އާ އަހަރު ފެށުމާ ދިމާކޮށް، ބޭންކް އޮފް މޯލްޑިވްސް (ބީއެމްއެލް) ފަސް ދުވަހަށް ބަންދުކުރަން ނިންމައިފި އެވެ.
ބޭންކުން ސޯޝަލް މީޑިއާގައި ކުރި ޕޯސްޓެއްގައި ބުނީ، ޑިސެމްބަރު 31، އިން ފެށިގެން ޖެނުއަރީ 5، 2025 އާ ހަމައަށް ސާވިސް ސެންޓަރުތަކާއި ބްރާންޗުތައް އަދި މައި އޮފީސް ބަންދުވާނެ ކަމަށެވެ. މިއީ ކޮންމެ އަހަރެއް ނިމި އާ އަހަރު ފެށުމާ ގުޅުވާ ބޭންކުން ނަގާ ބަންދެކެވެ.
މި ފަސް ދުވަހު އޮފީސްތައް ބަންދުވި ނަމަވެސް، އޭޓީއެމްތަކާއި އިންޓަނެޓު ބޭންކިން އަދި ކޯލް ސެންޓަރު މެދުވެރިކޮށް ކަސްޓަމަރުންނަށް ހިދުމަތް ދެވިގެންދާނެ ކަމަށް ބީއެމްއެލް އިން ބުނެ އެވެ.
ބީއެމްއެލް އަކީ މިވަގުތު ރާއްޖޭގެ އެންމެ ގިނަ މީހުން ހިދުމަތް ހޯދަމުންދާ ބޭންކެވެ.
