16 އަހަރުވީ ރެކޯޑް މުގުރާލުމަށް ފަހު ނާއިކްގެ އާ އުންމީދުތަކެއް

May 3, 2025, 3:27 AM
ހައި ޖަމްޕްގެ ގައުމީ ރެކޯޑް ހެދި ނާއިކް މެޑަލް ހިފައިގެން.-- ފޮޓޯ: އެތުލެޓިކްސް އެސޯސިއޭޝަން އޮފް މޯލްޑިވްސް

ހައި ޖަމްޕްގެ ގައުމީ ރެކޯޑް ހެދި ނާއިކް މެޑަލް ހިފައިގެން.-- ފޮޓޯ: އެތުލެޓިކްސް އެސޯސިއޭޝަން އޮފް މޯލްޑިވްސް

މާލޭ ސިންތެޓިކް ޓްރެކުގައި، ދާދިފަހުން، ނިިމިގެންދިޔަ އެތުލެޓިކްސް އެސޯސިއޭޝަން ޗެމްޕިއަންޝިޕްގައި، 17 ކްލަބަކުން 250 އެތުލީޓުން ވާދަކުރިއިރު، 56 އިވެންޓެއް ކުރިއަށްދިޔަ އެވެ. އަދި، އެ އިވެންޓްތަކުގައި، 26 މީޓް ރެކޯޑް ހެދުނުއިރު، ގައުމީ ރެކޯޑެއް ވެސް މުގުރާލި އެވެ.

އެ ގޮތުން، މުގުރާލި ގައުމީ ރެކޯޑަކީ، 16 އަހަރު ވަންދެން ދެމި އޮތް އަހުމަދު ޒަބީރު (ޒަބީ)ގެ ހައި ޖަމްޕް ރެކޯޑެވެ. ޔޫސުފް ނާއިކް ވަޖީހު ވަނީ 1.88 މީޓަރު މަތިން ފުންމައި، 2009 ވަނަ އަހަރުގެ އެސޯސިއޭޝަން ޗެމްޕިއަންޝިޕްގައި، 1.85 މީޓަރު މަތިން ފުއްމައިގެން ޒަބީ ހެދި ރެކޯޑް މުގުރާލައިފަ އެވެ.

"އަސްލު ވަރަށް ޕްރެޕެއާ ކުރަން (ހައި ޖަމްޕު ރެކޯޑް) ބްރޭކް ކުރަން، ވަރަށް ބޭނުންވި އަސްލު ރެކޯޑް ބްރޭކުކުރަން، ކުރެވުނީތީ ވަރަށް އުފާވޭ. އިރާދަކުރެއްވިއްޔާ، މި ރެކޯޑް މި އަށް ވުރެ މަތި ކުރެވޭތޯ ބަލާނަން، އުންމީދަކީ، މި އަހަރު ނިމުމުގެ ކުރިން ޓޫ މީޓާސް ބްރޭކްކުރުން،" އުމުރުން 16 އަަހަރުގެ ނާއިކް، "އަދަދު ސްޕޯޓްސް" އަށް ދިން އިންޓަވިއުއެއްގައި ބުންޏެވެ.

ޓްރެކް އެންޑް ފީލްޑް އެސޯސިއޭޝަނާ އެކު، ހައި ޖަމްޕްގެ ޓްރެއިނިން ހަދަން ނާއިކް ފެށީ މީގެ ތިން އަހަރު ކުރިންނެވެ. އޭނާގެ އުމުރުފުރާގެ މުބާރާތްތަކުން ކާމިޔާބު ލިބެމުން އައިއިރު، ހިތްވަރު ހޯދަން އަމިއްލަ އަށް ވެސް ނާއިކް އެކި ކަންކަން ކުރެ އެވެ.

"ކުރިން އަހަރުތަކުގައި ރެކޯޑްތަކާ ކައިރިވި އޭގެ ކުރިން ގޯލްޑް ލިބޭ އިންޓަ ސްކޫލް ކަހަލަ މުބާރާތްތަކުން، އެޗީވްމަންޓް ހޯދާއިރު، ކްރައުޑް އިން ކަމެއް ވެސް އަސްލު ނުފެނޭ، އިވެންޓަށް ފޯކަސް ކޮށްގެން އިނދެވޭތޯ ބަލަނީ،" ނާއިކް ބުންޏެވެ.

އެތުލީޓުން އަމިއްލަ އަށް ފޯކަސްކޮށްގެން ކުރިއެރުން ހޯދަން އެކި ކަންކަން ކުރެ އެވެ. އެ ގޮތުން، އެއް މުބާާރާތުން އަނެއް މުބާރާތަށް ރަނގަޅުުކުރަން ޖެހޭ ކަންކަމާއި ފޯކަސް ދަމަހައްޓަން ނާއިކް ވެސް މުހިންމު ކަމެއް ކުރެ އެވެ.

