ފެހުރިހި ބަލަން ވަންނަ އުޅަނދުތަކުގައި ބުރަފަތި ގާޑު އަޅުވަން ޖެހޭގޮތަށް ގަވާއިދެއް ހަދަނީ

އާޓް ވޯކް: އިސްމާއިލް އިމްދާދު / އަދަދު

އާޓް ވޯކް: އިސްމާއިލް އިމްދާދު / އަދަދު

ފެހުރިހި ހިމާޔަތްކުރުމަށާއި އެ ތަކެތި ބަލަން ދާ މީހުންގެ ސަލާމަތަށްޓަކައި، އެފަދަ ސަރަހައްދުތަކަށް ދާ އުޅަނދުތަކުގެ ބުރަފަތީގައި ސަލާމަތީ ގާޑެއް އަޅަން މަޖުބޫރުކޮށް ގަވާއިދެއް އެކުލަވާލުމުގެ މަސައްކަތް ކުރަމުންދާ ކަމަށް އެންވަޔަރަމަންޓު މިނިސްޓަރު ތޯރިގު އިބްރާހިމް ވިދާޅުވެއްޖެ އެވެ.

ޕަބްލިކް ސާވިސް މީޑިއާ (ޕީއެސްއެމް) އަށް ބުރާސްފަތި ދުވަހުގެ ރޭ ދެއްވި އިންޓަވިއުއެއްގައި ތޯރިގު ވިދާޅުވީ، ފެހުރިހި ބަލަން ދާ ސަރަހައްދުތަކުގައި މިހާރު އަމަލުކުރާ އެއްވެސް އުސޫލެއް ގަވާއިދެއް ނޯންނަ ކަމަށާއި އޭގެ ސަބަބުން ހިތާމަވެރި އެތައް ހާދިސާއެއް ހިނގާފައިވާ ކަމަށެވެ.

މިކަންކަމާ ގުޅިގެން ފެހުރިހި ހިމާޔަތް ކުރުމަށް މީގެ ކުރިންވެސް ގަވާއިދެއް ހަދާފައިވާނެ ކަމަށާއި މިހާރު މަސައްކަތް ކުރަނީ އިތުރު ގަވާއިދެއްގެ ދަށުން ބުރަފަތި ގާޑު މަޖުބޫރުކުރުވުމަށް ކަމަށްވެސް އޭނާ ވިދާޅުވި އެވެ.

Advertisement

"އިތުރު ގަވާއިދެއް އަންނާނެ މި ގާޑު އެޅުވުމުގެ. ލޯންޗުގަ އިންނަ ބުރަފަތީގަ ގާޑު އަޅުވައިގެން ނޫނީ އެ ހިސާބަށް އެތެރެ ނުވަދެވޭނެ ކަމަށް. އެވެސް ކުރިއަށް އޮތް ތިން މަސް ދުވަހުގެ ތެރޭގަ އެކަންތައްތައް އިމްޕްލިމެންޓު ވެގެންދާނެ،" ތޯރިގު ވިދާޅުވި އެވެ.

ބޮޑެތި ބޯޓު ފަހަރަށް ވެސް މި ގަވާއިދުގެ ދަށުން ގާޑު އެޅުވުމުގައި ކަންކުރާނެ ގޮތް އޮންނާނެ ކަމަށާއި ފެހުރިހި ބަލަންދާ އުޅަނދުތަކުގައި މަސައްކަތްކުރާ މީހުން ހާއްސަ ތަމްރީނެއް ހެދުމަށް ލާޒިމުކުރެވިގެންދާނެ ކަމަށް ވެސް މިނިސްޓަރު ވިދާޅުވި އެވެ.

މި ގަވާއިދުގެ ދަށުން އެންމެ ބޮޑު ސަމާލުކަމެއް ދޭނީ ރާއްޖޭގައި ހިމާޔަތްކޮށްފައިވާ ސަރަހައްދުތަކުގެ ތެރެއިން އެންމެ ގިނައިން ފެހުރިހި ފެންނަ އދ. އަތޮޅުގައި ހިމާޔަތްކޮށްފައިވާ ސައުތު އަރި މެރިން ޕާކް (ސަމްޕާ) ސަރަހައްދަށް ކަމަށް ތޯރިގު ފާހަގަކުރެއްވި އެވެ.

"އެތަނަށް ގޮސް ވޭލް ޝާކެއްގެ ފަހަތުން 100 ގެސްޓުން ވެސް އެބަ ފަތާ. އެއަކު ނޯވޭ ވަކި އުސޫލެއް. އެތާ އެތެރަށް ގެސްޓުން ފަތަފަތާ ތިއްބާ ލޯންޗު ވެސް ވަންނަނީ. ބޮޑެތި ސަފާރީ ވެސް ވަންނަނީ. އެ މީހުން ބަލަހައްޓާނެ ބަޔަކު ނޯވޭ،" އޭނާ ވިދާޅުވި އެވެ.

މިހެން މިކަން އޮތޮމުގެ ސަބަބުން މި ފަހުން ވެސް ދެ ހާދިސާއެއްގެ ދެ ފަތުރުވެރިއެއްގެ ފުރާނަ ގެއްލިފައިވާކަން އޭނާ ފާހަގަކުރެއްވި އެވެ.

މިފަދަ ހާދިސާއެއްގައި އެންމެ ފަހުން މަރުވީ އާޖެންޓީނާއަށް ނިސްބަތްވާ 55 އަހަރުގެ ފިރިހެނެކެވެ. އޭނާ ގައިގައި ލޯންޗަކުން ޖެހުނީ އދ. ގައި އޮންނަ ރެޑިސަން ބްލޫ މޯލްޑިވްސް ރިސޯޓު ބޭރަށް މޫދަށް އެރި އުޅެނިކޮށެވެ.

މީގެ އިތުރުން، ފެހުރިއްސާ ބެހޭ ދިރާސާއެއް ހެދުމަށް އައިސް އުޅުނު ސިންގަޕޫރްގެ ޓީމެއްގައި ހިމެނޭ 15 އަހަރުގެ ކުއްޖަކުވެސް ދޯންޏެއްގެ ބުރަފައްޗަކުން ޖެހި މަރުވި އެވެ. އދ. ދިގުރަށް ކައިރިން ހިނގި މި ހާދިސާގައި އެ ކުއްޖާ މަރުވީ މިދިޔަ އަހަރުގެ ނޮވެމްބަރުގަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox