ގޯލްޑެން ފުޓްސަލް ޗެލެންޖް 2025 ގެ ހދ. އަތޮޅު ބުރުގައި ރޭ ކުޅުނު މެޗުތަކުން ނައިވާދޫ، ވައިކަރަދޫ، ނޭކުރެންދޫ އަދި ނޮޅިވަރަންފަރުން މޮޅެއް ހޯދައިފި އެވެ.
ހދ. އަތޮޅުގެ ގްރޫޕް ދޭއްގައި ވައިކަރަދޫ އާއި ނެއްލައިދޫ ބައްދަލުކުރި މެޗު ވައިކަރަދޫ އިން ކާމިޔާބުކުރީ 2-1 ގެ ނަތީޖާ އަކުންނެވެ.
މި މެޗުގެ ފަސް ވަނަ މިނެޓުގައި ނެއްލައިދޫ އިން ލީޑު ނެގީ އަހުމަދު ރީހާން ޖެހި ގޯލުންނެވެ. އެކަމަކު އޭގެ ދެ މިނެޓު ފަހުން ވައިކަރަދޫގެ އަލީ އަބްދުالله ޖެހި ގޯލުން އެ ޓީމުން ނަތީޖާ ހަމަހަމަކުރި އެވެ. ވައިކަރަދޫ އަށް ލީޑު ނަގައިދިނީ ދެ ވަނަ ހާފުގެ ހަވަނަ މިނެޓުގައި އަހުމަދުالله މުހައްމަދު ޖެހި ގޯލުންނެވެ.
މި ގްރޫޕުގައި ނައިވާދޫ އިން ނޮޅިވަރަންގެ މައްޗަށް ކުރިހޯދީ 5-1 ގެ ނަތީޖާ އަކުންނެވެ.
މި މެޗުގައި ފުރަތަމަ ގޯލު ޖަހާ ލީޑު ނެގީ ނޮޅިވަރަމުންނެވެ. މެޗުގެ އަށް ވަނަ މިނެޓުގައި މި ގޯލު އެ ޓީމަށް ޖަހާދިނީ ޝާފިއު މުހައްމަދު އެވެ. އެކަމަކު، އޭގެ ދެ މިނެޓު ފަހުން އަބްދުالله ވިސާމް ވަނީ ގޯލު ޖަހާ ނައިވަދޫ އަށް ނަތީޖާ ހަމަހަމަ ކޮށްދީފަ އެވެ. އަދި ދެ ވަނަ ހާފު ފަށައިގެން ފަސް ވަނަ މިނެޓުގައި ނައިވާދޫ އަށް ލީޑު ނަގައިދިނީ އިސްމާއިލް ވަހީދު ޖެހި ގޯލުންނެވެ. އަދި އޭގެ ދެ މިނެޓު ފަހުން އަހުމަދު ހަމީދު ވަނީ ނައިވާދޫގެ ލީޑު ފުޅާކޮށްދީފަ އެވެ. ނައިވާދުގެ ހަތަރު ވަނަ ގޯލު ދެވަނަ ހާފުގެ 15 ވަނަ މިނެޓުގައި އެ ޓީމަށް ޖަހާދިނީ އިސްމާއިލް އެވެ. އަދި އެ ޓީމުގެ ފަހު ގޯލު މެޗުގެ ފަހު ވަގުތުކޮޅު ޖަހާދިނީ އަބްދުالله ޝާފިއު (ޝާއްޕެ) އެވެ.
މި ގްރޫޕުގެ އެއް ވަނައިގައި ނައިވާދޫ އޮތީ ދެ މެޗުން ހަ ޕޮއިންޓާ އެކު އެވެ. ދެ ވަނައިގައި އޮތް ކުމުންދޫ އާއި ތިން ވަނައިގައި އޮތް ވައިކަރަދޫ އަށް ވަނީ ހަތަރު ޕޮއިންޓް ލިބިފަ އެވެ. ނޮޅިވަރަން ތިން ޕޮއިންޓް ހޯދައިފައިވާއިރު، ނެއްލައިދޫ އަށް އަދި ޕޮއިންޓެއް ނުލިބެ އެވެ.
ނޭކުރެންދޫ ޓީމުގެ ފަރުއްކޮ ލަނޑު ޖެހުމަށް ފަހު އުފާފާޅުކުރަނީ.--- ފޮޓޯ: އިމޭޖަސް،އެމްވީ
ހދ. އަތޮޅުގެ ގްރޫޕް އެކެއްގައި ނޮޅިވަރަންފަރުން ހަނިމާދޫޣެ މައްޗަށް ކުރިހޯދާ ވަނީ ފުރަތަމަ މޮޅު ހޯދައިފަ އެވެ. މި މެޗު ނޮޅިވަރަންފަރުން ކާމިޔާބުކުރީ 1-0 ގެ ނަތީޖާ އަކުންނެވެ. މި މެޗުގައި ފެނިގެންދިޔަ ހަމައެކަނި ގޯލު މެޗުގެ 28 ވަނަ މިނެޓުގައި ކާމިޔާބު ކުރީ އާދަމް ސައީދު އެވެ.
މި ގްރޫޕްގައި ނޭކުރެންދޫ އިން ވަނީ ފިނޭގެ މައްޗަށް 3-0 ގެ ނަތީޖާ އަކުން ކުރިހޯދައިފަ އެވެ.
މި މެޗުގައި ފެނިގެންދިޔަ ތިން ގޯލު ވެސް ފެނިގެންދިޔައީ މެޗުގެ ދެ ވަނަ ހާފުގަ އެވެ. ނޭކުރެންދޫ އަށް މެޗުގައި ލީޑު ނަގައިދިނީ މުހައްމަދު ފަރުހާން (ފަރުއްކޮ) ޖެހި ގޯލުންނެވެ. އަދި ދެ ވަނަ ހާފުގެ އަށް ވަނަ މިނެޓުގައި ނޭކުރެންދޫގެ ލީޑު ފުޅާކޮށްދިނީ މުހައްމަދު ވިލްފް ޖެހި ގޯލުންނެވެ. ނޭކުރެންދޫގެ ފަހު ގޯލު ވެސް ޖަހާދިނީ މެޗުގައި މޮޅު ކުޅުމެއް ދެއްކި ފަރުހާން އެވެ.
މި ގްރޫޕުގެ އެއް ވަނައިގައި ނޭކުރެންދޫ އޮތީ ހަ ޕޮއިންޓާ އެކު އެވެ. ދެ ވަނައިގައި އޮތް މަކުނުދޫ އަށް ވަނީ ހަތަރު ޕޮއިންޓް ލިބިފަ އެވެ.. ތިން ވަނައިގައި އޮތް ނޮޅިވަރަންފަރަށް ވެސް ވަނީ ހަތަރު ޕޮއިންޓް ލިބިފަ އެވެ.
ގޯލްޑަން ފުޓްސަލް ޗެލެންޖުގައި މިއަދު ހަވީރާއި މިރޭ ކުޅޭ މެޗުތައް:
16:00: އދ. ދަނގެތި - އދ. ހަންޏާމީދޫ
16:00: އދ. މަންދޫ - އދ. މަހިބަދޫ
17:00: ރ. އަލިފުށި - ރ. ރަސްގެތީމު
17:00: ރ. ދުވާފަރު - ރ. އިނގުރައިދޫ
----------------------------------------
20:00: ކ. މާފުށި - ކ. ގާފަރު
20:00: ކ. ހިންމަފުށި - ކ. ދިއްފުށި
21:00: ކ. ތުލުސްދޫ - ކ. ގުޅި
21:00: ކ. ގުރައިދޫ - ކ. ކާށިދޫ
22:00: ތ. ވިލުފުށި - ތ. ކިނބިދޫ
22:00: ތ. ތިމަރަފުށި - ތ. ދިޔަމިގިލި
23:00: ތ. ހިރިލަންދޫ - ތ. ބުރުނި
23:00: ތ. ކަނޑޫދޫ - ތ. ގާދިއްފުށި
