ލިވަޕޫލުން ލީޑުފުޅާކުރިއިރު، ޓޮޓެންހަމުން ޔުނައިޓެޑް ބަލިކޮށްފި

Feb 17, 2025, 5:17 AM
ލިވަޕޫލުން ލީޑުފުޅާކުރިއިރު، ޓޮޓެންހަމުން ޔުނައިޓެޑް ބަލިކޮށްފި

ލަންޑަން (ފެބްރުއަރީ 17) - އިނގިރޭސި ޕްރިމިއާ ލީގުގައި ރޭ ވުލްވްސް އަތުން 2-1 އިން މޮޅުވެ، ލިވަޕޫލުން ލީގުގެ އެއް ވަނައިގައި ލީޑުފުޅާކުރިއިރު، ޓޮޓެންހަމް ހޮޓްސްޕާސް އިން 1-0 އިން މެންޗެސްޓާ ޔުނައިޓެޑް ބަލިކޮށްފި އެވެ.

ލީގުގެ އެއް ވަނައިގައި ހަތް ޕޮއިންޓުގެ ލީޑަކާ އެކު އޮތް ލިވަޕޫލަށް ވަނީ 25 މެޗުން 60 ޕޮއިންޓް ލިބިފަ އެވެ. އަދި ދެ ވަނައިގައި އޮތް އާސެނަލަށް ވަނީ 25 މެޗުން 53 ޕޮއިންޓް ލިބިފަ އެވެ.

ލިވަޕޫލް ދަނޑުގައި ކުޅުނު މެޗުގައި އެ ޓީމުން ފުރަތަމަ ހާފުގައި ދެ ގޯލު ޖެހި އެވެ. މެޗުގެ 15 ވަނަ މިނިޓްގައި އޭރިއާތެރެއިން ލިބުނު ފުރުސަތަކުން ލިވަޕޫލްގެ ފުރަތަމަ ލަނޑު ޖެހީ ލުއިސް ޑިއާޒް އެވެ. އަދި، މެޗުގެ 37 ވަނަ މިނިޓްގައި ޕެނަލްޓީ އަކުން ލިވަޕޫލްގެ ދެ ވަނަ ލަނޑު ޖެހީ، މުހައްމަދު ސަލާހު އެވެ. މިއީ، ޑިއާޒް އަށް ވުލްވްސްގެ ކީޕަރު ހޯސޭ ސާ ކުރި ފައުލަކަށް ރެފްރީ ދިން ޕެނަލްޓީ އެކެވެ.

ދެ ވަނަ ހާފުގައި ވުލްވްސް އިން ކުޅުން ރަނގަޅުކުރިއިރު، އެ ޓީމުން ވަނީ ގޯލެއް ޖަހައިފަ އެވެ. މި ގޯލު އޭރިއާބޭރުން ފޮނުވާލި ޝޮޓަކުން ކާމިޔާބުކުރީ މަތެއުސް ކޫންޏާ އެވެ.

ރޭ ޔުނައިޓެޑުން ޓޮޓެންހަމް ދަނޑުގައި ކުޅުނު މެޗަށް ނުކުތްއިރު އެ ޓީމަށް އަނިޔާގެ މައްސަލަ އޮތީ ވަރަށް ބޮޑުވެފަ އެވެ. ޓީމުގެ ސީނިއާ ގިނަ ކުޅުންތެރިންތަކަކަށް އަނިޔާގެ ސަބަބުން ނުުކުޅެވޭއިރު، ބެންޗުގައި ބަދަލަކަށް ގިނައިން ތިބީ، ޔޫތު ޓީމުގެ ކުޅުންތެރިންނެވެ.

ޓޮޓެންހަމް އިން ރޭގެ މެޗުގައި ޖެހި ހަމައެކަނި ލަނޑު ކާމިޔާބުކުރީ، މެޗުގެ 13 ވަނަ މިނިޓްގަ އެވެ. މި ލަނޑު އެ ޓީމަށް ޖަހައިދިނީ، ޖޭމްސް މެޑިސަން އެވެ. މިއީ، އޭރިއާތެރެއިން ޓޮޓެންހަމްގެ ލޫކަސް ބާގްވެލް ޖެހި ޝޮޓެއް ކީޕަރު އަންދްރޭ އޮނާނާ އަތުގައި ޖެހިފައި ނުކުތް ވަގުތު މެޑިސަން ރީބައުންސަކުން ޖެހި ގޯލެކެވެ.

މި މެޗުގައި، ޔުނައިޓެޑަށް އެއްވަރުކޮށްދޭން އަލެހަންދްރޯ ގާނާޗޯ އަށް ރަނުގެ ފުރުސަތެއް ލިބިގެންދިޔައިރު، އޭނާ އޭރިއާތެރޭގައި ހުސްކޮށް ހުރެފައި ޖެހި ބޯޅަ ދިޔައީ ހުރަސްދަނޑިމަތިންނެވެ. ދެ ވަނަ ލަނޑެއް ޖަހަން ޓޮޓެންހަމް އިން ކުރި މަސައްކަތް ކާމިޔާބުނުވި ނަަމަވެސް، އެ ޓީމުން މި ވަނީ މި ސީޒަން ތެރޭގައި ތިން ވަނަ ފަހަރަށް ޔުނައިޓެޑް ބަލިކޮށްފަ އެވެ. އެއީ ލީގުގައި ދެ ފަހަރާއި ލީގު ކަޕްގައި އެއް ފަހަރު އެވެ.

މި މޮޅާ އެކު ޓޮޓެންހަމް ވަނީ، 25 މެޗުން 30 ޕޮއިންޓާ އެކު 12 ވަނަ އަށް ޖެހިލައިފަ އެވެ. ޔުނައިޓެޑް، ލީގުގެ 15 ވަނައިގައި އޮތީ 25 މެޗުން 29 ޕޮއިންޓާ އެކު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox