ޒުވާނުންގެ މުޒާހަރާތައް ސިޔާސީނުކޮށް ކަންބޮޑުވުންތަކަށް ހައްލު ހޯދައިދޭން މަސައްކަތް ކުރަން ފައްޔާޒް ގޮވާލައްވައިފި

އެމްޑީޕީގެ ޗެއާޕާސަން، ފައްޔާޒް އިސްމާއިލް؛ ޒުވާނުންގެ މުޒާހަރާތައް ސިޔާސީ ކުރާތީ ހިތާމަ ކުރައްވާ ކަމަށް އޭނާ ވިދާޅުވި -- ފޮޓޯ: މިރާޝް ނާޝިމް

އެމްޑީޕީގެ ޗެއާޕާސަން، ފައްޔާޒް އިސްމާއިލް؛ ޒުވާނުންގެ މުޒާހަރާތައް ސިޔާސީ ކުރާތީ ހިތާމަ ކުރައްވާ ކަމަށް އޭނާ ވިދާޅުވި -- ފޮޓޯ: މިރާޝް ނާޝިމް

މިމަހުގެ 18 ވަނަ ދުވަހު ހ. ފެންޓެނޯއީގެ ނުވަ ވަނަ ފަންގިފިލާއިން ވެއްޓުނު ހައްވާ ޔުމްނު ރަޝީދު 21، އަށް އިންސާފު ހޯދައިދިނުމަށް ގޮވާލައި ޒުވާނުން ކުރަމުންދާ މުޒާހަރާތައް ސިޔާސީ ކުރުމުގެ ބަދަލުގައި އެ ޒުވާނުންގެ ކަންބޮޑުވުންތަކަށް ހައްލު ހޯއްދަވައިދެއްވަން މަސައްކަތް ކުރުމަށް އެމްޑީޕީގެ ޗެއާޕާސަން، ފައްޔާޒް އިސްމާއިލް ސަރުކާރަށް ގޮވާލައްވައިފި އެވެ.

އެކްސްގައި ފައްޔާޒް ކުރެއްވި ޕޯސްޓެއްގައި ވިދާޅުވީ ޔުމްނުއަށް އިންސާފު ހޯދައިދިނުމަށް ގޮވާލައި ޒުވާނުން އިސްނަގައިގެން ކުރަމުން ގެންދާ މުޒާހަރާތައް ސިޔާސީކޮށް އެމްޑީޕީއާ ގުޅުވުމަށް ސަރުކާރާއި ސަރުކާރަށް ތާއީދު ކުރާ ފަރާތްތަކުން މަސައްކަތް ކުރަމުން ދާތީ ހިތާމަ ކުރައްވާ ކަމަށެވެ.

"އެ މުޒާހަރާތަކަކީ ސަރުކާރުން ކަންކަން ސިއްރު ކުރުމާއި ސައްހަ ނޫން މައުލޫމާތު ފެތުރުމުގެ އިތުރުން ވަކީން ހާއްސަކޮށް ދައުލަތުގެ މުއައްސަސާތަކާއި މީޑިއާ އަދި ސިޔާސީ ޕާޓީތަކާއި ސިޔާސީ ނިޒާމަށް ކުރާ އިތުބާރު ގެއްލެމުންދާ ކަމުގެ އަލިގަދަ ދަލީލެއް،" ފައްޔާޒް ވިދާޅުވި އެވެ.

ފައްޔާޒް އެހެން ވިދާޅުވީ ބާރަށު ދާއިރާގެ މަޖިލިސް މެންބަރު އެކްސްގައި ކުރެއްވި ޕޯސްޓަކަށް ރައްދު ދެއްވަ އެވެ.

ސުޖާއު ކުރެއްވި ޕޯސްޓުގައި ވިދާޅުވީ އެމްޑީޕީ ވަދެއްޖެ ތަނެއް ހަލާކު ވާނެ ކަމަށާއި އެމްޑީޕީން ގެންދަނީ ޒުވާނުން ކުރާ އިހުތިޖާޖުތަކުން މަންފާ ހޯދަމުން ކަމަށެވެ.

"ޒުވާނުން ކުރާ ސުލްހަވެރި އިހުތިޖާޖުން މި މީހުން ދަނީ މަންފާ ހޯދަމުން، އެމްޑީޕީން މި އިހުތިޖާޖު ބޭނުން ކޮށްގެން ފައިސާ ހޯދަމުން އެބަ ގެންދޭ،" ސުޖާއު ކުރެއްވި ޕޯސްޓުގައި ތުހުމަތު ކުރައްވާފައިވެ އެވެ.

އެ ވާހަކަތަކަށް ރައްދު ދެއްވައި ފައްޔާޒް ވިދާޅުވީ މި ވަގުތު ގައުމަށް އެންމެ މުހިންމީ ޒުވާނުންގެ ކަންބޮޑުވުންތަކުގެ އަޑު އަހައި އެކަންކަމަށް ހައްލު ހޯދައިދީ މުއައްސަސާތަކަށް އިތުބާރު ހޯދަން މަސައްކަތް ކުރުން ކަމަށެވެ.

ޒުވާނުން ކުރަމުންދާ މުޒާހަރާތައް ސިޔާސީ ކުރުމަށް ސަރުކާރަށް ތާއީދު ކުރާ ފަރާތްތަކުން މަސައްކަތް ކުރަމުން ދާއިރު، މިދިޔަ ބުރާސްފަތި ދުވަހުގެ ރޭ ރައީސުލްޖުމްހޫރިއްޔާ މުހައްމަދު މުއިއްޒު ވެސް ވަނީ ޔުމްނު ވެއްޓުނު ހާދިސާގެ ޒިންމާ އުފުލަންޖެހޭނީ އެމްޑީޕީން ކަމަށް ވިދާޅުވެފަ އެވެ.

"މިހާރު މި ހިނގައިގެން އުޅޭ ހިތާމަވެރި، ވަރަށް ހިތާމަވެރި ހާދިސާއަށް ވިސްނާލާއިރުގައި ވެސް، މިކަމުގެ އެންމެ ބޮޑު ޒިންމާއެއް ނަގަން ޖެހޭނީ އަޅުގަނޑު ގަބޫލުކުރާ ގޮތުގައި، އަދި އިންސާފަށް ލޯބިކުރައްވާ ކޮންމެ މީހެއް ވެސް ގަބޫލުކުރައްވާނެ ގޮތުގައި، ބިރަކާ ނުލައި މަޖާ ކުރުމަކީ ކޮންމެހެން ކުރަން ޖެހޭ ކަމެއްގެ ގޮތުގައި ޕްރޮމޯޓް ކުރި މީހުން މީގެ އަހަރުތަކެއް ކުރިން،" ރައީސް ވިދާޅުވި އެވެ.

"މަޖާކުރުން: ބިރަކާ ނުލާ ފޫހިފިލުވުން" އެއީ 2013 ވަނަ އަހަރުގެ ރިޔާސީ އިންތިހާބުގައި އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) އިން ހުށަހެޅި ސިޔާސަތެކެވެ. އެއީ އެ ޕާޓީން ހުށަހެޅި ކުޅިވަރާ މުނިފޫހިފިލުވުމުގެ ސިޔާސަތެވެ.

ފަައްޔާޒް ވަނީ ރައީސްގެ އެ ވާހަކަތައް ވެސް ކުށްވެރި ކުރައްވައި ތެދު މައުލޫމާތު ހާމަ ކުރެއްވުމަށް ސަރުކާރަށް ގޮވާލައްވައިފަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox