15 ބިލިއަން ޗާޕުކޮށްގެން ބިން ގަތުން އެމްއެމްއޭގެ ގާނޫނާ ހިލާފު, އިގުތިސޯދަށް ނުރައްކާ

ކުރީގެ ފިނޭންސް މިނިސްޓަރު އިބްރާހިމް އަމީރު: އޭނާ ވަނީ މިކަން ވަގުތުން ހުއްޓާލަން ސަރުކާރާއި އެމްއެމްއޭއަށް ގޮވާލާފައި -- ފޮޓޯ: އެމްޑީޕީ

ކުރީގެ ފިނޭންސް މިނިސްޓަރު އިބްރާހިމް އަމީރު: އޭނާ ވަނީ މިކަން ވަގުތުން ހުއްޓާލަން ސަރުކާރާއި އެމްއެމްއޭއަށް ގޮވާލާފައި -- ފޮޓޯ: އެމްޑީޕީ

މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގައި ނެތް ފައިސާ ބޭނުންކޮށްގެން ހުޅުމާލެއިން ބިން ގަތުމަކީ އެމްއެމްއޭ ގާނޫނާ ހިލާފު, އަދި އިގުތިސޯދަށް ނުރައްކާ ބޮޑު ނިންމުމެއް ކަމަށް ކުރީގެ ފިނޭންސް މިނިސްޓަރު އިބްރާހިމް އަމީރު މިއަދު ވިދާޅުވެއްޖެ އެވެ.

އެމްއެމްއޭ އާއި ސަރުކާރުން މިކަން ރަސްމީކޮށް ހާމަނުކުރި ނަމަވެސް, "އަދަދު" އަށް ކަށަވަރުވެފައިވާ ގޮތުގައި އެމްއެމްއޭގެ ބޯޑުން ވަނީ ހުޅުމާލޭއިން 22 ހެކްޓަރުގެ ބިން ގަންނަން ނިންމާފަ އެވެ. މައުލޫމާތު ލިބޭ ގޮތުގައި އެމްއެމްއޭއިން މި ބިން ބޭނުންކުރަނީ ފައިނޭންޝަލް ސެންޓަރެއް ތަރައްގީކުރުމަށެވެ.

މިކަމާ ގުޅޭ ގޮތުން އެމްޑީޕީން ބޭއްވި ނޫސްވެރިންގެ ބައްދަލުވުމެއްގައި އެމްއެމްއޭއިން ބިން ގަތުމާ ދެކޮޅުކަން ހާމަކުރައްވަމުން އަމީރު ވިދާޅުވީ މިއީ ގާނޫނާ ހިލާފަށް, ސަރުކާރަށް ފައިސާ ދޭން އެ އޮތޯރިޓީން ނިންމި ނިންމުމެއް ކަމަށެވެ. އަދި މީގެ ސަބަބުން އިގުތިސޯދު ވައްޓާލެވެނީ ނުރައްކަލުގެ ތުންފަތްމައްޗަށް ކަމަށް އޭނާ ވިދާޅުވި އެވެ.

"މީގެ ސަބަބުން ރާއްޖޭގެ އިގުތިސޯދީ ހަމަޖެހުން ނަގާލައި, އިގުތިސޯދަށް އިޔާދަނުކުރެވޭ ވަރުގެ ގެއްލުންތަކެއް ލިބޭނެ ކަމަށް އަޅުގަނޑުމެންނަށް ހަމަ އެބަ ޔަގީންކުރެވޭ. މީގެ ސަބަބުން ތަކެތީގެ އަގު ބޮޑުވެ, އިންފްލޭޝަން މައްޗަށް ގޮސްފަ, އަދި އޭގެ އިތުރުން ދިވެހި ރުފިޔާ ބަލިކަށިވެ, ރާއްޖޭގެ އެކްސްޗޭންޖު ރޭޓު އިތުރަށް މަތިވަމުން, ގޯސްވަމުން ދިޔުމަކީ އެކަށީގެންވާ ކަމެއް."

އެމްއެމްއޭއިން ބިން ގަތުމުގެ ނިންމުން ގާނޫނާ ހިލާފު ކަމަށް އަމީރު ވިދާޅުވީ އެމްއެމްއޭގެ ގާނޫނާ ހަވާލާދީ އެވެ. އެ ގާނޫނުގައި އޮންނަނީ އެމްއެމްއޭއަށް ބިން ގަނެވޭނީ އޮޕަރޭޝަނަލް ބޭނުންތަކަށް އެކަނި ކަމަށެވެ. އެހެންކަމުން މިއީ އެމްއެމްއޭއަށް ބިން ބޭނުންވެގެން ކުރާ ކަމެއް ނޫން ކަމަށާއި މިއީ ސަރުކާރަށް ފައިސާ ބޭނުންވެގެން ހިންގާ މުއާމަލާތެއް ކަން ކަށަވަރުވާ ކަމަށް އަމީރު ވިދާޅުވި އެވެ.

އެމްޑީޕީގެ އެހެން ކަންބޮޑުވުމަކަށްވީ ރައްޔިތުންގެ މަޖިލީހުގެ އެއްވެސް ދައުރެއް ނެތި މި މުއާމަލާތް ހިންގުމެވެ. އަމީރު ވިދާޅުވީ ސަރުކާރަށް ފައިސާ ބޭނުންވާ ހާލަތެއްގައި އެ ފައިސާ ލިބޭނެ މަގު ފަހިކޮށްދީފައިވާ އޮއްވާ, މިކަން މިކުރަނީ މަނިޓަރީ ސްޓެބިލިޓީ ފުނޑާލަން ކަމަށް އޭނާ ވިދާޅުވި އެވެ.

ކަން މިހެން ހުރުމާ އެކު އަމީރު ވަނީ ބިން ގަތުމާގެން ކުރިއަށް ނުދާން އެމްއެމްއޭ އާއި ސަރުކާރަށް ގޮވާލާފަ އެވެ. އަދި މިކަން ނުކުރެވޭ ނަމަ އެމްއެމްއޭގެ ބޯޑުން އިސްތިއުފާ ދިނުމަށް ވެސް އޭނާ ވަނީ އެ އޮތޯރިޓީގެ ބޯޑު މެންބަރުންނަށް ގޮވާލާފަ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox