ވާނުވާ ބަންދުގައި ތިބި 435 މީހުންނާ އެކު ޖަލުތައް ފުރި ބާރުވެއްޖެ

އާޓްވޯކް: އިސްމާއިލް އިމްދާދު

އާޓްވޯކް: އިސްމާއިލް އިމްދާދު

ބޮޑެތި ކުށްތައް ކުރި ކަމަށް ތުހުމަތު ކުރެވިގެން ޝަރީއަތް ނިމެންދެން ބަންދުގައި ތިބި 435 މީހުންނާ އެކު ޖަލުތައް ފުރި ބާރުވެއްޖެ އެވެ.

ޕްރޮސެކިއުޓާ ޖެނެރަލްގެ އޮފީސް (ޕީޖީ) އިން އާންމުކުރި ތަފާސްހިބުތަކުން ދައްކާ ގޮތުގައި ޖެނުއަރީ 20، ގެ ނިޔަލަށް ޝަރީއަތް ނިމެންދެން ބަންދު ކޮށްފައި ތިބި 435 މީހުންގެ ތެރެއިން 364 މީހުން މޯލްޑިވްސް ކަރެކްޝަނަލް ސާވިސްގެ ބެލުމުގެ ދަށުގައި ތިބިއިރު، ރިމާންޑް ޖަލަށް ބަދަލު ނުކުރެވި ފުލުހުންގެ ބެލުމުގެ ދަށުގައި މިވަގުތު 71 މީހުން އެބަތިއްބެވެ.

ޕީޖީ އޮފީހުން އިންތިޒާމުކޮށްގެން ބޭއްވި "ބަންދު ފޯރަމް" ގައި ޕީޖީ އައްބާސް ޝަރީފް ވިދާޅުވީ ޖަލުތަކުގެ ކެޕޭސިޓީ ބޮޑުތަނުން އިތުރުވެ، ޖަލުތައް ފުރިފައިވާ ކަމަށާއި ބަންދު ކުރުން ނޫން ގޮތެއް ހޯދަން ޖެހިފައިވާ ކަމަށެވެ.

މިގޮތުން މުއައްސަސާތައް ގުޅިގެން ދިމާވެފައި އޮތް މައްސަލައަށް ހައްލު ގެންނަން ޖެހޭ ކަމަށާއި މާފުށީގައި ވެސް ކެޕޭސިޓީއަށްވުރެ އިތުރަށް 10 ޕަސަންޓް މީހުން ބަންދުކޮށްފައިވާ ކަމަށެވެ.

މީގެއިތުރުން އަދުލުގެ ނިޒާމަށް ފާޑު ކިޔައި އިތުބާރު ކުޑަވަމުންދަނީ ޒަމާނުއްސުރެ އޮތް ޝަރީއަތް ނިމެންދެން ބަންދު ކުރުމުގެ މައްސަލައަށް ހައްލު ނުލިބޭތީކަން ފާހަގަކުރައްވާ އައްބާސް ވިދާޅުވީ އެގޮތަށް ބަންދުކޮށްގެން ހޭދަވާ މުއްދަތު ކުޑަ ނުވާ ކަމަށެވެ.

ޝަރީއަތް ނިމެންދެން އެންމެ ގިނައިން ބަންދު ކޮށްފައި ތިބީ މަސްތުވާތަކެތީގެ މައްސަލަތަކުގެ އިތުރުން ޖިންސީގޯނާ ކުރުމުގެ މައްސަލަތަކުގަ އެވެ.

ޝަރީއަތް ނިމެންދެން ކަރެކްޝަނުގައި ބަންދުކޮށްފައި ތިބި 364 މީހުންގެ ތެރެއިން 208 މީހުންނަކީ ޒުވާނުން ކަމަށްވާއިރު، 35 އަހަރަށްވުރެ މަތީގެ 156 މީހުން އެބަތިއްބެވެ.

ޝަރީއަތް ނިމެންދެން ކަރެކްޝަންސްގެ ބަންދުގައި ތިބި މީހުންގެ ތެރެއިން 354 މީހުންނަކީ ފިރިހެނުން ކަމަށްވާއިރު، 10 މީހުންނަކީ އަންހެނުންނެވެ.

ޝަރީއަތް ނިމެންދެން ބަންދު ކޮށްފައި ތިބި މީހުން ކުށުގެ ބާވަތުން: ޖެނުއަރީ 20، 2025 ގެ ނިޔަލަށް

  • މަސްތުވާތަކެތީގެ މައްސަލަތައް - 112 މީހުން (30.8 ޕަސަންޓް)
  • ކުޑަކުދިންނަށް ކުރާ ޖިންސީ ގޯނާގެ މައްސަލަތައް -96 މީހުން (26.4 ޕަސަންޓް)
  • ގޭންގް މާރާމާރީ މައްސަލަތައް - 79 މީހުން (21.7 ޕަސަންޓް)
  • މަރުގެ މައްސަލަތައް - 29 މީހުން (8 ޕަސަންޓް)
  • ޓެރެރިޒަމްގެ މައްސަލަތައް - 17 މީހުން (4.7 ޕަސަންޓް)
  • ޖިންސީ ގޯނާގެ މައްސަލަތައް - 13 މީހުން (3.6 ޕަސަންޓް)
  • މަނީ ލޯންޑްރިން މައްސަލަތަކާއި އެހެނިހެން މައްސަލަތައް - ފަސް މީހުން (1.4 ޕަސަންޓް)

ކަރެކްޝަންސްގެ ބަންދުގައި 364 މީހުން ހޭދަކުރި މުއްދަތު: ޖެނުއަރީ 20، 2025 ގެ ނިޔަލަށް

  • ހަ އަހަރަށްވުރެ ގިނަ - 5 ފަސް މީހުން (1.1 ޕަސަންޓް)
  • ފަސް އަހަރާއި ހަ އަހަރާ ދެމެދު - 8 މީހުން (2.2 ޕަސަންޓް)
  • ހަތަރު އަހަރާއި ފަސް އަހަރާ ދެމެދު - 24 މީހުން (6.6 ޕަސަންޓް)
  • ތިން އަހަރާއި ހަތަރު އަހަރާ ދެމެދު - 38 މީހުން (10.4 ޕަސަންޓް)
  • ދެ އަހަރާއި ތިން އަހަރާ ދެމެދު - 67 މީހުން (18.4 ޕަސަންޓް)
  • އެއް އަހަރާއި ދެ އަހަރާ ދެމެދު - 92 މީހުން (25.3 ޕަސަންޓް)
  • އެއް އަހަރަށްވުރެ ކުރު - 131 މީހުން (36 ޕަސަންޓް)

ފޯރަމްގައި ކޮމިޝަނާ އޮފް ޕްރިޒަންސް ހަސަން ޒަރީރު ވެސް ވަނީ ޖަލުތައް ފުރިބާރުވެފައިވާކަން ފާހަގަކުރައްވައި ޖާގައިގެ މައްސަލަތައް ވެސް ދިމާވަމުން އަންނަ ކަމަށް ވިދާޅުވެފަ އެވެ.

ކަރެކްޝަންސްގައި ވަސީލަތް މަދުކަމާއި ޝަރީއަތް ނިމެންދެން ބަންދުގައި ތިބި މީހުންގެ ހައްގުތައް ކަށަވަރު ކުރަން ވެސް ގޮންޖެހުންތަކެއް ދިމާވަމުންދާކަން އޭނާ ފާހަގަކުރެއްވި އެވެ.

ރާއްޖޭގެ ހުރިހާ ޖަލެއްގެ ކެޕޭސިޓީއަކީ 1500 އެއްހާ ޖާގަ ކަމަށްވާއިރު، ޖަލުތަކުގައި ތިބޭ މީީހުންނަށް މަހެއްގެ މައްޗަށް 27،000ރ. ހަރަދުވެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox