ސިޔާސީ މުވައްޒަފުންގެ އަދަދު ކަނޑައެޅުމުގައި މަޖިލިސް ބައިވެރިކުރަން ޖެހޭ: ފައްޔާޒު

އެމްޑީޕީގެ ޗެއާޕާސަން ފައްޔާޒު އިސްމާއިލް - ފޮޓޯ: އަދަދު

އެމްޑީޕީގެ ޗެއާޕާސަން ފައްޔާޒު އިސްމާއިލް - ފޮޓޯ: އަދަދު

އަލަށް އެކުލަވާލާ ސަރުކާރުތަކުން ވުޒާރާތައް އުފައްދާއިރު ސިޔާސީ މުވައްޒަފުންގެ އަދަދު ކަނޑައެޅުމުގައި ރައްޔިތުންގެ މަޖިލީހަށް ބައިވެރިވުން އޮންނަ ގޮތަށް ގާނޫނުއަސާސީ އިސްލާހު ކުރަން ޖެހޭ ކަމަށް އިދިކޮޅު އެމްޑީޕީގެ ޗެއާޕާސަން ފައްޔާޒު އިސްމާއިލް ވިދާޅުވެއްޖެ އެވެ.

"އަދަދު" ނޫހަށް ލިޔުއްވި ކޮލަމެއްގައި ފައްޔާޒު ވިދާޅުވީ ސަރުކާރުތަކުން ހިތުހުރި އަދަދަކަށް ސިޔާސީ މަގާމުތައް އުފެއްދޭ ގޮތަށް އޮންނަ އޮތުން ބަދަލުކުރަން ޖެހޭ ކަމަށެވެ.

އެގޮތުން، ގާނޫނުއަސާސީން ރައީސުލްޖުމްހުރިއްޔާއަށް ބާރުލިބިދޭ 115 ވަނަ މާއްދާއަށް ތަފުސީލެއް އިތުރުކޮށް، މިނެއް ނެތި ސިޔާސީ މަގާމުތައް އުފައްދަން ރައީސްއަށް ލިބިދޭ ބާރު ނިމުމަކަށް ގެންނަން ޖެހޭ ކަމަށް ފައްޔާޒު ލިޔުއްވާފައިވެ އެވެ.

Advertisement

"ވުޒާރާތައް އުފައްދާއިރު، އެ ވުޒާރާއެއް ހިންގުމަށް ބޭނުންވާނޭ މުވައްޒަފުންގެ އަދަދާއި، އެ ވުޒާރާއަކަށް އައްޔަނުކުރާނޭ ސިޔާސީ މުވައްޒަފުންގެ އަދަދުވެސް ރައްޔިތުންގެ މަޖިލީހުން ފާސްކުރަންޖެހޭ ގޮތަށް ލާޒިމުކުރެވިދާނެ،" ފައްޔާޒު ވިދާޅުވި އެވެ.

އެފަދަ ބަދަލެއްގެ ނަތީޖާއަކަށް ވެގެންދާނީ އަލަށް އެކުލަވާލާ ސަރުކާރެއްގެ ރައީސަކު ވުޒާރާއަކަށް ބޭނުންވާ ސިޔާސީންގެ އަދަދުގެ ގޮތުގައި ހުށަހަޅަނީ އެކަށީގެންނުވާ އަދަދެއްނަމަ އެޔަށް ބަދަލު ގެނައުމުގެ ބާރު މަޖިލީހަށް ލިބުންކަން އޭނާ ފާހަގަ ކުރައްވާފައިވެ އެވެ.

ސިޔާސީ މުވައްޒަފުންގެ އަދަދަކީ ބޮޑު ސިއްރަކަށްވެ، ސަރުކާރުތަކަށް އާންމުންގެ ފާޑުކިޔުން އަމާޒުވާ މައިގަނޑު އެއް ސަބަބަކަށް ވަނީ ވެފަ އެވެ. މި ސަރުކާރަށް 15 މަސްދުވަސް ވެފައިވާއިރު ސިޔާސީ މަގާމުތަކުގެ އަދަދު ހާމަކޮށްފައެއް ނުވެ އެވެ.

ފައްޔާޒު ވިދާޅުވީ މިކަމުގެ ހައްލަކީ ސިޔާސީ މުވައްޒަފުންގެ އަދަދާމެދު މަޖިލީހުގައި، އާންމުންނަށް ފެންނާނެ ގޮތަށް ފުޅާކޮށް ބަހުސް ކުރުން ކަމަށެވެ.

"މިހާރު އަޅުގަނޑުމެން މިއުޅެނީ ސަރުކާރުގައި ތިބި ސިޔާސީ މުވައްޒަފުންގެ އަދަދު ނޭނގިގެން. ލަފާކުރެވޭ ގޮތުގައި އެ އަދަދު މިހާރު ތިންހާހަށް އަރާނެ،" ފައްޔާޒު ލިޔުއްވާފައިވެ އެވެ.

މި ސަރުކާރުން ވެރިކަމަށް އައީ ސިޔާސީ މުވައްޒަފުންގެ އަދަދު 700 ގައި ހިފަހައްޓާނެ ކަމުގެ ވައުދާއެކު އެވެ. ނަމަވެސް، ވެރިކަމަށް އަހަރެއް ނުވަނީސް އެ ވައުދާ ހިލާފުވެފައިވާކަން މި ނޫހުގެ ހޯދުންތަކުން ކަށަވަރުވެ އެވެ.

އިދިކޮޅުން ތުހުމަތުކުރާ ގޮތުގައި މި ސަރުކާރަކީ ފެހި ގާނޫނުއަސާސީގެ ދަށުން އެކުލަވާލި އެންމެ މަތިބަރު، ސިޔާސީ މުވައްޒަފުން އެންމެ ގިނަ ސަރުކާރެވެ. ނަމަވެސް އެއީ ސީދާ ކިތައް ސަތޭކަ ނުވަތަ ކިތައް ހާސް މުވައްޒަފުން ކަމެއް ސަރުކާރުން ހާމައެއް ނުކުރެ އެވެ. ރައީސް އޮފީހުން މިކަމުގައި އެކި ފަހަރު ދައްކާފައިވަނީ އެކި އުޒުރެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox