މޮސްޓާއަށް ހަމަލާދިން މީހުންގެ މައްޗަށް ކުށް ސާބިތުވެ ޖޫރިމަނާކޮށްފި

މެންބަރު މުހައްމަދު ނަޝީދު އަބްދުﷲ މަޖިލީހުގެ ތަޅުމުގައި؛ އޭނާއަށް ހަމަލާ ދިން މީހުންގެ މައްޗަށް ކުށް ސާބިތުވެއްޖެ - ފޮޓޯ: މަޖިލީސް

މެންބަރު މުހައްމަދު ނަޝީދު އަބްދުﷲ މަޖިލީހުގެ ތަޅުމުގައި؛ އޭނާއަށް ހަމަލާ ދިން މީހުންގެ މައްޗަށް ކުށް ސާބިތުވެއްޖެ - ފޮޓޯ: މަޖިލީސް

ރައްޔިތުންގެ މަޖިލީހުގެ ނޮޅިވަރަމް ދާއިރާގެ މެންބަރު މުހައްމަދު ނަޝީދު އަބްދުﷲ (މޮސްޓާ) އަށް ހަމަލާ ދިން ކަމުގެ ތުހުމަތުގައި ދައުލަތުން ދައުވާކުރި ދެ މީހުންގެ މައްޗަށް ކުށް ސާބިތުވެ އަދަބެއްގެ ގޮތުގައި ޖޫރިމަނާކުރަން ކްރިމިނަލް ކޯޓުން އިއްޔެ ހުކުމްކޮށްފި އެވެ.

އެ މައްސަލާގައި ދައުލަތުން ދައުވާކުރީ މާތިއު މުހައްމަދު ޝަކީބު ނަމަކަށް ކިޔާ މީހަކާއި އިބްރާހިމް ލުބާން އަބްދުﷲ ނަމަކަށް ކިޔާ މީހެއްގެ މައްޗަށެވެ. ދެ މީހުންގެ މައްޗަށް ވެސް ކުރި ދައުވާއަކީ ގައިގައި އަތްލުމުގެ ދައުވާ އެވެ.

ދައުލަތުން ކްރިމިނަލް ކޯޓަށް ހުށަހެޅި ދައުވާގައި ބުނާ ގޮތުން، މެންބަރު ނަޝީދާއި އިތުރު މީހަކު ސައިކަލެއްގައި މަގުމަތީ ތިއްބައި، ދައުވާ ރައްދުވާ ދެ މީހުން ސައިކަލު ކައިރިއަށް ގޮސް މެންބަރު ނަޝީދާއި ދެން ހުރި މީހާގެ ގައިގައި އެ ދެ މީހުންގެ އަތުންނާއި ފައިން ޖަހާފައިވާ ކަމަށެވެ.

މި ދައުވާއަށް މާތިއުއާއި ލުބާން ވެސް ޝަރީއަތުގައި އިއުތިރާފުވެފައިވެ އެވެ. އަދި އަދަބު ވީހާވެސް ބޮޑަކަށް ލުއިކޮށްދޭން ދެ މީހުން އެދުނެވެ.

ގާނޫނުލް އުގޫބާތުގައިވާ ގޮތުން ގައިގައި އަތްލުމުގެ ކުށުގެ ދައުވާގެ އަސާސީ އަދަބަކީ އެއް މަހާއި ހަ މަސް ދުވަހުގެ މުއްދަތަކަށް ޖަލަށް ލުމެވެ. ކުށަށް އިއުތިރާފުވުމުން އަސާސީ އަދަބުގެ އެއް ދަރަޖަ ލުއިކުރަން ޖެހޭއިރު އެ ހާލަތުގައި ކަނޑައެޅޭ އަދަބަކީ 27 ދުވަހަށް ޖަލަށް ލުމެވެ.

މި ކުށުގެ ތުހުމަތުގައި ޝަކީބު 21 ދުވަހު ޖަލު ބަންދުގައި ހޭދަކޮށްފައިވާއިރު، ލުބާން ވަނީ 16 ދުވަހު ޖަލު ބަންދުގައި ހުރެފަ އެވެ. އެހެންކަމުން ޝަކީބަށް ހުކުމުން ތަންފީޒުކުރަން އޮންނާނީ ހަ ދުވަހެވެ. އަދި ލަބީބަށް ހުކުމުން ތަންފީޒުކުރަން އޮންނާނީ ބާކީ 11 ދުވަހެވެ.

އެ މުއްދަތަށް ޖަލަށް ލުމުގެ ބަދަލުގައި ޖޫރިމަނާގެ އަދަބެއް ކަނޑައަޅަން ދައުލަތުގެ އެއްވެސް އިއުތިރާޒެއް ނެތުމުން، މައްސަލަ ބެއްލެވި ގާޒީ ނިންމެވީ ޖޫރިމަނާގެ އަދަބެއް ކަނޑައަޅައި ހުކުމް ކުރެއްވުމަށެވެ.

ހުކުމް ކުރީ ޝަކީބު ތަންފީޒުކުރަން ޖެހޭ ޖަލު އަދަބުގެ ބަދަލުގައި 1،200 ރ. ގެ ޖޫރިމަނާއެއް އަދި ލުބާން 2،200 ރ. ގެ ޖޫރިމަނާއެއް އެއް މަސް ދުވަހުގެ ތެރޭގައި މީރާއަށް ދެއްކުމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox