ޖިންސީ ގޯނާގެ މައްސަލައެއްގެ ތަހުގީގަށް އައިއޯ މެދުވެރިކޮށް ނުފޫޒު ފޯރުވާކަމުގެ ތުހުމަތު

ޖިންސީ ގޯނާގެ މައްސަލަތަކާއި ދެކޮޅަށް ކުރި އިހުތިޖާޖެއްގެ ތެރެއިން -- ފޮޓޯ؛ އަދަދު ފައިލް

ޖިންސީ ގޯނާގެ މައްސަލަތަކާއި ދެކޮޅަށް ކުރި އިހުތިޖާޖެއްގެ ތެރެއިން -- ފޮޓޯ؛ އަދަދު ފައިލް

ކުޑަކުއްޖަކަށް އެ ކުއްޖާގެ އާއިލާގައި ހިމެނޭ ދެ މީހަކު ޖިންސީ ގޯނާކުރި މައްސަލަ ފުލުހަށް ހުށަހެޅުމުން އެ މައްސަލައަށް އިންވެސްޓިގޭޝަން އޮފިސަރު (އައިއޯ) މެދުވެރިކޮށް ނުފޫޒު ފޯރުވާކަމުގެ ތުހުމަތު ފެންމަތިވެއްޖެ އެވެ.

އުމުރުން 17 އަހަރުގެ އެ ކުއްޖާއަށް ލިބުނު އަނިޔާ އާއި ބޭއިންސާފުގެ ވާހަކަ އެކްސް އަށް ތިލަކުރި އެ ކުއްޖާގެ އާއިލާ މީހަކު ބުނީ މައްސަލަ ބަލާ އައިއޯ މައްސަލައިގައި ހިމެނޭ މީހުންނާ ގާތް ގުޅުމެއް އޮންނަ ކަމަށެވެ.

"އަހަރެންގެ ދައްތަ އަކީ އައިއޯގެ ރަހުމަތްތެރިއެއް. ދައްތަގެ ފިރިމީހާއަކީ އައިއޯގެ ގާތް ރަހުމަތްތެރިއެއް. އެ ދެ މީހުން އެކީގައި ކެފޭތަކަށް ވެސް ދޭ. މިހެން މިކަން އޮތުމުން މިއީ އިންސާފުވެރި ތަހުގީގެކޭ ބުނެވޭނެތަ؟،" ތަހުގީގާ ގުޅޭގޮތުން އޭނާ ސުވާލު އުފެއްދި އެވެ.

އެ ކުއްޖާގެ އާއިލާ މީހާ އިތުރަށް ބުނީ ޖެނުއަރީ މަހު އޭނާ ހުށަހެޅި ޖިންސީ ގޯނާގެ މައްސަލައިގައި މިހާތަނަށް އޭނާގެ ބަޔާން ވެސް ނުނަގައި، ބަޔާން ނެގީ ހަމައެކަނި އަނިޔާ ލިބުނު ކުއްޖާގެ އެކަނި ކަމަށެވެ.

އޭގެއިތުރުން މައްސަލައިގައި ހޯދިފައިވާ ކުރިއެރުންތަކާ ގުޅޭގޮތުން އެއްވެސް މައުލޫމާތެއް އައިއޯ ފޯރުކޮށްނުދޭތާ ދެ މަހަށްވުރެ ގިނަ ދުވަސްވެފައިވާކަން މައްސަލަ ހުށަހެޅި އާއިލާ މެންބަރު ފާހަގަކުރި އެވެ.

އޭނާ ބުނީ ޖިންސީ ގޯނާކުރި ކަމުގެ ތުހުމަތު ކުރެވޭ އާއިލާގެ ދެ މީހުން ޒިންމާދާރު ވަޒީފާގައި އުޅެމުންދާއިރު މިހާތަނަށް ވަޒީފާ އަދާކުރާތަނުން އެ މީހުންނަށް އެއްވެސް ފިޔަވަޅެއް އަޅާފައިނުވާ ކަމަށެވެ.

ފުލުހުން ބުނީ ޖިންސީ ގޯނާގެ އެ މައްސަލަ ފުލުހުންނަށް ރިޕޯޓްކޮށްފައި ވަނީ ޖެނުއަރީ 20، 2025، ގައި ކަމަށެވެ. އަދި މައްސަލައާ ގުޅިގެން އެއްވެސް މީހަކު ހައްޔަރުނުކުރާ ކަމަށް ވެސް އެ އިދާރާއިން ބުނެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox