ލިވަޕޫލް ބަލިކޮށް ނިއުކާސަލުން 70 އަހަރު ތެރޭ ފުރަތަމަ ޑޮމެސްޓިކް ތަށި ހޯދައިފި

Mar 16, 2025, 7:19 PM
ލިވަޕޫލް ބަލިކޮށް ނިއުކާސަލުން 70 އަހަރު ތެރޭ ފުރަތަމަ ޑޮމެސްޓިކް ތަށި ހޯދައިފި

ލަންޑަން (މާޗް 16) - އިނގިރޭސި ލީގު ކަޕް ފައިނަލުގައި މިރޭ ލިވަޕޫލް 2-1 އިން ބަލިކޮށް، ނިއުކާސަލް ޔުނައިޓެޑުން 70 އަހަރު ތެރޭ ފުރަތަމަ ޑޮމެސްޓިކް މުބާރާތުގެ ތަށި އުފުލާލައިފި އެވެ.

ލީގު ކަޕްގެ އެންމެ ކާމިޔާބު ޓީމު އަދި އެންމެ ފަހުގެ ޗެމްޕިއަން، ލިވަޕޫލް އަތުން ނިއުކާސަލް ފައިނަލުގައި ކުރިހޯދީ މޮޅު ކުޅުމެއް ދައްކައިގެންނެވެ. ނިއުކާސަލް އިން އެންމެ ފަހުން ހޯދި ޑޮމެސްޓިކް ތަށްޓަކީ، 1955 ވަނަ އަހަރުގެ އެފްއޭ ކަޕް އެވެ. އެ ޓީމުން އެންމެ ފަހުން ހޯދި ތަށްޓަކީ، 1969 ވަނަ އަހަރުގެ ފެއާސް ކަޕް އެވެ. އެއީ، ޔުއެފާ އިން ބޭއްވި އިންޓަ ސިޓީ މުބާރާތެކެވެ.

މިއީ، ނިއުކާސަލުން ލީގު ކަޕް ހޯދި ފުރަތަމަ ފަހަރެވެ. މީގެ ކުރިން، ނިއުކާސަލް ވަނީ ލީގު ކަޕް ފައިނަލުގައި ދެ ފަހަރު ބަލިވެފަ އެވެ. އެއީ، 1976 ވަނަ އަހަރުގެ ފައިނަލުގައި މެންޗެސްޓާ ސިޓީ އަތުންނާއި 2023 ވަނަ އަހަރުގެ ފައިނަލުގައި މެންޗެސްޓާ ޔުނައިޓެޑް އަތުންނެވެ.

Advertisement

ވެމްބްލީ ސްޓޭޑިއަމްގައި މިރޭ ކުޅުނު ފައިނަލް މެޗު ފަށައިގެން ނިއުކާސަލް އިން ރަނގަޅު ޑިފެންސިވް ކުޅުމެއް ދެއްކިއިރު، ފުރަތަމަ ހާފުގައި ލިވަޕޫލަށް ނިއުކާސަލްގެ ގޯލަށް އަމާޒުކޮށް ހަމަލާއެއް ފޮނުވާލެވިފައިނުވެ އެވެ.

މެޗުގައި ނިއުކާސަލް އިން ލީޑުނެގީ ފުރަތަމަ ހާފުގެ އިތުރު ވަގުތުގަ އެވެ. އެ ޓީމަށް މި ގޯލު ޖަހައިދިނީ ޑިފެންޑަރު، ޑޭން ބާން އެވެ. ނިއުކާސަލްގެ ފުލްބެކް، ކިއެރަން ޓްރިޕިއޭ ނަގައިދިން ކޯނަރަކުން ބާން ބޮލުން ފޮނުވާލި ބޯޅަ ގޯލުގެ ތިރީ ކަަނަށް އަމާޒުވިއިރު، ލިވަޕޫލްގެ ގޯލު މި މެޗުގައި ބެލެހެއްޓި ކީޕަރު، ކޮއިމްހިން ކެލަހާ އަށް އެ ބޯޅަ ނުހުއްޓުވުނެވެ.

ނިއުކާސަލްގެ އިސާކް ލަނޑު ޖެހުމަށް ފަހު އުފާފާޅުކުރަނީ.

ދެ ވަނަ ހާފުގެ ކުޅުން ފަށައިގެން ނިއުކާސަލުން އެޓޭކް ވަރުގަދަ ކުރިއިރު، އެ ޓީމުގެ އަލެކްސަންޑަ އިސާކް ޖެހި ގޯލެއް ވަނީ ވީޑިއޯ އެސިސްޓަންޓް ރެފްރީ (ވީއޭއާރް) އިން ބަލައިނުގަންނަން ނިންމައިފަ އެވެ. އެކަމަކު، އެ ގޯލު ބަލައިނުގަތް ކަމަށް ވިޔަސް، އޭގެ އިރުކޮޅެއް ފަހުން، އިސާކް ވަނީ ގޯލު ޖަަހައި، އެ ޓީމަށް ލީޑުުފުޅާކޮށްދީފަ އެވެ. އެ ޓީމަށް ތިން ވަނަ ގޯލެއް ޖަހައިދޭން އިސާކް ޖެހި ބޯޅަ ކީޕަރު ކެލަހާ މަތަކުރި އެވެ.

ބަދަލުތަކެއް ގެެނެސްގެން ލިވަޕޫލްގެ އެޓޭކް ވަރުގަދަ ކުރިިއިރު، އެ ޓީމުން ބަދަލަކަށް އެރުވި، ކާޓިސް ޖޯންސް އޭރިއާތެރެއިން ގޯލަށް ފޮނުވާލި ބޯޅައެއް ނިއުކާސަލްގެ ކީޕަރު ނިކް ޕޯޕް ވަނީ މަތަކޮށްފަ އެވެ. ލިވަޕޫލުން މި މެޗުގައި ޖެހި ހަމައެކަނި ގޯލު ކާމިޔާބުކުރީ މެޗުގެ އިތުރު ވަގުތުގެ ހަ ވަނަ މިނިޓްގަ އެވެ. ބަދަލަކަށް ކުޅެން އެރި ފެޑެރީކޯ ކިއޭސާ މި ގޯލު ޖެހީ ހާވީ އެލިއަޓް ދިން ބޯޅައަކުންނެވެ. މި ގޯލު ބަލައިގަންނަން ނިންމީ ވީއޭއާރް އިން ބެލުމަށް ފަހު އެވެ.

މި މެޗުން ބަލިވެ، ލިވަޕޫލް މި ވަނީ ހަ ވަރަކަށް ދުވަސް ތެރޭ ދެ މުބާރާތް ގެއްލިފަ އެވެ. ޗެމްޕިއަންސް ލީގުގެ ގަދަ 16 ބުރުން ޕީއެސްޖީ އަތުން ކެޓިއިރު، ލީގު ކަޕް ފައިނަލުގައި ބަލިވީ އެެވެ. ލިވަޕޫލް، މި ވަގުތު ލީގުގެ އެއް ވަނައިގައި އޮތްއިރު، އެ ޓީމަށް އެންމެ އަވަހަށް ދެން މެޗެއް އޮތީ ދެ ހަފްތާ ފަހުންނެވެ.

ލިވަޕޫލް ބަލިކޮށް ނިއުކާސަލުން ލީގު ކަޕް ޗެމްޕިއަންކަން ހޯދިއިރު، މި ފަހަރުގެ މުބާރާތުގައި އެ ޓީމުން ވަނީ، ބްރެންޓްފޯޑް، ޗެލްސީގެ އިތުރުން އާސެނަލްގެ މައްޗަށް ވެސް ކުރިހޯދައިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox