ގޯލްޑަން ފުޓްސަލް ޗެލެންޖް: ފޭދޫ އިން ޒޯން ބުރު ފެށީ މޮޅަކުން

ގޯލްޑަން ފުޓްސަލް ޗެލެންޖް 2025 ގެ ޒޯން ހަތެއްގައި ސ. އަތޮޅުގެ ޗެމްޕިއަން ފޭދޫ އިން ކުޅުނު ފުރަތަމަ މެޗުގައި ގދ. ރަނަރަޕް ގައްދޫ ބަލިކޮށްފި އެވެ.

ރެހެންދި ފުޓްސަލް ދަނޑުގައި ރޭ ކުޅުނު މި މެޗު ފޭދޫ އިން ކާމިޔާބުކުރީ 3-1 ގެ ނަތީޖާ އަކުންނެވެ.

މި މެޗުގެ ތިންވަނަ މިނެޓުގައި ފޭދޫ އަށް ލީޑު ނަގާދިނީ އަލި ނާފިއު ޖެހި ގޯލުންނެވެ. އެކަމަކު އޭގެ ދެ މިނެޓު ފަހުން ގައްދޫ އިން ވަނީ ގޯލު ޖަހާ ނަތީޖާ ހަމަހަމަ ކޮށްފަ އެވެ.

މިއީ ފޭދޫގެ ކީޕަރު ވިޝާން އަބްދުލް މަޖީދު އަތުން ބައިކޮޅަށް ވަން ގޯލެކެވެ. އެކަމަކު އޭގެ ތިން މިނެޓު ފަހުން ފޭދޫ އިން އަލުން ވަނީ ގޯލު ޖަހާ ލީޑު ނަގާފަ އެވެ. މިއީ ފޭދޫގެ އަނޫ އަބްދުالله އަތުން ބައިކޮޅަށް ވަނީ ގޯލެކެވެ.

އަދި އޭގެ މިނެޓެއް ފަހުން ފޭދޫގެ ޔޫސުފް ސިދާމް އަލީ ވަނީ އެ ޓީމުން ޖެހި ތިންވަނަ ގޯލު ޖަހާފަ އެވެ.

ގޯލްޑަން ފުޓްސަލް ޗެލެންޖް (2 ފެބްރުއަރީ):

ދ. ކުޑަހުވަދޫ - މ. މުލަކު: ޒޯން 5 (20:00)

ފ. ދަރަނބޫދޫ - މ. ދިއްގަރު: ޒޯން 5 (20:00)

ނ. މިލަދޫ - ށ. މިލަންދޫ: ޒޯން 2 (21:00)

ރ. އިނގުރައިދޫ - ށ. ކަނޑިތީމު: ޒޯން 2 (21:00)