ގޯލްޑަން ފުޓްސަލް ޗެލެންޖް 2025 ގެ މ. އަތޮޅު ސެމީ ފައިނަލަށް ގްރޫޕްގެ އެއް ވަނަ ޓީމުގެ ގޮތުގައި ދިއްގަރާއި ކޮޅުފުށި ދަތުރުކޮށްފި އެވެ.
ރޭ މ. އަތޮޅުގެ ގްރޫޕް ސްޓޭޖުގެ ފަހު މެޗުތައް ކުޅުނުއިރު، ދިއްގަރުން ސެމީ ފައިނަލަށް ގްރޫޕްގެ އެއްވަނަ ޓީމުގެ ގޮތުގައި ދަތުރުކުރީ އެ އަތޮޅު ވޭވަށް 4-0 ގެ ނަތީޖާއަކުން ބަލިކޮށްގެންނެވެ.
މި މެޗުގެ ހަތަރު ވަނަ މިނެޓުގައި ދިއްގަރަށް ލީޑު ނަގައިދިނީ ނަޒީހް އިސްމާއިލް ޖެހި ގޯލުންނެވެ. އަދި ފުރަތަމަ ހާފު ނިމުމުގެ ކުރިން ހުސެއިން ފާރިޝް ގޯލް ޖަހައި އެ ޓީމުގެ ލީޑުފުޅާކުރި އެވެ. ދިއްގަރުގެ ތިންވަނަ ގޯލު ދެވަނަ ހާފު ފަށައިގެން އަށްވަނަ މިނެޓުގައި ޖަހާދިނީ ކެޕްޓަން އިބްރާހީމް ރިއްފަތު އެވެ. އަދި އޭގެ މިނެޓެއް ފަހުން މުހައްމަދު ސާގިބް ވަނީ ދިއްގަރުގެ ހަތަރު ވަނަ ގޯލު ޖަހައިދީފަ އެވެ.
މ. އަތޮޅުގެ ގްރޫޕް އެކެއްގައި މުލަކާއި މަޑުއްވަރި ބައްދަލުކުރި މެޗު ނިމުނީ 1-1 ގެ ނަތީޖާއަކުން އެއްވަރުވެގެންނެވެ. މި މެޗުގެ ދެ ވަނަ މިނެޓުގައި މުލަކުގެ ސުޖުއާން ހުސެއިން ވަނީ އެ ޓީމަށް ލީޑު ނަގައިދީފަ އެވެ. އެކަމަކު، ދެ ވަނަ ހާފުގެ 10 ވަނަ މިނެޓުގައި މަޑުއްވަރީގެ އިބްރާހީމް އަސްލަމް އަލީ ވަނީ ގޯލު ޖަހާ އެ ޓީމަށް ނަތީޖާ އެއްވަރުކޮށްދީފަ އެވެ.
މި ނަތީޖާތަކާ އެކު މ. އަތޮޅުގެ ގްރޫޕްގެ އެއް ވަނަ ދިއްގަރަށް ލިބެނީ ކުޅުނު ތިން މެޗުން ހަތް ޕޮއިންޓް ހޯދައިގެންނެވެ. ދެ ވަނަ ޓީމުގެ ގޮތުގައި ސެމީ ފައިނަލުން ޖާގަ ހޯދި މުލަކަށް ތިން މެޗުން ފަސް ޕޮއިންޓް ވަނީ ލިބިފަ އެވެ.
މ. އަތޮޅުގެ ގްރޫޕްގެ ދޭއްގެ އެއް ވަނަ ކޮޅުފުށިން ހޯދީ ނާލާފުށީގެ މައްޗަށް 1-0 ގެ ނަތީޖާއަކުން ކުރިހޯދައިގެންނެވެ.
ތިން ޓީމު ހިމެނޭ މި ގްރޫޕްގައި ކޮޅުފުށިން ކުޅުނު ފުރަތަމަ މެޗުގައި އެ ޓީމު ވަނީ މުލައް އަތުން 0-0 ގެ ނަތީޖާއަކުން އެއްވަރުވެފަ އެވެ. ރޭގެ މެޗުގެ ފަހު ސިކުންތުކޮޅުގެ ތެރޭގައި ކޮޅުފުށި މޮޅުކޮށްދިން ގޯލު އެ ޓީމަށް ޖަހާދިނީ އަހުމަދު އަދުހަމް އެވެ.
މި ގްރޫޕްގެ އެއް ވަނަ ކޮޅުފޮށިން ހޯދީ ދެ މެޗުން ހަތަރު ޕޮއިންޓް ހޯދައިގެންނެވެ. އަދި މި ގްރޫޕްގެ ދެ ވަނަ ޓީމުގެ ގޮތުގައި މުލައް ވަނީ ދެ މެޗުން ލިބުނު ޕޮއިންޓާ އެކު ސެމީ ފައިނަލަށް ދަތުރުކޮށްފަ އެވެ.
މ. އަތޮޅު ސެމީގައި ދިއްގަރުން ނުކުންނާނީ މުއްޔާ ދެކޮޅަށެވެ. އަދި ދެ ވަނަ ސެމީގައި މުލަކުން ނުކުންނާނީ ކޮޅުފުށްޓާ ދެކޮޅަށެވެ.
ގޯލްޑަން ފުޓްސަލް ޗެލެންޖުގައި މިރޭ ކުޅޭ މެޗުތައް:
20:00: ބ. ތުޅާދޫ - ބ. ފެހެންދޫ
21:00: ތ. ކިނބިދޫ - ތ. ދިޔަމިގިލި
21:00: ތ. ތިމަރަފުށި - ތ. އޮމަދޫ
22:00: ތ. ބުރުނި - ތ. ގާދިއްފުށި
22:00: ތ. ވޭމަންޑޫ - ތ. ކަނޑޫދޫ
23:00: ލ. މާބައިދޫ - މާވަށް
23:00: ލ. އިސްދޫ - ލ. މުންޑޫ
