ޖިންސީ ގޯނާގެ ތުހުމަތު ކުރެވޭ ޓީޗަރަކު ކިޔަވައި ދިނުމުގައި

Feb 18, 2025, 3:36 AM
ޖިންސީ ގޯނާގެ ތުހުމަތު ކުރެވޭ ޓީޗަރަކު ކިޔަވައި ދިނުމުގައި

މާލޭ ސަރަހައްދުގެ ސްކޫލެއްގެ ޓީޗަރަކު، ކުޑަ އަންހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް ފުލުހުން ބަލަމުން ދާއިރު، އެ ޓީޗަރު ސްކޫލުގައި ކިޔަވައި ދެމުންދާކަން އެނގިއްޖެ އެވެ.

މި މައްސަލައިގައި ތުހުމަތު ކުރެވެނީ އިސްލާމް މާއްދާ ކިޔަވައިދޭ ޓީޗަރަކަށެވެ. އެ ޓީޗަރުގެ މައްސަލަ ޕޮލިހަށް ހުށަހެޅި ކަމުގެ މައުލޫމާތު އެނގޭ މަސްދަރަކުން "އަދަދު" ނޫހަށް ކިޔައި ދިން ގޮތުގައި އެ މައްސަލަ ޕޮލިހަށް ހުށަހެޅީ މިދިޔަ ޖެނުއަރީ މަހު މެދެއްހައި ހިސާބު އެވެ.

އެޑިއުކޭޝަން މިނިސްޓްރީގެ ސަމާލު ކަމަށް ވެސް މި މައްސަލަ ގެނެވިފައިވާ ކަމަށް އޭނާ ބުންޏެވެ. އެކަން މިނިސްޓްރީގެ އޮފިޝަލަކު ވެސް ކަށަވަރުކޮށް ދިނެވެ.

"ނަމަވެސް މިއަދާ ހަމައަށް ވެސް އެ ޓީޗަރު ދަނީ ކިޔަވައި ދިނުމުގައި ހަރަކާތްތެރި ވަމުން. ވަގުތީ ގޮތުން ނަމަވެސް ސަސްޕެންޑެއް ނުކުރޭ،" އެ މީހާ ބުންޏެވެ.

އުމުރުން 11 އަހަރުގެ އެ ދަރިވަރަށް ޖިންސީ ގޯނާ ކުރި ކަމުގެ ތުހުމަތުވާ ޓީޗަރާ އާއިލީ ގޮތުން ގުޅުން ވެސް އޮވެ އެވެ.

"[އެ ކުއްޖާ] އަށް ވެސް އެ ވާހަކަތައް ކިޔައި ދިނުމުގެ ހިތްވަރު ލިބުނީ ކްލާހުގެ އެހެން ދަރިވަރުންތަކެއް ބުނެގެން. މި މައްސަލައިގައި އެންމެންގެ ބަޔާން ވެސް ފުލުހުން ވަނީ ނަގާފައި. ނަަމަވެސް [އެ ޓީޗަރާމެދު] ފިޔަވަޅެއް ނޭޅިގެން އުޅޭތީ ކަންބޮޑުވޭ،" ބެލެނިވެރިޔާ ބުންޏެވެ.

މި މައްސަލައިގައި ޓީޗަރާ މެދު އެއްވެސް ފިޔަވަޅެއް ނޭޅިގެން އުޅެނީ އޭނާ އާއި ސަރުކާރުގެ ބައެއް ވެރިންނާ އޮތް ގުޅުމުގެ ވަރުގަދަ ކަމުން ކަމަށް، ޖިންސީ ގޯނާ ލިބުނު ކުޑަ އަންހެން ކުއްޖާގެ އާއިލާ މީހުން ގަބޫލުކުރެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox