ގޭމް ޕަބްލިޝާ ޔުބިސޮފްޓުން، "ރެއިންބޯ ސިކްސް ސީޖް" ގެ އިވެންޓް، "ރީ:ލޯޑް 2025" ގެ އާ ފޯމެޓް ހާމަކޮށްފި އެވެ.

މި މުބާރާތް އޮންނާނީ މެއި 8 އިން 18 އަށް ބްރެޒިލްގެ ރިއޯ ޑި ޖެނެއިރޯގައި ހުންނަ ކަރިއޯކާ އެރީނާ 1 ގައެވެ. މި މުބާރާތުގައި ރެއިންބޯ ސިކްސް އީސްޕޯޓްސްގެ 20 ޕާޓްނަރު ޓީމް ބައިވެރިވެ، 480,000 ޔޫރޯ (401,212 ޕައުންޑް) ގެ އިނާމަށް ވާދަކުރާނެ އެވެ.

އާ 'ބުލެޓް' ސިސްޓަމް

މި މުބާރާތުގެ އާ ސްޓްރެޓެޖީއަކީ 'ބުލެޓް' ސިސްޓަމެވެ. ކޮންމެ ޓީމަކަށް ވެސް ގްރޫޕް ސްޓޭޖް ފެށޭއިރު ހަ ބުލެޓް ދެވޭނެ އެވެ. ޓީމުތަކުގެ ރޭންކިން، ސްޓޭންޑިން އަދި ސަވައިވަލް ކަނޑައެޅިގެންދާނީ މި ބުލެޓްތަކުގެ މައްޗަށް ބިނާކޮށެވެ.

ކޮންމެ މެޗަކަށް ކުރިން، ޓީމުތަކަށް ވަކި އަދަދެއްގެ ބުލެޓް "ރީލޯޑް" ކުރެވޭނެ އެވެ. މެޗުން މޮޅުވާ ޓީމަކަށް އެ ޓީމުން ބޭނުންކުރި ބުލެޓްތައް އަނބުރާ ލިބޭނެ އެވެ. އަދި ކޮންމެ ރައުންޑެއްގެ ތަފާތަކަށް އިތުރު ބުލެޓެއް ލިބޭނެ އެވެ. ނަމަވެސް ބަލިވާ ޓީމުން އެ ޓީމުން ބޭނުންކުރި ބުލެޓްތައް ގެއްލޭނެ އެވެ.

މުބާރާތުގެ ފޯމެޓް

ގްރޫޕް ސްޓޭޖް (މެއި 10-14)

ގްރޫޕް ސްޓޭޖްގައި ކޮންމެ ޓީމަކުން ފަސް ރައުންޑްގެ ބެސްޓް-އޮފް-ވަން މެޗުތައް ކުޅޭނެ އެވެ. ފުރަތަމަ ރައުންޑް ފިޔަވައި އެހެން ހުރިހާ ރައުންޑެއްގައި ޓީމުތަކަށް އެ ޓީމުތަކުގެ ވާދަވެރިން ސީދާ ޗެލެންޖް ކުރެވޭނެ އެވެ. ކޮންމެ މެޗަކަށް ކުރިން، ދެ ޓީމުންވެސް "ރީލޯޑް" ކުރާނެ ބުލެޓްތަކުގެ އަދަދު ކަނޑައަޅަންޖެހޭނެ އެވެ. މެޗުން މޮޅުވާ ޓީމަށް އެ ޓީމުން ބޭނުންކުރި ބުލެޓްތައް އަނބުރާ ލިބި، ކޮންމެ ރައުންޑެއްގެ ތަފާތަކަށް އިތުރު ބުލެޓެއް ލިބޭނެ އެވެ. އެކަމަކު ބަލިވާ ޓީމުން އެ ޓީމުން ބޭނުންކުރި ބުލެޓްތައް ގެއްލޭނެ އެވެ. ޓީމުތަކަށް ރިޒާވްގައި ހުރި ބުލެޓްތަކަށްވުރެ ގިނަ ބުލެޓް ބޭނުންކުރެވިދާނެ އެވެ. ނަމަވެސް ބަލިވެއްޖެނަމަ އެ ޓީމެއް މުބާރާތުން ސީދާ ވަކިވާންޖެހޭނެއެވެ.

ޕްލޭއޯފްސް (މެއި 16-18)

ޕްލޭއޯފްސް މަރުޙަލާގައި ގްރޫޕް ސްޓޭޖުން އެންމެ މޮޅު 8 ޓީމް ސިންގަލް-އެލިމިނޭޝަން ބްރެކެޓަކަށް ދާނެއެވެ. ކުއާޓަރ ފައިނަލް އަދި ސެމީ ފައިނަލް މެޗުތައް ކުޅޭނީ ބެސްޓް-އޮފް-ތްރީ ފޯމެޓުގައެވެ. އެއީ މޮޅުވާން 3 މެޗުން 2 މެޗް މޮޅުވާންޖެހޭ ގޮތަށެވެ. ފައިނަލް މެޗް ކުޅޭނީ ބެސްޓް-އޮފް-ފައިވް ފޯމެޓުގައެވެ. އެއީ މޮޅުވާން 5 މެޗުން 3 މެޗް މޮޅުވާންޖެހޭ ގޮތަށެވެ.

ސްޕެޝަލް ކާޑުތައް

މުބާރާތުގައި ސްޓްރެޓެޖިކް ކާޑުތަކެއް ތަޢާރަފުކޮށްފައިވެއެވެ:

އޮޓޮމެޓިކް ކާޑުތައް:

މުބާރާތުގައި ޔުބިސޮފްޓުން ތައާރަފުކޮށްފައިވާ އޮޓޮމެޓިކް ކާޑުތަކަކީ ވަކި ޝަރުތުތަކެއް ފުރިހަމަވުމުން އަމިއްލައަށް އެކްޓިވޭޓްވާ ކާޑުތަކެކެވެ. އޭގެތެރޭގައި ސަވައިވާ ކާޑް (1 ބުލެޓް އޮވެގެން މެޗް ކުޅެ މޮޅުވާ ޓީމަކަށް އިތުރު ބުލެޓެއް ލިބޭނެ)، ފްލޯލެސް ވިކްޓަރީ ކާޑް (7-0 އަށް މޮޅުވެއްޖެނަމަ އިތުރު 2 ބުލެޓް ލިބޭނެ)، އަދި އެލިމިނޭޓަރ ކާޑް (ވާދަވެރިއެއް މުބާރާތުން ވަކިކޮށްފިނަމަ އިތުރު ބުލެޓެއް ލިބޭނެ) ހިމެނެއެވެ.

މީގެއިތުރުން، ކޮންމެ ޓީމަކަށްވެސް ސިންގަލް-ޔޫސް ކާޑުތައް ލިބިފައިވެއެވެ. އެއީ ޗިކަން ކާޑް (ސީދާ ޗެލެންޖަކުން ދުރުވުމަށް)، އެކްސްޓެންޑެޑް މެގް ކާޑް (މޮޅުވާ ޓީމަކަށް ލިބޭ ބުލެޓްތައް އިތުރުކުރުމަށް)، އަދި ޑުއެލް ކާޑް (މުބާރާތުން ވަކިވާންޖެހޭ ޓީމަކަށް ފަހު ފުރުޞަތެއްގެ ގޮތުން ޑުއެލްއެއް ކުޅުމަށް މި ކާޑުތައް ކޮންމެ ޓީމަކަށްވެސް އެންމެ ފަހަރަކު ބޭނުންކުރެވޭނެއެވެ.

"ރީ:ލޯޑް 2025" މުބާރާތަކީ ފުރަތަމަ ފަހަރަށް "ސީޖް X" ޕްރޮފެޝަނަލް ލެވެލްގައި ބޭނުންކުރެވޭ މުބާރާތް ކަމަށްވާތީ، މިއީ ރެއިންބޯ ސިކްސް އީސްޕޯޓްސްގެ ތާރީޚުގައި މުހިންމު ހަދާނެއް ފާހަގަކުރާ މުބާރާތެކެވެ.

ބައިވެރިވާ ޓީމުތައް

މި މުބާރާތުގައި ބައިވެރިވާނީ R6 ޝެއަރ ޕްރޮގްރާމްގެ 20 ޕާޓްނަރ ޓީމެވެ. މީގެ ތެރޭގައި ހިމެނެނީ:

ސީއޭޖީ އޮސާކާ، ކްލައުޑް9، ޑާކްޒީރޯ އީސްޕޯޓްސް، އެލެވޭޓް، ފިއަރX، ފްނެޓިކް، ފޭޒް ކްލޭން، ފްލަކްސޯ، ފޫރިއާ އީސްޕޯޓްސް، ޖީ2 އީސްޕޯޓްސް، M80، ޕީއެސްޖީ ޓަލޮން، ސްކާޒް، ސްޕޭސްސްޓޭޝަން ގޭމިންގ، ޓީމް ފަލްކަންސް، ޓީމް ބީޑީއެސް، ޓީމް ސީކްރެޓް، ޓީމް ލިކުއިޑް، ވައިލްޑްކާޑް، އަދި ޑަބްލިއު7އެމް އީސްޕޯޓްސް އެވެ.

ގްރޫޕް ސްޓޭޖް ކުޅޭނީ މެއި 10 އިން 14 އަށެވެ. ޕްލޭއޯފް މެޗުތައް ފެށޭނީ މެއި 16 ގައެވެ. ފައިނަލް މެޗް ކުޅޭނީ މެއި 18 ގައެވެ.