ލެވަކޫސަން މޮޅުވިއިރު، އަލޮންސޯ އަށް ރެކޯޑެއް

Feb 22, 2025, 6:58 PM
ލެވަކޫސަން މޮޅުވިއިރު، އަލޮންސޯ އަށް ރެކޯޑެއް

ބާލިން (ފެބްރުއަރީ 22) - ޖަރުމަނު ލީގުގައި މިރޭ ކުޅުނު މެޗުން ހޯލްސްޓެން ކިއެލް ދަނޑުގައި 2-0 އިން ބަޔާ ލެވަކޫސަން މޮޅުވިއިރު، އެ ޓީމުގެ ކޯޗު ޒަބީ އަލޮންސޯ ޖަރުމަނު ލީގުގެ ރެކޯޑެއް ހަދައިފި އެވެ.

މި މެޗުން ލެވަކޫސަން މޮޅުވިއިރު، އަލޮންސޯ ވެގެން ގޮސްފައިވަނީ، ޖަރުމަނު ލީގުގެ ތާރީހުގައި ވެސް ބަލިނުވެ، ޖެހިޖެހިގެން ރަށުންބޭރުގައި އެންމެ ގިނަ މެޗު ހަމަކުރި ކޯޗަށެވެ. އެ ގޮތުން، ލެވަކޫސަން ރަށުންބޭރުގައި އެންމެ ފަހުން ކުޅުނު 28 މެޗުން ވެސް ބަލިވެފައިނުވެ އެވެ.

އަނެއްކޮޅުން، މިދިޔަ ސީޒަނުގެ ޖަރުމަނު ލީގުގެ ޗެމްޕިއަންކަން ހޯދި ލެވަކޫސަން، މިދިޔަ ސީޒަން ފެށިގެން މިހާތަނަށް އައިއިރު ބަލިވީ އެންމެ މެޗަކުންނެވެ. އެއީ، މި ސީޒަނުގައި، މިދިޔަ އޮގަސްޓް މަހު އާރްބީ ލައިޕްޒިގު އަތުންނެވެ. އޭގެ ފަހުން، ލީގުގައި 21 މެޗުން އެ ޓީމު ބަލިވެފައިނުވާއިރު، އެންމެ ފަހުން ކުުޅުނު 334 މިނިޓް ތެރޭ އެ ޓީމު ކޮޅަށް ގޯލެއް ވެސް ވަދެފައިނުވެ އެވެ.

Advertisement

މެޗު ފަށައިގެން ނުވަ ވަނަ މިނިޓްގައި، ލެވަކޫސަނަށް ލީޑުނަގައިދިނީ ޗެކް ރިޕަބްލިކްގެ ފޯވާޑް، ޕެޓްރިކް ޝިކް އެވެ. އަދި މި މެޗުގައި ލެވަކޫސަނަށް ދެ ވަނަ ގޯލު ޖަހައިދިނީ، ފުރަތަަމަ ހާފުކޮޅުގައި، ފްލޯރިއަން ވާޓްޒް ދިން ބޯޅައަކުން، އަމީން އަދްލީ އެވެ.

މި މެޗުން ލިބުނު ތިން ޕޮއިންޓާ އެކު، ލެވަކޫސަނުން ވަނީ ލީގުގެ އެއް ވަަނައިގައި އޮތް ބަޔާން މިއުނިކާ ފަސް ޕޮއިންޓަށް ގާތަށް ޖެހިލައިފަ އެވެ. އެ ގޮތުން ބަޔާނަށް 22 މެޗުން 55 ޕޮއިންޓް ލިބިފައިވާއިރު، ލެވަކޫސަނަށް ވަނީ 23 މެޗުން 50 ޕޮއިންޓް ލިބިފަ އެވެ.

ބަޔާނުން މި ހަފްތާގައި ކުޅޭ މެޗުގައި މާދަމާރޭ ބައްދަލުކުރާނީ، އައިންޓްރަކްޓް ފްރޭންކްފާޓާ އެވެ. ފްރޭންކްފާޓް މި ވަގުތު ލީގުގެ ތިން ވަނައިގައި އޮތީ 22 މެޗުން 42 ޕޮއިންޓް ހޯދައިގެންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox