ޕީޕީއެމް އުވާލުމުން އެ ޕާޓީއަށް ރަށްރަށުން ދޫކޮށްފައި ހުރި ބިންތައް އަތުލަނީ

2023 ގެ ރިޔާސީ ކެމްޕޭނުގެ ތެރެއިން ޕީޕީއެމް އިން ރަށެއްގައި ބޭއްވި ހަރަކާތެެއްގެ ތެރެއިން: އެ ޕާޓީއަށް ދީފައި ހުރި ބިންތައް ކައުންސިލްތަކުން އަތުލަން ފަށައިފި --- ފޮޓޯ: މިރާން ނާޝިމް / އަދަދު

2023 ގެ ރިޔާސީ ކެމްޕޭނުގެ ތެރެއިން ޕީޕީއެމް އިން ރަށެއްގައި ބޭއްވި ހަރަކާތެެއްގެ ތެރެއިން: އެ ޕާޓީއަށް ދީފައި ހުރި ބިންތައް ކައުންސިލްތަކުން އަތުލަން ފަށައިފި --- ފޮޓޯ: މިރާން ނާޝިމް / އަދަދު

ވެރިކަންކުރާ ކޯލިޝަނުގެ ކުރީގެ މައި ޕާޓީ، ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) އުވާލުމާއެކު އެ ޕާޓީއަށް ދޫކޮށްފައި ހުރި ބިންތައް އަތުލަން ފަށައިފި އެވެ.

ވެރިކަން ކުރާ ޕީއެންސީގެ އޮފީހުގައި ބޭއްވި އެ ބައްދަލުވުމުގައި ބައިވެރިވި 42 ސެނެޓަރުންގެ އިއްތިފާގުން، ޕީޕީއެމް އުވާލަން ނިންމީ ޑިސެމްބަރު 2، 2024 ގަ އެވެ. އެ ޕާޓީ އުވާލިކަން އިލެކްޝަންސް ކޮމިޝަން (އީސީ) އިން އިއުލާނުކޮށް ސިޔާސީ ޕާޓީތަކުގެ ދަފްތަރުން ޕީޕީއެމްގެ ނަން އުނިކުރީ ޖެނުއަރީ 30، ގަ އެވެ.

މި ނިންމުމާއެކު ނ. ކެނދިކުޅުދޫއިން ޕީޕީއެމްއަށް ސިޔާސީ ހަރަކާތްތައް ހިންގުމަށް ދޫކޮށްފައިވާ ބިމެއް އަތުލިކަން އެ ރަށު ކައުންސިލުން އިއްޔެ އިއުލާނުކޮށްފައިވެ އެވެ. ކެނދިކުޅުދޫ ކައުންސިލުން ރިއާޔަތްކުރީ އީސީގެ ނިންމުމަށާއި ޕާޓީތަކަށް ބިން ދޫކުރުމުގައި އެ ކައުންސިލުން ގެންގުޅޭ އުސޫލަށެވެ.

އެ ގޮތުން ޕާޓީ އުވާލުމުގެ އިތުރުން، ބިން އަތުލީ އެ ތަނުގައި ސިޔާސީ ހަރަކާތެއް ނުހިންގާތާ އަހަރަކަށް ވުރެ ގިނަ ދުވަސް ވެފައިވާތީ ކަމަށް ކައުންސިލުގެ އިއުލާނުގައިވެ އެވެ. މި ބިން ޕީޕީއެމްއަށް ދޫކުރީ އެ ޕާޓީ އިދިކޮޅުގައި އޮއްވާ 2023 ގަ އެވެ. އިދިކޮޅުން އެ އަހަރުގެ ރިޔާސީ ކެމްޕޭނުގެ ހަރަކާތްތައް އެ ބިމުގައި ކުރިއަށް ގެންދިޔަ އެވެ.

ޖުމްލަ 3000 އަކަފޫޓުގެ މި ބިން އަތުލަން ނިންމީ، އީސީން ޕީޕީއެމް އުވާލިކަން އިއުލާނުކުރި ދުވަހު ކަމަށްވެސް ކެނދިކުޅުދޫ ކައުންސިލުން ބުނެފައިވެ އެވެ.

ސިޔާސީ ހަރަކާތްތަކަށް އެކި ރަށްރަށުން ބިންތައް ދޫކޮށްފައިވާއިރު، ވެރިކަންކުރާ ޕީއެންސީ ކުރިން އޮތް ކޯލިޝަނުގެ މައި ޕާޓީގެ ހައިސިއްޔަތުން އެ ކޯލިޝަނުގެ ގިނަ ބިންތައް އޮންނާނީ ޕީޕީއެމްގެ ނަން މަތީގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox