ލިވަޕޫލްގެ ކާމިޔާބުގެ އަސްލަކީ ނަސީބެއް ނޫން، ބުރަ މަސައްކަތް: ސްލޮޓް

Mar 8, 2025, 4:47 AM
ލިވަޕޫލްގެ ކާމިޔާބުގެ އަސްލަކީ ނަސީބެއް ނޫން، ބުރަ މަސައްކަތް: ސްލޮޓް

ލިވަޕޫލް (މާޗް 8) - މި ސީޒަނުގައި ލިވަޕޫލުން އެކި މުބާރާތްތަކުގައި ހޯދަމުން އަންނަ ކާމިޔާބަކީ ނަސީބުގެ އެހީގައި ހާސިލްކުރެވޭ ކަންކަން ގޮތުގައި ދައްކާ ވާހަަކަ އަކީ ހަގީގަތެއް ނޫން ކަމަށާއި މިއީ ބުރަ މަސައްކަތުން ހޯދޭ ނަތީޖާތަކެއް ކަމަށް އެ ޓީމުގެ ކޯޗު އާނާ ސްލޮޓް ބުނެފި އެވެ.

އިނގިރޭސި ޕްރިމިއާ ލީގުގެ އެއް ވަނައިގައި 13 ޕޮއިންޓުގެ ލީޑެއްގައި ލިވަޕޫލް އޮތްއިރު، އެ ޓީމުން އަންނަ ހަފްތާގައި ލީގު ކަޕް ފައިނަލުގައި ނިއުކާސަލް ޔުނައިޓެޑާ ކުޅޭނެ އެވެ. އަދި، ޗެމްޕިއަންސް ލީގުގެ ގަދަ 16 ބުރުގެ ފުރަތަމަ ލެގުގައި ޕީއެސްޖީ ދަނޑުގައި އެ ޓީމު އަތުން މޮޅުވެ، ކުއާޓާ ފައިނަލުގެ ފުރުސަތު ވެސް ވަނީ ބޮޑުކޮށްފަ އެވެ.

މި ސީޒަނުގައި ލިވަޕޫލުން ހޯދަމުން އަންނަ ކާމިޔާބުތަކުގައި އެ ޓީމަށް އަނިޔާގެ މައްސަލަ އެހެން ޓީމުތަކަށް ވުރެ މަދުން ދިމާވުމުގެ ކަންކަން ރަނގަޅަށް ދިއުމާއި، އެ ޓީމާ ދެކޮޅަށް ކުޅެން ޖެހޭ ޓީމުތަކަށް ދިމާވެފައި އޮންނަ އުނދަގޫ ހާލަތުގެ އެޑްވާންޓޭޖް ލިވަޕޫލަށް އޮންނަ ކަމަށް ގިނަ ބަޔަކު އަންނަނީ ބުނަމުންނެވެ.

Advertisement

އެ ވާހަކަތަކާ ބެހޭގޮތުން ސްލޮޓް ދެކޭ ގޮތެއް އޮޅުން ފިލުވަން ނޫސްވެރިން ސުވާލުކުރި އެވެ.

"މައިކަލް ޖޯޑަން (ބާސްކެޓްބޯޅަ ލެޖެންޑް) ބުނާހެން ބުރަކޮށް މަސައްކަތްކުރި ވަރެއް ނަސީބު ވެސް އެހީވާނީ. އަހަރެމެން މި ކުރާ މަސައްކަތަކީ ހަމައެކަނި ނަސީބޭ ބުނުމަކީ ރަނގަޅު ގޮތެއް ނޫން. މީގެ ކްރެޑިޓް ކުޅުންތެރިންނަށް ދޭން ޖެހޭ. ވަރަށް ބުރަކޮށް މަސައްކަތްކޮށްގެން މި ހިސާބުގައި މި ތިބީ،" ނުވަ އަހަރަށް ފަހު، ޔާގަން ކްލޮޕް ލިވަޕޫލް ދޫކޮށްލުމުން، އެ ޓީމާ ހަވާލުވެ، ފާހަގަކޮށްލެވޭ މަސައްކަތެއް ކުރަމުން އަންނަ ސްލޮޓް ބުންޏެވެ.

ސްލޮޓް ބުނީ އެ ޓީމަށް ވެސް އަނިޔާގެ މައްސަަލަތައް ދިމާވެ، ގިނަ ކުޅުންތެރިންތަކަކަށް މުހިންމު މެޗުތަކެއް ވެސް ގެއްލިފައިވާ ކަމަށެވެ. އަދި، އަނިޔާގެ މައްސަލަތަކުގެ ގޯސް އަސަރު ޓީމަށް ނުކުރަނީ، އެ ކަންކަން މެނޭޖުކުރުމުގައި ލިވަޕޫލުން އެހެން ޓީމުތަކަށް ވުރެ ރަނގަޅަށް މަސައްކަތް ކުރާތީކަން ސްލޮޓް ވަނީ ފާހަގަކޮށްފަ އެވެ.

ލީގުގައި މިރޭ ސައުތެމްޓަނާ ދެކޮޅަށް ވެސް ނެރޭނީ އެންމެ ވަރުގަދަ ސްކޮޑު ކަމަށާއި މި ވަގުތު ފޯކަސް އަކީ ވެސް އެ މެޗު ކަަމަށް ސްލޮޓް ވަނީ ބުނެފަ އެވެ.

ސައުތެމްޓަން މެޗަށް ފަހު، ލިވަޕޫލަށް ދެން އޮތް ދެ މެޗަކީ، ޗެމްޕިއަންސް ލީގުގެ ގަދަ 16 ގެ ދެ ވަނަ ލެގުގައި އަމިއްލަ ދަނޑުގައި ޕީއެސްޖީއާ ކުޅޭ މެޗާއި ލީގު ކަޕް ފައިނަަލުގައި ނިއުކާސަލާ ދެކޮޅަށް ކުޅޭ މެޗެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox