ގޯލްޑަން ފުޓްސަލް ޗެލްންޖް 2025 ގައި އދ. އަތޮޅުގެ ފުރަތަަމަ މެޗުތަކުން މޮޅުވެ، މަންދޫ އާއި ދަނގެތިން ފެށުން ރަނގަޅު ކޮށްފި އެވެ.
އިއްޔެ ހަވީރު މި މުބާރާތުގައި އދ. އަތޮޅުގެ ފުރަތަމަ މެޗުތައް ކުޅުނުއިރު, މަންދޫ އިން އޮމަދޫގެ މައްޗަށް ކުރިހޯދީ 3-2 ގެ ނަތީޖާ އަކުންނެވެ. މި މެޗުގެ ފަސް ވަނަ މިނެޓުގައި މަންދޫ އަށް ލީޑު ނަގާދިނީ ކެޕްޓަން އާދަމް އާޒިމް އެވެ. އަދި މެޗުގެ 12 ވަނަ މިނެޓުގައި މަންދޫގެ ލީޑު ފުޅާކޮށްދިނީ އިބްރާހީމް އިމްރާން (އިންމި) އެވެ. އެކަމަކު، ފުރަތަމަ ހާފު ނިމުމުގެ ކުރިން އޮމަދޫގެ އިބްރާހީމް ޝަހުދު އާއި އަހުމަދު ތޯހިރު ޖެހި ގޯލުތަކުން އެއްވަރު ކުރި އެވެ.
މެޗުން މަންދޫ މޮޅުކޮށްދިން ގޯލު ދެ ވަނަ ހާފުގެ 10 ވަނަ މިނެޓުގައި އެ ޓީމަށް ޖަހާދިނީ، މޮޅު ކުޅުންތެރިޔާގެ މަގާމު ހޯދި އިންމި އެވެ.
މި އަތޮޅުގައި ދަނޑެތިން ކުނބުރުދޫގެ މައްޗަށް ކުރިހޯދީ 3-0 ގެ ނަތީޖާ އަކުންނެވެ. މި މެޗުގެ 12 ވަނަ މިނެޓުގައި ދަނގެއްޗަށް ލީޑު ނަގާދިނީ މުހައްމަދު ނާއިމް ޖަހާދިން ގޯލުންނެވެ. އަދި މެޗުގެ 17 ވަނަ މިނެޓުގައި ނާއިމް ވަނީ އިތުރު ގޯލެއް ޖަހާ އެ ޓީމުގެ ލީޑު ފުޅާކޮށްދީފަ އެވެ.
ދަނގެތިން ކާމިޔާބުކުރި ތިން ވަނަ ގޯލު ދެ ވަނަ ހާފުގެ 13 ވަނަ މިނެޓުގައި އެ ޓީމަށް ޖަހާދިނީ މުހައްމަދު ޝާއިފް ޝާމިރު އެވެ.
މި ފަހަރުގެ ގޯލްޑަން ފުޓްސަލް ޗެލެންޖުގައި އދ. އަތޮޅުން ހަ ޓީމެއް ވާދަކުރާއިރު، މި ޓީމުތައް ވަނީ ދެ ގްރޫޕަކަށް ބަހާލައިފަ އެވެ. އެއީ ގްރޫޕެއްގައި ތިން ޓީމު ހިމެނޭ ގޮތަށެވެ.
މިއަދާއި މިރޭ ކުޅޭ މެޗުތައް:
16:00: އއ. ތޮއްޑޫ - އއ. ހިމަންދޫ
16:00: އއ. އުކުޅަސް - އއ. މަތިވެރި
17:00: އއ. ފެރިދޫ - އއ. ރަސްދޫ
17:00: އއ. މާޅޮސް - އއ. ބޮޑުފޮޅުދޫ
-------------------------------------
20:00: މ. ކޮޅުފުށި - މ. މުލި
20:00: -
21:00: ސ. ފޭދޫ - ސ. މަރަދޫފޭދޫ
21:00: ސ. ހިތަދޫ - ސ. މަރަދޫ
22:00: ފ. ނިލަންދޫ - ފ. ދަރަނބޫދޫ
22:00: ފ. ބިލެއްދޫ - ފ. މަގޫދޫ
23:00: ގދ. ތިނަދޫ - ގދ. މަޑަވެލި
23:00: ގދ. ފިޔޯރީ - ގދ. ވާދޫ