"ކޮންމެ މުބާރާތަކަށް ފަހު ވެސް، ގޭގައި އިންނާނެ ބިބް، ފާރުގައި ހަރުކޮށްފައި، ކޮންމެ މުބާރާތެއްގެ އެޗީވްމަންޓާއި ދުވަހާ އެއްޗެހި ލިޔަން. ދެން، އަސްލު ވަރަށް މޯޓިވޭޓްވޭ ކޮންމެ ފަހަރަކު ވެސް އިމްޕްރޫވްމަންޓް ފެންނާތީވެ، ކޮންމެ މުބާރާތެއްގައި ވެސް ޕާސަނަލް ބެސްޓް ބްރޭކްކުރެވޭތޯ ބަލަނީ އަސްލު،" ކެރިއަރު ކުރިއަށްގެންދަން ކުރާ މުހިންމު ކަމަކަށް އިޝާރާތްކޮށް، ނާއިކް ބުންޏެވެ.

މިދިޔަ މާޗް މަހު، މަހު ސައުދީ އަރަބިއްޔާގައި ކުރިއަށްދިިޔަ، އޭޝިއާގެ 18 އަހަރުންދަށުގެ އެތުލެޓިކްސް މުބާރާތުގައި ވާދަކުރި ނާއިކް ވަނީ ރާއްޖޭގެ 18 އަހަރުން ދަށާއި 20 އަހަރުން ދަށުގެ ހައި ޖަމްޕް ރެކޯޑް އާ ކޮށްފަ އެވެ. އެ ގޮތުން، ނާއިކް، ރެކޯޑް އާ ކުރީ 1.84 މީޓަރު މަތިން ފުއްމައިގެންނެވެ. މީގެ ކުރިން ވެސް މި ރެކޯޑް އޮތީ ނާއިކް އަތުގަ އެެވެ. އެއީ، މި އަހަރުގެ ފެބްރުއަރީ މަހު ދައްމާމް ޓްރަޔަލްސްގައި، 1.80 މީޓަރު މަތިން ފުއްމައިގެންނެވެ. ކުރިއެރުމަށް ބަލާއިރު، ހަތަރު މަސް ތެރޭގައި ނާއިކް މި ވަނީ ބޮޑުތަނުން ތަފާތު ދައްކައިފަ އެވެ.

ނާއިކް، ހައި ޖަމްޕުގެ އިވެންޓްގައި ވާދަކުރަނީ.--- ފޮޓޯ: އެތުލެޓިކްސް އެސޯސިއޭޝަން އޮފް މޯލްޑިވްސް

ޓްރެކް އެންޑް ފީލްޑް އެސޯސިއޭޝަނާ އެކު، ޕްރެކްޓިސްތައް ގަވާއިދުން ކުރަމުން އަންނަ ނާއިކް ބުނީ މުބާރާތްތަކަށް ހާއްސަ އަހައްމިއްޔަތުކަމެއް ދީގެން ގަދައަޅާ މަސައްކަތް ކުރާ ކަމަށެވެ.

"ކޮންމެ ދުވަހަކުހެން ޕްރެކްޓިސް ކުރަން. އަސްލު އަބުޅޯ ކޯޗާއި ސުޖިތު ސާއާ ނުލައި މިކަމެއް ނުވާނެ، އެ ދެ ކޯޗުންގެ ފަރާތުން ލިބޭ ޓްރެއިނިންތަކާ މެދު ވަރަށް އުފާވޭ،" ނާއިކް ބުންޏެވެ.

ރާއްޖޭން ބޭރުގެ މުބާރާތަށް ފުރަތަމަ ދިޔައިރު، ކޮންފިޑެންސް ހުރީ އެންމެ ރަނގަޅު ލެވަލްގައި ނޫންކަން ނާއިކް ފާހަގަކުރި އެވެ. އެކަމަކު، ގައުމު ތަމްސީލްކުރަން ލިބުނު ފުރުސަތުގެ މުހިންމުކަން އިހުސާސްވެ، އެ ހިތްހަމަޖެހުމާ އެކު، ރަނގަޅު ވާދައެއް ކުރުމުގެ އަޒުމުގައި، ދެން ތިބި ކުދިންނާ ވާދަކޮށް، ނާއިކް ހުރީ ކުރިއަށްދިއުމަށްޓަކައި ވަަރުފަދަ ރޫހެއްގަ އެެވެ.

"އުންމީދަކީ، އެ ކުދިންނާ (ބައިނަލްއަގުވާމީ ލެވަލްގެ އެތުލީޓުންނާ) ކޮމްޕީޓް (ވާދަ) ކުރެވޭ ވަރަށް މޮޅުވުން،" ނާއިކް ބުންޏެވެ.

ޓްރެކް އެންޑް ފީލްޑް އެސޯސިއޭޝަނާއި އެތުލެޓިކްސް އެސޯސިއޭޝަން އޮފް މޯލްޑިވްސް އިން ކުރިމަގަށްޓަކައި، އެންމެ ބޮޑު އުންމީދެއް ކުރާ އެތުލީޓުންގެ ތެރޭގައި ނާއިކް ހިމެނެ އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox