީން ނިންމި ނިންމުން ނިންމާފައި އޮތީ ރަނގަޅަށްތޯ، އެގޮތަށް ބަލާއިރު، މިއޮތީ ހުރިހާ އެއްޗެއް ވަރަށް ރަނގަޅަށް ރިޕޯޓު ފޮނުވާފައި، މީގައި ނެތް އެއްވެސް މައްސަލައެއް،" ޝާހިދު ވިދާޅުވި އެވެ.

ޝާހިދުގެ ފަހުން ވާހަކަދެއްކެވި ޕީއެންސީގެ މެންބަރުން ވެސް ޝާހިދުގެ ވާހަކައަށް ތާއީދު ކުރެއްވި އެވެ. އެ ބޭފުޅުން ވިދާޅުވަމުން ގެންދެވީ ފަނޑިޔާރުންގެ މައްސަލަ އަލުން ޖުޑީޝަރީ ކޮމިޓީން ފާސްކުރަން ފެނިވަޑައިނުގަންނަވާ ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox