ތިމާވެށީގެ ޖޫރިމާނާ ނުލިބޭ މައްސަލަ ހައްލުކުރެވޭނީ ގާނޫނުތައް ބަދަލުކޮށްގެން ކަމަށް އިދާރާތަކުން ބުނެފި

ރަސްފަރީ ފަރަށް އެރި ބޯޓެއް: މިހާތަނަށް އެންމެ ބޮޑު ޖުރިމަނާއެއް ދެއްކީ މި ބޯޓުން -- ފޮޓޯ: އެމްއެންޑީއެފް

ރަސްފަރީ ފަރަށް އެރި ބޯޓެއް: މިހާތަނަށް އެންމެ ބޮޑު ޖުރިމަނާއެއް ދެއްކީ މި ބޯޓުން -- ފޮޓޯ: އެމްއެންޑީއެފް

ތިމާވެއްޓަށް ގެއްލުން ދިނުމުގެ މައްސަލަތަކުގައި ކުރާ ޖޫރިމަނާ ފައިސާ ހޯދޭޏީ މިހާރު ހުރި ގާނޫނުތައް ބަދަލުކޮށް ކަމާބެހޭ ވުޒާރާތަކާއި އެންވަރަމެންޓަލް ޕްރޮޓެކްޝަން އެޖެންސީ (އީޕީއޭ) އެއް ކަމަކަށް އެއްބަސްވެ، ގުޅިގެން މަސައްކަތް ކޮށްގެން ކަމަށް ރައްޔިތުންގެ މަޖިލީހުގައި އިދާރާތަކުން މިއަދު ބުނެފި އެވެ.

މިފަދަ މައްސަލަތަކާ ގުޅިގެން ކުރާ ޖޫރިމަނާތައް ނުލިބޭ މައްސަލަ ދިރާސާކުރަމުން އެންވަރަމަންޓު އެންޑް ކްލައިމެޓު ޗޭންޖު ކޮމިޓީގައި މިހެން ވިދާޅުވީ އީޕީއޭގެ ޑިރެކްޓަރު ޖެނެރަލް އިބްރާހިމް ނައީމެވެ. އޭނާ މިހެން ވިދާޅުވީ ގުދުރަތީ މާހައުލަށް ބޮޑެތި ގެއްލުންތަކެއް ލިބޭ މައްސަލަތަކުގައި ހަމަ އެއްވެސް ހައްލެއް ނެތީތޯ ސުވާލުކޮށް މެންބަރަކު ކަންބޮޑުވުން ފާޅުކުރެއްވުމުންނެވެ.

ނައީމް ވިދާޅުވި ގޮތުގައި ފައިސާ ހޯދުމުގައި ގިނަ ދަތިތަކެއް އެބަހުއްޓެވެ. އެއް ކަމަކަށް އޭނާ ފާހަގަކުރެއްވީ ޖޫރިމަނާ ކުރާ ބޯޓުތަކަށް ރާއްޖޭގެ ސަރަހައްދުގައި އެެއްވެސް ހުރަހެއް ނެތި ހަރަކާތްތެރިވެވޭ މައްސަލަ އެވެ. އަދި ޖޫރިމަނާ ދައްކަން އޮތަސް ސަރުކާރުން އެ މައްސަލަތަކުގައި ޝާމިލުވާ ވިޔަފާރިތަކާ ވިޔަފާރީގެ މުއާމަލާތްކޮށް ފައިސާ ދެމުންދާ ކަމަށް ވެސް އޭނާ ވިދާޅުވި އެވެ.

"މި ފަރާތްތަކަށް ސަރުކާރުގެ ފަރާތުން ދޭން ޖެހޭ ފައިސާ ވެސް، ހަމަ އެ ޖޫރިމަނާގެ އަދަދު 300 މިލިއަން، 400 މިލިއަން، އެހެން ހުރި ކަމުގައިވިިޔަސް، ސަރުކާރުން އެ މީހުންނަށް ދައްކަން ޖެހޭ ލާރީތައް ވެސް ހަމަ ބަރާބަރަށް ދައްކަމުންދޭ. މި މީހުންނަކަށް ނެތް މާ ބޮޑު ހުރަހެއް ނެތް މިޔަކު ޖޫރިމަނާއެއް އޮތަސް. މިކަމުގައި އޮޕަރޭޓުކުރުމުގައި،" އޭނާ ވިދާޅުވި އެވެ.

އެހެން މައްސަލައެއްގެ ގޮތުގައި ނައީމް ފާހަގަކުރެއްވީ ރާއްޖޭގެ ސަރަހައްދުން ދަތުރުކުރާ އުޅަނދުފަހަރުގެ އިންޝުއަރެންސް ކުޑަ މައްސަލަ އެވެ. އޭނާ ވިދާޅުވީ އެ ފަދަ ބޯޓުތަކުން އޮންނަނީ ވަރަށް ކުޑަ، މިނިމަލް ކަވަރޭޖު ލިބޭ ވަރުގެ އިންޝުއަރެންސެއް ކަމަށެވެ.

އެހެން ދިމާވަނީ، ނައީމް ގަބޫލުކުރައްވާ ގޮތުގައި، ރާއްޖެ ދަތުރުކުރާ އުޅަނދުފަހަރުގެ އިންޝުއަރެންސާ ގުޅޭ ރަނގަޅު އުސޫލުތަކެއް ހެދިފައި ނެތުމެވެ. އަދި އިންޝުއަރެންސް ފުރިހަމަ ނުވިޔަސް ރާއްޖެ ދަތުރުކުރެވޭ ކަމަށާއި އެ މައްސަލަ ހައްލުކުރެވޭނީ ގަވާއިދުތައް ބަދަލުކޮށްގެން ކަމަށް އޭނާ ވިދާޅުވި އެވެ.

އެކަމަށް ހައްލެއް ހުށަހަޅުއްވަމުން އޭނާ ވަނީ މިގޮތަށް ޖޫރިމަނާ ކުރެވޭ އުޅަނދުފަހަރާއި އެ އުޅަނދުތަކުގެ ވެރިންނަށް ރާއްޖޭގައި ހަރަކާތްތެރިވުމުގައި ކޮންމެ ވެސް ހުރަސްތަކެއް އަޅަން ޖެހޭ ކަމަށް ވިދާޅުވެފަ އެވެ. އަދި ކޯޓަށް ނުގޮސް، ކޯޓުން ބޭރުން މައްސަލަތައް ހައްލުކުރަން ފަސޭހަވާނެ ކަހަލަ ގޮތަކަށް ކަންކަން އިންތިޒާމް ކުރަން ވެސް އޭނާ ހުށަހެޅުއްވި އެވެ.

މި މައްސަލައިގައި އޭޖީ އޮފީހުން ވަނީ ޖޫރިމަނާތައް ތަންފީޒުކުރަން ހުރި ގޮންޖެހުންތައް ވެސް ކޮމިޓީއާ ހިއްސާކޮށްފަ އެވެ. އެންމެ ބޮޑު މައްސަލައެއްގެ ގޮތުގައި އޭޖީ އޮފީހުން ފާހަގަކުރީ މިފަދަ މައްސަލަތަކުގައި މިހާރު އޮންނަ އިޖުރާއަތްތަކެވެ.

އެ ގޮތުން ޖޫރިމަނާ ކުރުމުން، އެންވަރަމަންޓު މިނިސްޓްރީގައި ވެސް މައްސަލަ އިސްތިއުނާފު ކުރެވޭ ކަމަށާއި މިހެން ހެދުމުން، ކޯޓަށް މައްސަލަ ހުށަހަަޅާފައި އޮއްވައި އަނބުރާ ގެންނަން ޖެހިފައިވާ ކަމަށް އެ އޮފީހުން ބުންޏެވެ. ދެން އެ މައްސަލަ އަލުން ކޯޓަށް ހުށަހެޅެނީ މިނިސްޓަރު އެކަމާ މެދު ގޮތެއް ނިންމުމުން ކަމަށް އޭޖީ އޮފީހުން ބުންޏެވެ

މައްސަލަ ކޯޓަށް ހުށަހެޅުމުން ވެސް ދަތިތަކާ ދިމާވާ ކަމަށް އޭޖީ އޮފީހުން ބުންޏެވެ. މިހާތަނަށް ކޯޓަށް ހުށަހެޅި މައްސަލަތަކުގެ ތެރެއިން އެންމެ މައްސަލައެއް ނިމިފައިވާއިރު، އެ މައްސަލައިގައި ވެސް ފައިސާ ހޯދަން ޖެހިފައި ވަނީ ބޯޓު ވިއްކާލައިގެން ކަމަށް އެ އޮފީހުގެ ވަކީލު ބުންޏެވެ. ބޯޓު ވިއްކާލުމުގެ ކަންކަން ކުރަން ހުކުމް ތަންފީޒުކުރުމުގެ އަމުރަކަށް އެދިފައިވާނެ ކަަމަށް އޭނާ ބުންޏެވެ.

އޭޖީ އޮފީހަށް ދިމާވާ އަނެއް މައްސަލައަކީ ފަރަށް އަރާ ބޯޓު ފަހަރުގެ ވެރިންނަކީ ބޭރުގެ ވިޔަފާރިތަކަށް ވުމެވެ. އެހެންވެ، ދެން އޮންނަ ގޮތަކީ އެ ބޯޓުގެ ރާއްޖޭގެ އެޖެންޓާ ދެކޮޅަށް ދައުވާކުރުން ކަމަށް އޭނާ ވިދާޅުވި އެވެ. މިއާ އެކީގައި އިތުރު މައްސަލަތަކެއް ނިކުމެ، ކޯޓު މަރުހަލާ ދިގުލައިގެންދާ ކަމަށް އޭޖީ އޮފީހުން ބުންޏެވެ.

"އަޅުގަނޑުމެން ދައުވާ ކުރާ ކޮންމެ ފަހަރެއްގައި އެޖެންޓު އެބަ ނަގާ އިޖުރާއީ ނުކުތާއެއް ސެއިން ތިމަންނަމެންނަކީ ހަމައެކަނި އެޖެންޓޭ، ތިމަންނަމެންގެ ޒިންމާއަކީ މި ހިސާބަށޭ މި އޮންނަނީ. އެހެންމަ ތިމަންނަމެންނެއް މި ލަޔަބިލިޓީ ނަގާކަށް ނުޖެހޭނެ ކަމަށް ވިދާޅުވެ،" އޭޖީ އޮފީހުގެ ވަކީލު ވިދާޅުވި އެވެ.

ކޮމިޓީގައި އެންމެ ފުރަތަމަ ވާހަކަ ދެއްކި، އެންވަރަމަންޓު މިނިސްޓްރީގެ މަންދޫބު ވެސް ވަނީ ގާނޫނީ ގޮތުން ހުރި ހުރަސްތައް ފާހަގަކޮށްފަ އެވެ. އޭނާ ބުނި ގޮތުގައި މިއީ ވަރަށް ޒަމާންވީ، ހައްލު ހޯދަން ބޭނުންވެފައި އޮތް ބޮޑު މައްސަލައެއް ކަމަށެވެ.

މިހާތަނަށް ތިމާވެއްޓަށް ގެއްލުން ދީގެން 51 މައްސަލައެއްގައި ފަސް ބިލިއަނަށް ވުރެ ގިނަ ރުފިޔާ ޖޫރިމަނާކޮށްފައިވާއިރު، ބޮޑެތި އަދަދުތަކުން ޖޫރިމަނާ ކުރި ބޯޓުތަކާއި އެހެނިހެން ވިޔަފާރިތަކުގެ ތެރެއިން ޖޫރިމަނާ ދެއްކީ މަދު ބަޔެކެވެ. މިހާރު ކޮމިޓީން މަސައްކަތް ކުރަމުންދަނީ މި ފައިސާތައް ލިބޭނެ ގޮތެއް ހޯދައި، މުސްތަގުބަލުގައި މިހެން ލިބޭ ގެއްލުންތަކުގައި އަމަލުކުރާނެ ގޮތްތަކެއް ކަނޑައަޅަން ގާނޫނަށް ގެންނަން ޖެހޭ ބަދަލުތައް ދެނެގަތުމެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox