ކުޑަކުދިން ރިހެބިލިޓޭޓު ކުރާ "ހޯޕް އައިލެންޑް" އުތުރުތިލަފަޅަށް ބަދަލުކޮށްފި

އުތުރު ތިލަފަޅުން ހިއްކުމުގެ މަސައްކަތް ކުރަނީ: ހޯޕް އައިލެންޑާއި މައި ޖަލުވެސް އަޅަނީ އުތުރުތިލަފަޅުގައި --- ފޮޓޯ: މިރާޝް ނާޝިމް / އަދަދު

އުތުރު ތިލަފަޅުން ހިއްކުމުގެ މަސައްކަތް ކުރަނީ: ހޯޕް އައިލެންޑާއި މައި ޖަލުވެސް އަޅަނީ އުތުރުތިލަފަޅުގައި --- ފޮޓޯ: މިރާޝް ނާޝިމް / އަދަދު

ހަރަދު ކުޑަކުރުމުގެ ގޮތުން, ކުށުގެ ވެށީގައި އުޅޭ ކުދިންނާއި ޒުވާނުން ރިހެބިލިޓޭޓުކުރުމަށް ސަރުކާރުން ތަރައްގީ ކުރަން ރާވާފައިވާ "ހޯޕް އައިލެންޑް" އުތުރުތިލަފަޅަށް ބަދަލުކުރަން ނިންމައިފި އެވެ.

"ހޯޕް އައިލެންޑް" އަކީ ގޭންގު ކުށްތަކުގައި ޖެހޭ ސުކޫލް ކުދިންނާއި ކުށުގެ މާހައުލުގައި އުޅޭ ޒުވާން ކުދިން ބޭތިއްބުމަށް ތަރައްގީ ކުރާ ރަށެވެ. އެކަން ކުރަން މީގެ ކުރިން ނިންމާފައި އޮތީ ދ. ވާނީގަ އެވެ.

ނަމަވެސް، ސަރުކާރުން ކުރިއަށް ގެންދާ މަޝްރޫއުތަކަކަށް ފައިސާ ހޯދަން ރައީސުލްޖުމްހުރިއްޔާ ޑރ. މުހައްމަދު މުއިއްޒު މިއަދު ނެރުއްވި ގަރާރުގައި ހޯޕް އައިލެންޑް ތަރައްގީކުރާނެ ކަމަށް ބުނެފައި އޮތީ އުތުރުތިލަފަޅުގަ އެވެ.

މިކަމާ ގުޅިގެން އަދަދު ނޫހުން ސުވާލުކުރުމުން ހޯމްލޭންޑް ސެކިއުރިޓީ މިނިސްޓަރު އަލީ އިހުސާން ވިދާޅުވީ، އެ ރަށަށް ވަރަށް ގިނަ ކުދިން ގެންދަން ޖެހޭނެ ކަމަށް ސަރުކާރުން ދެކޭ ކަމަށެވެ. ނަމަވެސް ވާނީގައި ހޯޕް އައިލެންޑް ތަރައްގީކުރުމުން ދަތުރުފަތުރާއި އެހެން ކަންކަމަށް ވެސް ވަރަށް ބޮޑު ހަރަދެއް ދާނެ ކަމަށް އޭނާ ވިދާޅުވި އެވެ.

"ކަންކަމުގަ ދާން ބަލާއިރު ވެސް ހަރަދު ވެސް ބޮޑުވާނެ ދެއްތޯ. އެހެންވީމަ އަޅުގަނޑުމެން ފަހުން ކެބިނެޓަށް ހުށަހަޅައިގެން ނިންމީ ހޯޕް އައިލެންޑް ބަދަލުކުރަން ސެންޓްރަލް ޖަލާ އެއްކޮށް އެއް ދިމާލަކަށް. އުތުރު ތިލަފަޅުގެ ހިއްކާ ތަނަށް،" އިހުސާން ވިދާޅުވި އެވެ.

ކުރިން ވަކި ރަށެއްގައި ތަރައްގީކުރަން ނިންމި ހޯޕް އައިލެންޑް މިހާރު ތަރައްގީކުރާނީ އެ ފަޅުގައި ހިއްކާ ބިމުގެ ވަކި ސަރަހައްދެއްްގައި ކަމަށާއި ވަކި ރަށެއްގެ ގޮތުގައި ނޫން ކަމަށް ވެސް އިހުސާން ވިދާޅުވި އެވެ.

މިހާތަނަށް މި މަޝްރޫއަށް އިންވެސްޓަރަކު ނުލިބުނު ނަމަވެސް ސަރުކާރުން މަސައްކަތް ކުރަނީ ކުރިއަށް އޮތް މަހެއްހާ ދުވަހުގެ ތެރޭގައި މަޝްރޫއު ބަޔަކާ ހަވާލުކުރުމަށް ކަމަށް އިހުސާން ވިދާޅުވި އެވެ.

ސަރުކާރުން ހޯޕް އައިލެންޑް އަޅާތަން ބަދަލުކުރަން ނިންމީ ވާނީގައި އެ ތަން އެޅުމަށް ކުރެހުން ވެސް ނިންމުމަށް ފަހުގަ އެވެ.

މި ނޫހާ ވާހަކަދައްކަވަމުން އިހުސާން ފާހަގަކުރެއްވި ސެންޓްރަލް ޖަލަކީ ރާއްޖޭގައި މިހާރު ހުރި ޖަލުތަކުގެ ބަދަލުގައި ގާއިމްކުރަން ތަސައްވުރުކޮށްފައިވާ "މަރުކަޒީ ޖަލު" އެވެ. އެ ޖަލު އުތުރު ތިލަފަޅުގައި އަޅާނެކަން ޖޫން 25، 2024 ގައި މިނިސްޓަރު ވަނީ މަޖިލީހުގެ 241 ކޮމިޓީއާ ހިއްސާކުރައްވާފަ އެވެ.

ރައީސްގެ ގަރާރުގައި މި ޖަލު ތަރައްގީކުރަން ފައިސާ ދޭނެ އިންވެސްޓަރަކު ހޯދަން ވެސް އިއުލާނުކޮށްފައިވެ އެވެ.

މި މަޝްރޫއުތަކަށް އިންވެސްޓަރުން ހޯދަނީ އިންވެސްޓްކުރާ ބަޔަކަށް ކްރޮސް ސަބްސިޑީގެ ދަށުން އިންވެސްޓްމަންޓުގެ މުގާބިލުގައި ފަޅުތަކާއި ރަށްތައް ދޫކުރާ ގޮތަށެވެ.

ކްރޮސް ސަބްސިޑީ އުސޫލު އޮންނަ ގޮތުން ސީދާ ފައިސާ އިންވެސްޓުކުރާކަށް ވެސް ނުޖެހެ އެވެ. ސަރުކާރުން ބުނާ މަޝްރޫއުގެ އަމަލީ މަސައްކަތް ކުރާ ގޮތަށް ވެސް މި އުސޫލުގެ ދަށުން ފަޅުތަކާއި ރަށްތައް ދޫކުރެވެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox