ކުޅިވަރު ގާނޫނަށް ހިޔާލު ހޯދަން އެސޯސިއޭޝަން ތަކަށް ފޮނުވަނީ

Feb 20, 2025, 7:30 AM
ރައްޔިތުންގެ މަޖިލީހުގެ އިޖުތިމާއީ ކޮމިޓީން މިއަދު ބޭއްވި ބައްދަލުވުމުގެ ތެރެއިން އެ ކޮޮމިޓީގެ މެމްބަރުން.--- ފޮޓޯ: ރައްޔިތުންގެ މަޖިލިސް

ރައްޔިތުންގެ މަޖިލީހުގެ އިޖުތިމާއީ ކޮމިޓީން މިއަދު ބޭއްވި ބައްދަލުވުމުގެ ތެރެއިން އެ ކޮޮމިޓީގެ މެމްބަރުން.--- ފޮޓޯ: ރައްޔިތުންގެ މަޖިލިސް

ރައްޔިތުންގެ މަޖިލީހުގައި އޮތް ކުޅިވަރު ގާނޫނުގެ އިސްލާހަށް ގައުމީ ކުޅިވަރު އެސޯސިއޭޝަންތަކުގެ ލަފާޔާއި ހިޔާލު ހޯދުމަށް ފޮނުވައި، ހަފްތާއެއްގެ މުއްދަތު ދިނުމަށް ރައްޔިތުންގެ މަޖިލީހުގެ އިޖުތިމާއީ ކޮމިޓީން ނިންމައިފި އެވެ.

ސަރުކާރުގެ ފަރާތުން ކުޅިވަރު ގާނޫނަށް އިސްލާހު ހުށަހެޅުއްވީ، މިދިޔަ ނޮވެމްބަރު މަހުގެ 24 ވަނަ ދުވަހު، ދިއްދޫ ދާއިރާގެ މެމްބަރު، އަބްދުއްލަތީފް މުހައްމަދު އެވެ. އެ ގޮތުން، ގާނޫނު ނަމްބަރު 30/2015، ކުޅިވަރު ގާނޫނަށް ސަރުކާރުން ގެންނަން ހުށަހަޅާފައިވާ އިސްލާހުތައް ހިމެނޭ މި ބިލްގައި، 72 އިސްލާހެއް ވަނީ ހިމަނައިފަ އެވެ. އެކަމަކު، ފުޅާދާއިރާއެއްގައި މަޝްވަރާ ކުރުމަށާާއި ދިރާސާ ކުރަން ވަގުތު ނެގުމަށްޓަކައި، މަޖިލީހުން ވަނީ ކުޅިވަރު ގާނޫނުގެ މަސައްކަތް މި އަހަރަށް ފަސްކޮށްފަ އެވެ.

އެ ގޮތުން، ރާއްޖޭގެ ކުޅިވަރުގެ ގާނޫނަށް އިސްލާހު ގެނައުމުގެ ބިލާ ގުޅިގެން، މި ކަމާގުޅުންހުރި ފަރާތްތަކުގެ ޚިޔާލު ހޯދުމަށް ބާއްވާ ފޯރަމެއް މިއަދު މަޖިލީހުގައި ކުރިއަށްދިޔަ އެވެ.

Advertisement

އެ ބައްދަލުވުމުގައި ވާހަކަ ދައްކަން ހުޅުވާލި ފުރުސަަތުގައި، ބައެއް އެސޯސިއޭޝަންތައް ތަމްސީލްކުރެއްވި ފަރާތްތަކުން ވަނީ، އެ އެސޯސިއޭޝަންތަކުގެ ހިޔާލު މި ކަމުގައި އަދި ހޯދާފައިނުވާ ކަމަށް ހާމަކޮށްފަ އެވެ. އެ ގޮތަށް ފާހަަގަކުރި އެސޯސިއޭޝަންތަކުގެ ތެރޭގައި، ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)، ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް)ގެ އިތުރުން، މޯލްޑިވްސް ބޮޑީބޯޑިން އެސޯސިއޭޝަން ހިމެނެ އެވެ. މީގެ ތެރެއިން، އެފްއޭއެމް މިދިޔަ އޮގަސްޓް މަހުން ފެށިގެން ފީފާ އިން އައްޔަންކުރި ނޯމަލައިޒިން ކޮމިޓީއެއްގެ ދަށުން ހިންގަމުން އަންނައިރު، ވީއޭއެމްގެ ލީޑަޝިޕް ހޮވުމުގެ ދެ އިންތިހާބެއް، މިދިޔަ އަހަރެއްހާ ދުވަސްތެރޭ ވަނީ ކުރިއަށްގޮސްފަ އެވެ.

މީގެ އިތުރުން، ބައެއް އެސޯސިއޭޝަންތަކުން ވަނީ، މީގެ ކުރިން، ކުޅިވަރު ގާނޫނުގެ އިސްލާހާ ގުޅޭގޮތުން، މޯލްޑިވްސް އޮލިމްޕިކް ކޮމިޓީން އެސޯސިއޭޝަންތަކާ މަޝްވަރާކުރެވި ހިމެނި ކަންކަން، އެޓާނީ ޖެނަރަލް އޮފީހުން ބަދަލުކޮށްފައި، މަޖިލީހަށް ހުށަހަޅާފައިވާ ކަމަށެވެ. އަދި މި ފަހުން، މަޖިލީހުން އަލުން މި އިސްލާހަށް ލަފާ ހޯދަން ހުޅުވާލި ފުރުސަތުގެ ތެރޭގައި، އެކަން ކުރެވޭނެ އެކަށީގެންވާ މުއްދަތެއް ނެތް ކަމަށް ވެސް އެސޯސިއޭޝަންތަކުން ފާހަގަކުރި އެވެ.

މި ހުރިހާ ކަމަަށް އަލި އަޅުވާލައި، އެސޯސިއޭޝަންތައް ތަމްސީލްކުރި ފަރާތްތަކުން ދެއްކި، ވާހަކަތައް އަޑުއަހައި، ރައްޔިތުންގެ މަޖިލީހުގެ އިޖުތިމާއީ ކޮމިޓީގެ ނައިބު މުގައްރިރު، މާފަންނު ހުޅަނގު ދާއިރާގެ މެމްބަރު، ޕީއެންސީގެ މުހައްމަދު މުސްތަފާ އިބްރާހިމް ވިދާޅުވީ، އެސޯސިއޭޝަނުން އެދޭ ގޮތަށް، މި އިސްލާހާ ގުޅޭގޮތުން، ހިޔާލު ހުށަހެޅުމަށް، ހަފްތާއެއްގެ މުއްދަތު ލިބޭ ގޮތަށް ފުރުސަތު ދޭނެ ކަމަށެެވެ.

އަދި މިއީ، ވަރަށް އަވަހަށް ނިންމަންޖެހޭ ބިލެއް ކަމަށްވާތީވެ، އެސޯސިއޭޝަންތަކުން ދީފައިވާ މުއްދަތުގެ ތެރޭގައި މަސައްކަތް ފުރިހަމަކުރެއްވުމަށް، މެމްބަރު މުސްތަފާ އިލްތިމާސް ކުރެއްވި އެވެ.

މީގެ އިތުރުން، މިއަަދުގެ ފޯރަމްގައި ވާހަކަ ދައްކަމުން، ސްޕެޝަލް އޮލިމްޕިކްސް މޯލްޑިވްސް އިން ވަނީ، ކުޅިވަރު ގާނޫނުގެ އިސްލާހުގައި، ޖިސްމާނީ ނުކުޅެދުންތެރިކަމަށް އެކަނި އަލި އަޅުވާލައި ކަންކަން ހިމަނާފައިވާއިރު، ނަފްސާނީ ނުކުޅެދުންތެރިކަމާ ގުޅޭ ސްޕެޝަލް އޮލިމްޕިކްސްގެ ދައުރު ވެސް މި ގާނޫނުގެ ތެރެއިން ވަކިވެގެން އަންނަން ޖެހޭ ކަމަށް ފާހަގަކޮށްފަ އެވެ.

އަދި، ކުޅިވަރު ގާނޫނުގެ މި އިސްލާހުގެ ތެރެއިން، ސްޕޯޓްސް ކޯޕަރޭޝަން އުވާލައި ސްޕޯޓްސް ޗެނަލްގެ މަސައްކަތް ވެސް ނިމުމަކަށް ގެންނައިރު، މި ގާނޫނުން ބާރު ލިބޭ ގޮތަށް، ސްޕޯޓްސް ޗެނަލުން ކުރަމުން އަންނަ ކަންތައްތައް ދެން ކުރާނެ ގޮތެއް ވެސް ހިމެނުން އެއީ މުހިންމު ކަމެއް ކަމަށް ކުޅިވަރު އެސޯސިއޭޝަނަކުން ވަނީ ފާހަގަކޮށްފަ އެވެ.

މީގެ އިތުރުން، 2015 ވަނަ އަހަރު އެންމެ ފުރަތަމަ ކުޅިވަރު ގާނޫނެއް ގެނައީ ވަރަށް އަވަސް އަރުވެލިގެން ކުރެވުނު މަސައްކަތެއްގެ ގޮތުގައި ކަމަށްވާއިރު، މި ފަަހަރު މި ގާނޫނަށް ބޮޑެތި ބަދަަލުތަކެއް ގެންނައިރު، އެންމެ ރަނގަޅަށް މި ކަން ކުރަން ޖެހޭ ކަމަށް ވެސް އެސޯސިއޭޝަންތަކުން ފާހަގަކުރެއްވި އެވެ.

އިޖުތިމާއީ ކޮމިޓީގެ ނައިބު މުގައްރިރު، މުސްތަފާ ވިދާޅުވީ، ބޭނުމަކީ، ވީ އެންމެ ރަނގަޅަށް ގައުމަށް މަންފާ ކުރާނެހެން ކުޅިވަރުގެ ބިލްގެ ކަންކަން ނިމިގެންދިއުން ކަމަށެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox