ބަންކަރިންގެ ހިދުމަތުން އަހަރެއްގެ ތެރޭގައި 400 މިލިއަން ޑޮލަރު ލިބޭނެ ކަމަށް ވިދާޅުވުމަށްފަހު ސައީދުގެ ވާހަކަ މިއަދު ބަދަލުވެއްޖެ

 އިކޮނޮމިކް މިނިސްޓަރު މުހައްމަދު ސައީދު  : ބަންކަރިން އިން އަހަރަކު 400 މިލިއަން ޑޮލަރުގެ އާމްދަނީއެއް ލިބޭނެ ކަމަށް ދުވަހަކުވެސް ނުބުނާ ކަމަށް ވިދާޅުވެ އޭނާ މިއަދު ވަނީ ދޮގުހައްދަވާފަ --- ފޮޓޯ: ރައީސް އޮފީސް

އިކޮނޮމިކް މިނިސްޓަރު މުހައްމަދު ސައީދު : ބަންކަރިން އިން އަހަރަކު 400 މިލިއަން ޑޮލަރުގެ އާމްދަނީއެއް ލިބޭނެ ކަމަށް ދުވަހަކުވެސް ނުބުނާ ކަމަށް ވިދާޅުވެ އޭނާ މިއަދު ވަނީ ދޮގުހައްދަވާފަ --- ފޮޓޯ: ރައީސް އޮފީސް

މިދިޔަ ސެޕްޓެމްބަރު މަހު ސަރުކާރުން ފެށި ބަންކަރިންގެ ހިދުމަތުން އަހަރެއްގެ ތެރޭގައި 400 މިލިއަން ޑޮލަރުގެ އާމްދަނީއެއް ލިބޭނެ ކަމަށް ވިދާޅުވުމަށްފަހު، އެ މޭރުމުން އެ ވާހަކަ ދައްކާފައިނުވާނެ ކަމަށް އިގްތިސާދާ ބެހޭ މިނިސްޓަރު މިއަދު ވިދާޅުވެއްޖެ އެވެ.

ބަންކަރިންގެ ހިދުމަތުން އަހަރެއްގެ ތެރޭގައި 400 މިލިއަން ޑޮލަރު ލިބޭނެކަމުގެ ޔަގީންކަން ވެރިކަން ހިންގާ ޕީއެންސީގެ ހަރުގޭގައި ޖުލައި 7، 2024، ގައި ބޭއްވި ޖަލްސާއެއްގައި ވާހަކަ ދައްކަވަމުން ސައީދު ވަނީ ދެއްވައިފަ އެވެ.

"ކޮބައިތޯ މިކަމުން [ބަންކަރިން އިން] އިކޮނޮމީއަށް އަންނަ ބަދަލަކީ. ހަމައެކަނި ފުރަތަމަ. މި ޖުލައި މަސް ނިމޭއިރުގަ ބަންކަރިންގެ ހިދުމަތް ފަށައިގެން އަންނަ އަހަރުގެ ޖުލައި އަންނަން ވާއިރު. އަޅުގަނޑުމެން އަންދާޒާކޮށްލިއިރު. އަޅުގަނޑު ދެންމެ މި ދެންނެވި ރާއްޖޭގެ ޖީޑީޕީ އަކީ 6.5 ބިލިއަން އެމެރިކާ ޑޮލަރު. އޭގެތެރެއަށް އިރާދަކުރެއްވިއްޔާ މުޅިން އައު 400 މިލިއަން ޑޮލަރު ވަދެގެން ދާނެ،" ސައީދު އެ ދުވަހު ވިދާޅުވި އެވެ.

ނަމަވެސް ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ސައީދު ވިދާޅުވީ ކުރިން ވެސް ވިދާޅުވެފައިވާނީ 400 މިލިއަން ޑޮލަރު ހޯދުމުގެ ޓާގެޓާ ހަމައަށް ދިޔުމަށް މަސައްކަތް ކުރައްވާނެ ވާހަކަ ކަމަށެވެ.

"[އަޅުގަނޑު ވިދާޅުވީ] އޭގެތެރެއިން އެއް ޕަސެންޓަކީ ވެސް 400 އެއްހާ މިލިއަން ޑޮލަރޭ. އެ ޓާގެޓަށޭ އަޅުގަނޑުމެން މި މަސައްކަތް ކުރަނީ. އަޅުގަނޑު އެއްވެސް ހާލެއްގައި، ކުރިން ވެސް އަދި މިއަދު ވެސް ނުދަންނަވަން، ހަމަ ބަންކަރިން ފަށާ ދުވަހު 400 މިލިއަން ޑޮލަރު ރާއްޖޭގެ ޖީޑީޕީ ތެރެއަށް ވަދެގެން ދާނެ ކަމަކަށް،" ސައީދު މިއަދު ވިދާޅުވި އެވެ.

ސައީދު ވިދާޅުވީ ބަންކަރިންގެ ހިދުމަތަކީ ދުނިޔޭގެ ބޮޑު ވިޔަފާރިއެއް ކަމަށާއި އެތައް ބިލިއަން ޑޮލަރުގެ މި ވިޔަފާރީގެ ތެރެއިން ރާއްޖޭގެ އުތުރާއި ދެކުނުގެ ކަނޑުއޮޅިތަކުގައި ހިނގާ ވިޔަފާރިތަކުގެ އެއް ޕަސެންޓަކީ 400 މިލިއަން ޑޮލަރު ކަމަށް ވިދާޅުވެފައިވާނެ ކަމަށެވެ.

ޕީއެންސީގެ ޖަގަހައިގައި ވާހަކަ ދައްކަވަމުން ސައީދު ވިދާޅުވެފައި އޮތީ ޖުލައި މަހުގެ ފަހުކޮޅު އުތުރުގައި ބަންކަރިން ފެށޭނެ ކަމަށެވެ.

އެ ހަބަރު އޭރު ގިނަ ނޫސްތަކުން ރިޕޯޓުކޮށްފައި ވެސް ވެ އެވެ. ނަމަވެސް، ބަންކަރިންގެ ހިދުމަތް ރޭވި ގޮތަށް ކުރިއަށްދާން ނުފެށުމުން ސައީދު ވަނީ މި ވާހަކައާ ދުރަށް ޖެހިވަޑައިގެންފަ އެވެ.

ބަންކަރިންގެ ހިދުމަތް ފެށިތާ ފަސް މަސްވެފައިވާއިރު މިހާތަނަށް އެ ހިދުމަތުން ކިހާވަރެއްގެ އާމްދަނީއެއް ލިބުނުތޯ މީގެ ކުރިން "އަދަދު" އިން ސުވާލުކުރުމުން ވެސް ސައީދު ވަނީ އެ ސުވާލަށް ސީދާ ޖަވާބެއް ދެއްވަން ދެކޮޅު ހައްދަވާފަ އެވެ.

އެގޮތުން، އެ ހިދުމަތްދޭ ސަރުކާރުން ކުންފުނި އެސްޓީއޯއާ ހަވާލާދީ އޭނާ ވިދާޅުވީ މިހާތަނަށް ބަންކަރިންގެ ހިދުމަތް ދިނުމަށް އެ ކުންފުނިން ގެނައީ ތެލުގެ ދެ ޝިޕްމަންޓު ކަމަށެވެ. އަދި، އިންޓަނޭޝަނަލް ބަންކަރިންގެ ހިދުމަތް ދިނުމަކީ ރާއްޖޭގައި އަލަށް ފެށި މަސައްކަތެއް ކަމަށާއި އެކަން ކުރުމުގައި ގިނަ ގޮންޖެހުންތަކެއް ހުރިކަން ސައީދު ފާހަގަކުރެއްވި އެވެ. މިއަދު ވެސް ސައީދު ވަނީ އެ ތަފުސީލުތައް ދޭން ދެކޮޅު ހަދައިފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox