އެވަޓަން އިން ފަހު ވަގުތު ގޯލު ޖަހައި ލިވަޕޫލް ހުއްޓުވައިފި

Feb 13, 2025, 3:31 AM
އެވަޓަން އިން ފަހު ވަގުތު ގޯލު ޖަހައި ލިވަޕޫލް ހުއްޓުވައިފި

ލިވަޕޫލް (ފެބްރުއަރީ 13) - އިނގިރޭސި ޕްރިމިއާ ލީގުގައި ރޭ އެވަޓަން އިން އިތުރު ވަގުތުގެ ފަހު ސިކުންތު ތެރޭގައި ގޯލު ޖަހައި، 2-2 އިން އެއްވަރުކޮށް، ލިވަޕޫލް މޮޅުވިޔަނުދީ ހިފަހައްޓައިފި އެވެ.

މި މެޗުން މޮޅުވެގެން އެއް ވަނައިގައި ނުވަ ޕޮއިންޓުގެ ލީޑެއް ނެގެން އޮތް ލިވަޕޫލަށް ލިބުނީ ހަތް ޕޮއިންޓުގެ ލީޑެކެވެ. ލިވަޕޫލަށް 24 މެޗުން 57 ޕޮއިންޓް ލިބިފައިވާއިރު، ދެ ވަނައިގައި އޮތް އާސެނަލް އަށް 24 މެޗުން ވަނީ 50 ޕޮއިންޓް ލިބިފަ އެވެ. ތިން ވަނައިގައި އޮތް ނޮޓިންހަމް ފޮރެސްޓަށް ވަނީ 24 މެޗުން 47 ޕޮއިންޓް ލިބިފަ އެވެ.

އެވަޓަންގެ ގުޑިސަން ޕާކުގައި އަަވައްޓެރިން ކަމަށްވާ ލިވަޕޫލާ ދެކޮޅަށް ކުޅުނު ފަހު މެޗުގައި، އެ ޓީމުން ވަނީ ލީޑުނަގައިފަ އެވެ. މި ސީޒަން ނިންމާފައި އާ ދަނޑަކަށް ބަދަލުވާން ނިންމާފައި އޮތް އެވަޓަން އިން ރޭގެ މެޗުގައި، ލީޑުނެގީ، ބެޓޯ ޖެހި ގޯލުންނެވެ. މެޗުގެ 11 ވަނަ މިނިޓްގައި ބެޓޯ ގޯލު ޖަހައި، އެވަޓަން އަށް ލީޑުނަގައިދިންތާ ފަސް މިނިޓް ފަހުން، އަލެކްސިސް މެކް އަލިސްޓާ ބޮލުން ގޯލެއް ޖަހައި، ލިވަޕޫލަށް އެއްވަރުކޮށްދިނެވެ.

Advertisement

ދެ ވަނަ ހާފުގައި ރަނގަޅު ކުޅުމެއް ދައްކައި، އެވަޓަން އިން ވަނީ، ލަނޑެއް ވެސް ޖަހައިފަ އެވެ. އެކަމަކު، ވީޑިއޯ އެސިސްޓަންޓް ރެފްރީ (ވީއޭއާރް) އިން އޮފްސައިޑް ކަމަށް ނިންމީ އެވެ. އޭގެ ފަހުން، ތަނަވަސްވި ފުރުސަތެއްގައި، އެވަޓަން އޭރިއާތެރެއިން، ލިވަޕޫލްގެ މުހައްމަދު ސަލާހު 73 ވަނަ މިނިޓްގައި އެ ޓީމަށް ލީޑުނަގައިދިނެވެ.

ލިވަޕޫލް މޮޅުވާނެ ކަމަށް ބެލެވިފައި އޮއްވައި، އިތުރު ވަގުތުގެ ފަސް މިނިޓް ހަމަވެ، އަށް ވަނަ މިނިޓްގައި އެވަޓަން އަށް އެއްވަރުކޮށްދިން ލަނޑު ޖެހީ، ޖޭމްސް ޓާކޯސްކީ އެވެ.

މެޗު ނިމުމާ އެކު، ލިވަޕޫލްގެ ސަޕޯޓަރުންނާ ދިމާލަށް އެވަޓަންގެ އަބްދުﷲ ޑޮކޫރޯ ދިއުމާ އެކު، އޭނާ އާއި ލިވަޕޫލްގެ ކާޓިސް ޖޯންސްގެ ދެމެދުގައި ހިނގި ހަމަނުޖެހުމުގެ ތެރޭގައި، ރެފްރީ މައިކަލް އޮލިވާ ވަނީ ދެ ކުޅުންތެރިންނަށް ރަތް ކާޑު ދައްކައިފަ އެވެ. އަދި އޭގެ ފަހުން، ލިވަޕޫލްގެ ކޯޗު، އާނާ ސްލޮޓް ބުނި އެއްޗެއްގެ ސަބަބުން އޭނާ އަށް ވެސް ރަތް ކާޑެއް ދެއްކި އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox