ބާސެލޯނާ ކުޅުންތެރިން ރެފްރީއާ ދިމާކުރަން ހިތްވަރުނުދެން: ފްލިކް

Feb 17, 2025, 6:11 AM
ބާސެލޯނާ ކުޅުންތެރިން ރެފްރީއާ ދިމާކުރަން ހިތްވަރުނުދެން: ފްލިކް

ބާސެލޯނާ (ފެބްރުއަރީ 17) - ބާސެލޯނާ ކުޅުންތެރިން ރެފްރީންގެ ނިންމުންތަކާ ހިތްހަމަނުޖެހުން ފާޅުކޮށް، ރެފްރީއާ ދިމާކުރަން މެޗުގެ ތެރެއިން ދިއުމަށް ހިތްވަރުނުދޭނެ ކަމަށް އެ ޓީމުގެ ކޯޗު ހަންސީ ފްލިކް ބުނެފި އެވެ.

ފްލިކް މިހެން ބުނެފައިވަނީ، މި ހަފްތާގައި ރެއާލް މެޑްރިޑްގެ އިނގިރޭސި މިޑްފީލްޑަރު، ޖޫޑް ބެލިންހަމް އަށް ދެއްކި ރަތް ކާޑާ ގުޅޭގޮތުން ކުރި ސުވާލުގެ ޖަވާބުގަ އެވެ. ރެއާލުން އޮސަސޫނާއާ ކުޅުނު މެޗުގައި، ހުރި ރެފްރީ، ހޯސޭ ލުއިސް މުނުއޭރާއާ ދިމާލަށް ބެލިންހަމް ބުނި އެއްޗެއްގެ ސަބަބުން އޭނާ އަށް ދެއްކި ރަތް ކާޑާ ގުޅޭގޮތުން، ސްޕެއިނުގެ މީޑިއާގައި ވަނީ ގިނަ ވާހަކަތަކެއް ދެކެވިފަ އެވެ.

ބެލިންހަމްގެ ފަރާތުން ފެނުނީ ރެފްރީގެ ނިންމުމަކަށް އިހުތިރާމް ކުޑަ ހަރަކާތެއް ކަމަށް ފްލިކް ވެސް ވަނީ ބުނެފަ އެވެ.

Advertisement

"އެ ފެނުނީ (ބެލިންހަމްގެ ފަރާތުން) އިހުތިރާމް ކުޑަކަމެއް. އެކަަމަކު، އެއީ އަހަރެން ދެކޭ ގޮތް ހާމަކުރަންޖެހޭ ކަމެއް ނޫން، އަހަރެން އަބަދުވެސް (ބާސެލޯނާގެ) ކުޅުންތެރިން ގާތުގައި މި ބުނަނީ، ރެފްރީއާ ވާހަކަ ދައްކާނީ ޓީމުގެ ކެޕްޓަން، ދެން، ތިބި ކުޅުންތެރިން ރެފްރީއާ ދިމާކޮށް ނޫނީ މެޗުން ބޭރުވާ ކަންކަމަށް ހަކަތަ ހުސްކުރަން ހިތްވަރެއް ނުދެން،" ފްލިކް ބުންޏެވެ.

އޮސަސޫނާ މެޗަށް ފަހު، ބެލިންހަމް ވަނީ އޭނާގެ ދިފާއުގައި ވާހަކަ ދައްކައިފަ އެވެ. ބެލިންހަމް ބުނީ، އޭނާ ޝުއޫރުފާޅުކުރީ އަމިއްލަ ނަފްސަށް ކަމަށާއި އެއީ ރެފްރީއާ ދިމާލަށް ބުނި އެއްޗެއް ކަމަށް ކަނޑައަޅައި ގޮތް ނިންމީ އޮޅުމަކުން ކަމަށެވެ. ބެލިންހަމްގެ އެ ވާހަކަތަކަށް ތާއީދުކޮށް، އޭނާގެ ދިފާއުގައި ރެއާލްގެ ކޯޗު ކާލޯ އަންޗެލޮޓީ ވެސް ވާހަކަ ދެއްކި އެވެ.

މީގެ ކުރިިން ބެލިންހަމް އަށް ވަނީ ރެއާލަށް ކުޅެނިކޮށް ރަތް ކާޑެއް ދައްކައިފަ އެވެ. އެއީ، މިދިޔަ އަހަރުގެ މާޗް މަހު ވެލެންސިއާ އާއި ރެއާލް، 2-2 އިން އެއްވަރުވި މެޗު ނިމުނު ފަހުން، ރެފްރީންނާ ވާހަކަ ދައްކައި، ޝުއޫރުފާޅުކުރަން ހެދުމުން، ދެ ވަަނަ ރީނދޫ ކާޑު ދެއްކުމަށް ފަހު ދެއްކި ރަތް ކާޑެކެެވެ.

ސްޕެނިޝް ލީގުގައި މިރޭ އަމިއްލަ ދަނޑުގައި ރަޔޯ ވަޔެކާނޯ ބަލިކޮށް، ލީގުގެ އެއް ވަނަ އަށް އެރުމުގެ ފުރުސަތު ބާސެލޯނާ އަށް އެބައޮތެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox