ހާއްސަ އެހީއަށް ބޭނުންވާ ކުއްޖެއްގެ ބައްޕަ ވަޒީފާއިން ކަނޑާލުމުން މެންބަރު މަމްދޫހުއާ ކުރިމަތިލީ އަނބިމީހާ

ހާއްސަ އެހީއަށް ބޭނުންވާ ކުއްޖެއްގެ ބައްޕަ ވަޒީފާއިން ކަނޑާލުމުން މެންބަރު މަމްދޫހުއާ އެ ފިރިހެން މީހާގެ އަނބިމީހާ ކުރިމަތިލުން

ހާއްސަ އެހީއަށް ބޭނުންވާ ކުއްޖެއްގެ ބައްޕަ ވަޒީފާއިން ކަނޑާލުމުން މެންބަރު މަމްދޫހުއާ އެ ފިރިހެން މީހާގެ އަނބިމީހާ ކުރިމަތިލުން

ހާއްސަ އެހީއަށް ބޭނުންވާ ކުއްޖެއްގެ ބައްޕަ "ސިޔާސީ" ބޭނުމެއްގައި އެމްޓީސީސީގެ ވަޒީފާއިން ވަކި ކުރުމުން ފުނަދޫ ދާއިރާގެ ޕީއެންސީ މެންބަރު މުހައްމަދު މަމްދޫހުއާ، ވަޒީފާއިން ވަކި ކުރި މީހާގެ އަނބިމީހާ ކުރިމަތިލައިފި އެވެ.

ސޯޝަލް މީޑިއާގައި ދައުރުވަމުންދާ ވީޑިއޯއިން ފެންނަ ގޮތުގައި އޯޓިޒަމް ހުންނަ ކުއްޖަކާއި ހަތަރު މަސް ނުފުރޭ ކުއްޖަކު ގޮވައިގެން އެ އަންހެން މީހާ މަމްދޫހުއާ ކުރިމަތިލައި ބުނީ އޭނާގެ ފިރިމީހާ ވަޒީފާއިން ވަކިކުރީ ސީދާ މަމްދޫހު އަންގަވައިގެން ކޮންޓްރެކްޓު އާކުރިތާ ހަފްތާއެއް ވެސް ނުވަނީސް ކަމަށެވެ.

"ހަފްތާއެއް ނުވޭ ކޮންޓްރެކްޓް ދީފައި. ހަފްތާއެއް ނުވެ ކައެ ތި ކަނޑާލީ. އެވެސް މިކޮޅަށް އަންގައިގެން ކައޭމެން އޭނަ ހުރިގޮތް ބަލާލާފައި އެންމެ ރަނގަޅު ކައޭ ކަނޑާލީ. މީނާ ހުރި ހާލެއް ބަލާލާފައި ކަނޑާލީ. ދެން މިތަނުގައި މަސައްކަތް ކޮށްކޮށް ހުއްޓައި ކަނޑާލީ. ކޮންޓްރެކްޓު ނުދީ ކަނޑާލާނީ. އެނގިއްޖެތަ،" ދެ ދަރިން ވެސް ގޮވައިގެން ގޮސް މަމްދޫހުއާ ކުރިމަތިލައި އޭނާ ބުންޏެވެ.

އެ އަންހެން މީހާ އިތުރަށްބުނީ އޭނާގެ އާއިލާގެ ދިރިއުޅުމުގެ ކަންކަން ހަމަ ޖައްސަމުން ދިޔައީ ފިރިމީހާއަށް އެމްޓީސީސީން ހޯދަމުން ދިޔަ އާމްދަނީން ކަމަށެވެ. އެ ފިރިހެން މީހާ ވަޒީފާ އަދާ ކުރަމުންދިޔައީ މާއުނގޫދޫ ބަނދަރު ހެދުމުގެ މަޝްރޫއުގައި އެމްޓީސީސީ ސައިޓު އެޑްމިން އިންވެންޓްރީގެ އޮފިސަރަކަށެވެ.

ފިރިހެން މީހާއަށް އެމްޓީސީސީން ގުޅައި ކ. ހުރާއަށް ބަދަލު ކުރަން ނިންމާފައިވާކަން އެންގުމަށްފަހު، ފަހުން އޭނާ ވަޒީފާއިން ވަކިކުރިކަން ވަނީ އަންގާފަ އެވެ.

""އޯޓިޒަމް ކުއްޖަކު އެބަހުއްޓޭ، ހަތަރު މަސް ނުވާ ބޭބީ އެއް އެބަ އޮތޭ، ތަނަކަށް ނުދެވޭނެއޭ. ބުނީމަ ވަޒީފާ އިން ކަނޑާލީ. އަނިޔާ ކުރެވޭނީ މިހާވަރަށް. ދެން ގުޅާފަ ބުނީ ނިކުންނާށޯ ކ. ހުރަޔަށް. މީ މަލާމާތް ކުރުމެއް ނޫންތޯ،" އެ އަންހެން މީހާ ބުންޏެވެ.

ނަމަވެސް މަމްދޫހު ވަނީ އެ ފިރިހެން މީހާ ވަޒީފާއިން ވަކިކުރީ އޭނާ އަންގައިގެން ނޫން ކަމަށާއި އެކަން ކުރީ އެމްޓީސީސީން ކަމަށް ވިދާޅުވެފަ އެވެ.

ރަށްރަށުގައި ސަރުކާރު ކުންފުނިތަކަށް ނަގާފައި ތިބި ގިނަ އަދަދެއްގެ މުވައްޒަފުން މި ސަރުކާރުން ވެރިކަމާ ހަވާލުވި ފަހުން ވަނީ ވަކިކޮށްފަ އެވެ. ނަމަވެސް މަޖިލިސް އިންތިހާބުގައި އެއްވެސް މުވައްޒަފަކު ވަޒީފާއިން ވަކި ނުކުރާނެ ކަމުގެ ޔަގީންކަން ސަރުކާރުން ދިނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox