ގޯލްޑަން ފުޓްސަލް ޗެލެންޖް 2025 ގެ ހދ. އަތޮޅުގެ ސެމީ ފައިނަލުން ނޭކުރެންދޫ އާއި ނައިވާދޫން ދަތުރުކޮށްފި އެވެ.
ގްރޫޕް ސްޓޭޖުގައި، ނައިވާދޫން ކުޅުނު ތިން ވަނަ މެޗުގައި ނެއްލައިދޫ އަތުން މޮޅުވީ 6-1 ގެ ނަތީޖާ އަކުންނެވެ. މި މެޗުގައި ނައިވާދޫގެ ކެޕްޓަން އަބްދުالله ޝާފިއު (ޝާއްޕެ) އަދި ޔާމީން މުހައްމަދު (ޔާންޓެ) ވަނީ ދެ ގޯލު ޖަހާފަ އެވެ. މީގެ އިތުރުން މުހައްމަދު ޝާއިން އަދި ޔާނިއު މުހައްމަދު ފާއިޒް ވަނީ ގޯލެއް ޖަހާފަ އެވެ.
މި ގްރޫޕްގެ އަނެއް މެޗުގައި، ކުމުންދޫ އިން ނޮޅިވަރަންގެ މައްޗަށް ކުރިހޯދީ 3-0 ގެ ނަތީޖާއަކުންނެވެ. މި މެޗުގެ 19 ވަނަ މިނެޓުގައި ކުމުންދޫ އަށް ލީޑު ނަގާދިނީ މުހައްމަދު ޝަރީފް ޖެހި ގޯލުންނެވެ. އަދި ދެވަނަ ހާފު ފަށައިގެން މިނެޓެއްގެ ތެރޭގައި ޝަރީފް ވަނީ އިތުރު ގޯލެއް ޖަހާ އެ ޓީމުގެ ލީޑު ފުޅާކޮށްދީފަ އެވެ. ކުމުންދޫގެ ތިންވަނަ ގޯލު ދެވަނަ ހާފުގެ 12 ވަނަ މިނެޓުގައި އެ ޓީމަށް ޖަހާދިނީ ކެޕްޓަން ފަހުމާން އަބްދުލް ހަމީދު އެވެ.
މި ނަތީޖާތަކާ އެކު ހދ. އަތޮޅުގެ ގްރޫޕް ދޭއްގެ އެއް ވަނައިގައި ނައިވާދޫ އޮތީ ކުޅުނު ތިން މެޗުން ތިން ޕޮއިންޓް ހޯދައިގެންނެވެ. ދެ ވަނައިގައި އޮތް ކުމުންދޫ އަށް ތިން މެޗުން ހަތް ޕޮއިންޓް ވަނީ ލިބިފަ އެވެ. ތިން ވަނައިގައި އޮތް ވައިކަރަދޫ އަށް ތިން މެޗުން ލިބެނީ ހަތަރު ޕޮއިންޓެވެ. ހަތަރު ވަނައިގައި އޮތް ނޮޅިވަރަން އަށް ވަނީ ތިން މެޗުން ތިން ޕޮއިންޓް ލިބިފަ އެވެ. ފުލުގައި އޮތް ނެއްލައިދޫން ހަތަރު މެޗު ކުޅުނުއިރު، ޕޮއިންޓެއް ނުލިބި ވަނީ ކަޓައިފަ އެވެ.
ހދ. އަތޮޅު ގްރޫޕް އޭގައި، ރޭ ނޭކުރެންދޫ އިން ވަނީ ނޮޅިވަރަންފަރުގެ މައްޗަށް 5-1 ގެ ނަތީޖާއަކުން ކުރިހޯދައިފަ އެވެ. މި މެޗުގައި ނޭކުރެންދޫގެ ގޯލުތައް އެ ޓީމަށް ޖަހާދިނީ މުހައްމަދު ރާއިފް ފަޒީލް, މުހައްމަދު އަބާން އިމްރާން އަދި މުހައްމަދު ވިލްފް އެވެ. ނޭކުރެންދޫން ދެން ޖެހި ދެ ގޯލަކީ ނޮޅިވަރަންފަރުގެ ކެޕްޓަން އިބްރާހީމް ވަހީދު ހަސަން (އިއްބެ) އާއި އަކުރަމް އަބްދުލް ރަޝީދު އަތުން ބައިކޮޅަށް ވަން ދެ ގޯލެވެ. ނޮޅިވަރަންފަރުގެ ހަމައެކަނި ގޯލު ޖަހާދިނީ އަކްރަމް އެވެ.
މި ގްރޫޕްގެ އަނެއް މެޗުގައި، މަކުނުދޫ އިން ވަނީ ފިނޭއާ އެއްވަރުކޮށް ސެމީގެ އުންމީދުއާކޮށްފަ އެވެ. މި މެޗު އެއްވަރުވީ 1-1 ގެ ނަތީޖާއަކުންނެވެ.
މި މެޗުގެ 11 ވަނަ މިނެޓުގައި ފިނޭގެ އަލީ މިސްބާހް ގޯލު ޖަހާ ލީޑުނެގި އެވެ. އެކަމަކު ދެ ވަނަ ހާފުގެ 32 ވަނަ މިނެޓުގައި ފިނޭގެ ކީޕަރު އަލީ ޝާހިލް ހެދި ގޯހެއްގެ ފައިދާ ނަގާ މަކުނުދޫގެ ހުޝާމް އިބްރާހީމް ވަނީ ގޯލު ޖަހާ ނަތީޖާ ހަމަހަމަ ކޮށްފަ އެވެ.
މި ނަތީޖާތަކާ އެކު ނޭކުރެންދޫ ގްރޫޕްގެ އެއް ވަނައިގައި އޮތީ ތިން މެޗުން ނުވަ ޕޮއިންޓް ހޯދައިގެންނެވެ. ދެ ވަނައިގައި އޮތް މަކުނުދޫ އަށް ތިން މެޗުން ފަސް ޕޮއިންޓް ވަނީ ލިބިފަ އެވެ. ނޮޅިވަރަންފަރަށް ހަތަރު މެޗުން ހަތަރު ޕޮއިންޓް ލިބިފައިވާއިރު، ފިނޭ އަށް ވަނީ ތިން މެޗުން ދެ ޕޮއިންޓް ލިބިފަ އެވެ. ފުލުގައި އޮތް ހަނިމާދޫ އަށް ތިން މެޗުން ލިބުނީ އެއް ޕޮއިންޓެވެ.
ގޯލްޑަން ފުޓްސަލް ޗެލެންޖުގައި މިއަދު ހަވީރާއި މިރޭ ކުޅޭ މެޗުތައް:
16:00: ތ. ތިމަރަފުށި - ތ. ވިލުފުށި
16:00: ތ. ދިޔަމިގިލި - ތ. އޮމަދޫ
17:00: ތ. ހިރިލަންދޫ - ތ. ކަނޑޫދޫ
17:00: ތ. ގާދިއްފުށި - ތ. ވޭމަންޑޫ
----------------------------------------
20:00: ގއ. ދާންދޫ - ގއ. ގެމަނަފުށި
20:00: ގއ. ނިލަންދޫ - ގއ. ކަނޑުހުޅުދޫ
21:00: ގއ. ކޮލަމާފުށި - ގއ. ވިލިނގިލި
21:00: ގއ. ދެއްވަދޫ - ގއ. މާމެންދޫ
22:00: ރ. މަޑުއްވަރީ - ރ. ރަސްގެތީމު
22:00: ރ. ދުވާފަރު - ރ. މީދޫ
23:00: ލ. ގަން - ލ. މާބައިދޫ
23:00: ލ. ކަލައިދޫ - ލ. އިސްދޫ
