ރެފްރީއާ ދިމާކޮށްލުމުން ލިވަޕޫލްގެ ކޯޗު ސްލޮޓަށް ދިނީ ދެ މެޗުގެ ސަސްޕެންޝަނެއް

Feb 14, 2025, 5:05 AM
ރެފްރީއާ ދިމާކޮށްލުމުން ލިވަޕޫލްގެ ކޯޗު ސްލޮޓަށް ދިނީ ދެ މެޗުގެ ސަސްޕެންޝަނެއް

ލިވަޕޫލް (ފެބްރުއަރީ 14) - އިނގިރޭސި ޕްރިމިއާ ލީގުގައި އެވަޓަންއާ ފަހު ވަަގުތު ލިވަޕޫލުން އެއްވަރުވި މެޗުގެ ރެފްރީ، މައިކަލް އޮލިވާއާ ލިވަޕޫލްގެ ކޯޗު އާނާ ސްލޮޓް ދިމާކޮށްލުމުން އޭނާ އަށް ދެ މެޗުގެ ސަސްޕެންޝަނެއް ދީފި އެވެ.

އެވަޓަން އާއި ލިވަޕޫލް 2-2 އިން އެއްވަރުވި މެޗު ނިމުމާ އެކު، ލިވަޕޫލްގެ ސަޕޯޓަރުންނާ ދިމާލަށް އެވަޓަންގެ އަބްދުﷲ ޑޮކޫރޯ ދިއުމާ އެކު، އޭނާ އާއި ލިވަޕޫލްގެ ކާޓިސް ޖޯންސްގެ ދެމެދުގައި ހިނގި ހަމަނުޖެހުމުގެ ތެރޭގައި، ރެފްރީ މައިކަލް އޮލިވާ ވަނީ ދެ ކުޅުންތެރިންނަށް ރަތް ކާޑު ދައްކައިފަ އެވެ. އެ ދެ ކުޅުންތެރިންނަށް އެއް މެޗުގެ ސަސްޕެންޝަނެއް ވަނީ ދީފަ އެވެ.

Advertisement

އޭގެ ފަހުން، ލިވަޕޫލްގެ ކޯޗު، ސްލޮޓް ބުނި އެއްޗެއްގެ ސަބަބުން އޭނާ އަށް ވެސް ރަތް ކާޑެއް ދެއްކި އެވެ.

ސްލޮޓް ހިތްހަމަނުޖެހުން ފާޅުކުރީ، އިތުރު ވަގުތުގެ ފަސް މިނިޓް ދެއްކުމަށް ފަހު، އިތުރު ފަސް ވަރަކަށް މިިނިޓް ކުޅުވިއިރު، އޭގެ ތެރެއިން ވަގުތެއްގައި އެވަޓަން ދެ ވަނަ ލަނޑު ޖެހުމުންނެވެ. އަދި، މެޗުގެ ތެރޭގައި، ކަންކަން މެނޭޖުކުރުމުގައި، ރެފްރީ އޮލިވާގެ ކަންކަން ހުރި ގޮތާ ގުޅޭގޮތުން، ސްލޮޓް ހިތްހަމަނުޖެހުން ފާޅުކޮށް ރައްދު ދިނެވެ.

މި މައްސަލަތައް ބެލުމަށް ފަހު، ޕްރިމިއާ ލީގުން ސްލޮޓަށް ދެ މެޗުގެ ސަސްޕެންޝަނެއް ދިނީ، އޭނާ ރެފްރީ އޮލިވާއާ ދިމާލަށް އިހުތިރާމްކުޑަކޮށް، ބޭއަދަބީ އިބާރާތްތައް ބޭނުންކޮށް ވާހަކަ ދައްކާފައިވާ ކަމަށް ބުނެ އެވެ.

ސަސްޕެންޝަންގެ ސަބަބުން، ސްލޮޓަށް ލިވަޕޫލް ދެން އެންމެ އަވަހަށް ކުޅޭ ދެ މެޗުގައި ބެންޗަށް ނުދެވޭނެ އެވެ. އެއީ، އަމިއްލަ ދަނޑުގައި ވުލްވްސްއާ ކުޅޭ މެޗާއި ރަށުންބޭރުގައި އެސްޓަން ވިލާއާ ބައްދަލުކުރާ މެޗުގަ އެވެ.

ޕްރިމިއާ ލީގުގައި ބާކީ 14 މެޗު ލިވަޕޫލަށް އޮތްއޮރު، ލިވަޕޫލް އެއް ވަނައިގައި އޮތީ ހަތް ޕޮއިންޓުގެ ލީޑެއް ހޯދައިގެންނެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox