ހިޔާ ފްލެޓް ލިބުނު ސިފައިންނަށް ނުދޭން ނިންމި ސިފްކޯގެ ފްލެޓުތައް ދީފި

ހުޅުމާލޭގައި ހުންނަ ސިފްކޯ ފްލެޓުތައް -- ފޮޓޯ: އަދަދު ފައިލް

ހުޅުމާލޭގައި ހުންނަ ސިފްކޯ ފްލެޓުތައް -- ފޮޓޯ: އަދަދު ފައިލް

ކުރީގެ ރައީސް ޔާމީނުގެ ވެރިކަމުގައި ހުޅުމާލޭގެ ދެވަނަ ފިޔަވަހީގައި އިމާރާތް ކުރި ހިޔާ ފްލެޓުތަކުން ފްލެޓު ލިބިފައި އޮތް ސިފައިންގެ ދެމީހަކަށް، ސިފައިންގެ ކޯޕަރޭޓިވް (ސިފްކޯ) ގެ ފްލެޓު ނުދޭން ނިންމި ނިންމުން ބަދަލުކޮށް އެ ދެ މީހުންނަށް ފްލެޓުތައް ހަވާލުކޮށްފި އެވެ.

ސިފްކޯއިން ހުޅުމާލޭގައި އިމާރާތް ކުރި 300 ހައުސިން ޔުނިޓުން ފްލެޓު ލިބޭނެކަމަށް އޮކްޓޫބަރު 11، 2014 ގައި އެންގުމަށް ފަހު، ހިޔާގެ ފްލެޓު ލިބިފައިވާ ކަމަށް ބުނެ ފްލެޓު ނުދޭން ސިފްކޯއިން ނިންމީ ޔޫސުފް ނިޝާރު، ހ. ތުލްޒާ އާއި އިސްމާއީލް މުއާޒު، މއ. ހަލްކާ އަށެެވެ.

އެ ދެމީހުންނަށް ސިފްކޯގެ ފްލެޓު ނުދޭން އެ ކުންފުނިން ނިންމިއިރު، އެ ދެމީހުން ވެސް އޮތީ ސިފްކޯގެ ފްލެޓަށް ދައްކަންޖެހޭ ޑައުންޕޭމަންޓު ފައިސާ ދައްކައިފަ އެވެ.

Advertisement

އެގޮތުން, ސިފްކޯގެ ފްލެޓަށް ޑައުންޕޭމަންޓުގެ ގޮތުގައި މުއާޒު 95،000ރ. އަދި ނިޝާރު 91،200ރ. ދައްކާފައިވެ އެވެ.

އެހެންކަމުން އެ ދެ މީހުން ވެސް ސިފްކޯގެ ނިންމުމާ ދެކޮޅަށް ސިވިލް ކޯޓުގައި ދައުވާ ކުރީ ސިފްކޯއިން ކުރިން ނިންމި ގޮތަށް ސިފްކޯއިން އެ ދެމީހުންނަށް ލިބުނު ފްލެޓުތައް ހަވާލު ކުރުމަށް ސިފްކޯގެ މައްޗަށް އަމުރެއް ނެރެދިނުމަށެވެ.

ސަބަބެއްގެ ގޮތުގައި އެ ދެމީހުންގެ ދައުވާގައި ވެސް ބުނެފައި ވަނީ ހިޔާ ފްލެޓުތަކަކީ ސިފްކޯގެ ފްލެޓުތައް ދޫކުރިއިރު ވުޖޫދުގައި ނެތް ފްލެޓުތަކަކަށްވެފައި، އެ ދެމީހުން ސިފްކޯގެ ފްލެޓަށް އެދި ހުށަހެޅިއިރު ވެސް އަދި ސިފްކޯގެ ފްލެޓު ލިބޭނެކަން އެމީހުންނަށް އެންގިއިރު ވެސް ހިޔާގެ ފްލެޓުތައް އެމީހުންނަށް ލިބިފައި ނުވުމެވެ.

ނަމަވެސް ކޯޓުން އެ މައްސަލައާ ގުޅިގެން ހުކުމަކާ ހަމައަށް ވާސިލުވުމުގެ ކުރިން ސިފްކޯއިން ވަނީ ކޯޓުން ބޭރުގައި ސިފްކޯގެ ފްލެޓު އެ ދެމީހުންނާ ވެސް ހަވާލުކޮށްފަ އެވެ. އެހެންކަމުން އެ ދެމީހުން ވެސް ވަނީ ސިފްކޯއާ ދެކޮޅަށް ސިވިލް ކޯޓުގައި ކުރި ދައުވާ އަނބުރާ ގެންދަން ހުށަހަޅައިފަ އެވެ.

ސިވިލް ކޯޓުން އިއްޔެ ކުރި ހުކުމުގައި ބުނެފައި ވަނީ ސިފްކޯއިން އެ ދެމީހުން ވެސް ހޯދަން އެދުނު ފްލެޓު ސުލްހަވެރިކަމާއެކު ހަވާލުކޮށްފައި ވާތީ، މައްސަލަ އަނބުރާ ގެންދިޔުމަށް ހުށަހެޅި ހުށަހެޅުމަށް ރިއާއަތްކޮށް ދައުވާ ފޯމުތައް ބާތިލު ކޮށްފައިވާ ކަމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox