ޓީވީ ޕްރޮގްރާމެއްގައި އޯޓިޒަމް އާއި ޑައުން ސިންޑްރޯމްއާ ގުޅުވައި ހަޖޫ ޖެހުމުން ފާޑުކިޔުން

Mar 25, 2025, 11:33 AM
ރާއްޖެ ޓީވީން ގެނެސްދިން ޕްރޮގްރާމުގެ ސްކްރީންޝޮޓެއް: ގިނަ ބަޔަކު އަންނަނީ މިފަދަ އަމަލުތައް ބަލައިނުގަނެވޭނެ ކަމަށް ބުނެ ފާޑުކިޔަމުން --

ރާއްޖެ ޓީވީން ގެނެސްދިން ޕްރޮގްރާމުގެ ސްކްރީންޝޮޓެއް: ގިނަ ބަޔަކު އަންނަނީ މިފަދަ އަމަލުތައް ބަލައިނުގަނެވޭނެ ކަމަށް ބުނެ ފާޑުކިޔަމުން --

ރާއްޖެ ޓީވީގެ ޕްރޮގްރާމެއްގައި ރައްޔިތުންގެ މަޖިލީހުގެ ނޮޅިވަރަމް ދާއިރާގެ ކުރީގެ މެންބަރު މުހައްމަދު ނަޝީދު އަބްދުالله (މޮސްޓާ) އާއި ކުރީގެ ކާނަލް އަހުމަދު ފަޔާޒް އަލީ ރިޒާ (ޕާޕާ) އޯޓިޒަމް އާއި ޑައުންސިންޑްރޯމްއާ ގުޅުވައި ހަޖޫ ޖެހުމުން ފާޑުކިޔުން އަމާޒުވެއްޖެ އެވެ.

އެ ޕްރޮގްރާމުގައި ހީ ސަމާސާކޮށްފައި ޕާޕާ ވިދާޅުވީ "އަސްލު މީނައަކީ އަސްލު އޯޓިސްޓިކް ގޮތެއް ހުންނަހެން ހީވަނީ މީނަގެ، އޮޕަރޭޓްކުރާ ގޮތުން،" އެވެ. އަދި ޕާޕާ ދެއްކި ވާހަކައަށް ހިތްވަރު ދެއްވައި މޮސްޓާ ވިދާޅުވީ "އޯޓިސްޓިކް އެކަންޏެއް ނޫން، ޑައުންސިންޑްރޯމް ވެސް ހުންނަހެން ހީވަނީ،" އެވެ.

ޕާޕާ އާއި މޮސްޓާ ދެއްކި ވާހަކަތަކަށް ފާޑުކިޔައި މާހިރު ނަމަކަށް ކިޔާ މީހަކު ފޭސްބުކްގައި ކުރި ޕޯސްޓެއްގައި ބުނީ ބައެއް މީހުން ޓީވީތަކުގައި ހީސަމާސާކުރަން އެކި މީހުންނަށް ނިސްބަތްކޮށް އޯޓިސްޓިކް ގޮތެއް ހުންނަ މީހެއް ކަމަށް ސިފަކޮށް ވާހަކަ ދެއްކުމަކީ ހިތާމަހުރި ކަމެއް ކަމަށެވެ.

Advertisement

"ބައެއް ބޭފުޅުން ޓީވީތަކަށް އަރާތިބެގެން ހީ ސަމާސާކުރަމުން އެވެނި މިވެނި މީހަކީ އޯޓިސްޓް ގޮތެއް ހުންނަ ފަދަ މީހެކޭ ޑައުންސިންޑްރޮމް ހުންނަ މީހެކޭ ކިޔާ އެފަދަ ފަރާތްތަކުގެ ކަރާމާތަށް ހުތުރުވާގޮތަށް ވާހަކަ ދައްކާކަމީ ހަގީގަތުގައި ވެސް ވަރަށް ހިތާމަހުރި ކަމެއް،" އޭނާ ބުންޏެވެ.

މާހިރު ބުނީ އެފަދަ ކުދިން ގޮވައިގެން އުޅޭ އަދި އެކުދިންގެ ހައްގުގައި އެތައް ގުރުބާނީއެއް ވަމުންދާ ބަޔަކަށް އިހްސާސް ވާނީ އެ ބަޔަކަށް ކަމަށެވެ. އަދި އެ ކުދިންގެ ކަރާމާތަށާއި އެކުދިންގެ އެ ސިފައަށް ޖޯކުޖަހައި އެއީ އެއްވެސް އަގެއް ނެތް ގަމާރު ކުދިންތަކެއްގެ ގޮތުގައި ސިފަކޮށް ވާހަކަދުމަކީ އަސަރުކުރާނެ ކަމެއް ކަމަށެވެ.

މާހިރުގެ ޕޯސްޓު ފޭސްބުކްގައި ވައިރަލްވެ 650 އަށްވުރެ ގިނަ ޝެއާ ލިބިފައިވާއިރު، ގިނަ ބަޔަކު ވަނީ އެ ޕްރޮގްރާމުގައި އޯޓިސްޓިކް އަދި ޑައުންސިންޑްރޯމް ކުދިންނަށް ކުޑައިމީސްކޮށް ދެއްކި ވާހަކަތައް ކުށްވެރިކޮށްފަ އެވެ. އަދި އޯޓިޒަމް އާއި ޑައުންސިންޑްރޮމް ފަދަ މައުލުތައް ސިޔާސީ ކަންކަމުގެ ތެރެއަށް ނުވެއްދުމަށް ވެސް ގިނަ ބަޔަކު ވަނީ ގޮވާލައިފަ އެވެ.

މީގެ ކުރިން ވެސް މިފަދަ މައްސަލައެއް ފެންމަތިވި އެވެ. އެ ފަހަރު ފާޑުކިޔުން އަމާޒުވީ މާލެ ސިޓީ ކައުންސިލުގެ އޭރުގެ މެދުހެންވޭރު ދާއިރާގެ މެމްބަރު އާދަމް ރަމީޒެވެ. އެ މައްސަލައިގައި ނުރުހުން އަމާޒުވުމުން އޭނާ ވަނީ މައާފަށް އެދިވަޑައިގެންފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox