ޔޫތު މިނިސްޓަރުގެ މަގާމުން އިބްރާހިމް ވަހީދު (އަސްވާޑު) އާއި ޓޫރިޒަމް އަދި އެންވަޔަރަމަންޓް މިނިސްޓަރު އިސްތިއުފާ ދެއްވައިފި އެވެ.
އަދަދު އަށް އެކި މަސްދަރުތަކުން ޔަގީންކުރެވިފައިވާ ގޮތުގައި އަސްވާޑު އާއި ތޯރިގު އިސްތިއުފާ ދެއްވީ މިއަދު އެވެ.
ކެބިނެޓުން މިއަދު އަސްވާޑާއި ތޯރިގާއެކު ޖުމްލަ އަށް މިނިސްޓަރަކު މަގާމުން އިސްތިއުފާ ދެއްވާފައިވެ އެވެ. އެ މިނިސްޓަރުން މަގާމުން އިސްތިއުފާ ދެއްވި ސަބަބެއް މިހާތަނަށް އެނގިފައެއް ނުވެ އެވެ.
އިސްތިއުފާ ދެއްވި މިނިސްޓަރުން:
- ފޮރިން މިނިސްޓަރު ޑރ. އަބްދުﷲ ހަލީލް
- ސޯޝަލް އެންޑް ފެމިލީ ޑިވެލޮޕްމަންޓު މިނިސްޓަރު ޑރ. އައިޝަތު ޝިހާމް
- ޑިފެންސް މިނިސްޓަރު ގައްސާން މައުމޫން
- ލޯކަލް ގަވަމެންޓް މިނިސްޓަރު އާދަމް ޝަރީފް
- ހެލްތު މިނިސްޓަރު އަބްދުالله ނާޒިމް
- އެގްރިކަލްޗާ މިނިސްޓަރު މަރިޔަމް މާރިޔާ
- ޓޫރިޒަމް މިނިސްޓަރު ތޯރިގު އިބްރާހިމް
- ޔޫތު މިނިސްޓަރު އިބްރާހިމް ވަހީދު (އަސްވާޑު)
- ހަޔާ އެޑިއުކޭޝަން މިނިސްޓަރު އަލީ ހައިދަރު
- ދިވެހި ބަހުގެ މިނިސްޓަރު އާދަމް ނަސީރު
މީގެއިތުރުން އިތުރު މިނިސްޓަރުންތައް ވެސް މަގާމުން އިސްތިއުފާ ދެއްވާފައިވާ ކަމަށް މައުލޫމާތު ލިބިފައިވެ އެވެ. ނަމަވެސް އެއީ ކޮން މިނިސްޓަރުންނެއް ކަމެއް މިހާތަނަށް ޔަގީންކުރެވިފައެއް ނުވެ އެވެ.
ސަރުކާރުގެ މިނިސްޓަރުންތައް މިއަދު ވަކިކޮށްފައި މިވަނީ ނިމިދިޔަ ލޯކަލް ކައުންސިލް އިންތިހާބުގައި ސަރުކާރު ހިންގާ ޕީއެންސީ ބޮޑު ނާކާމިޔާބީއަކާ ކުރިމަތިލާފައި ވަނިކޮށެވެ. ކައުންސިލް އިންތިހާބާއެކު ނެގި ފެންނަ ނުފެންނަ ވޯޓުން ވެސް ސަރުކާރުން ހުށަހެޅި ދެ އިންތިހާބު އެއްކޮށްލުމާ ގުޅޭ ހުށަހެޅުމަށް ވެސް ބޮޑުތަނުން ވަނީ ނޫނެކޭ ބުނެފަ އެވެ.
