ވަގަށް ވިއްކާލި ގޯތިތަކުގެ އެއްބަސްވުންތައް ފޯޖުކޮށްފައި، އެއްވެސް އެއްބަސްވުމެއްގައި ނޯޓަރީ ސްޓޭމްޕެއް ނެތް!

ކުރީ ސަރުކާރުން 'ބިންވެރިޔާ' ސްކީމުގެ ދަށުން ދޫކުރި ގޯތިތަކުގެ އެއްބަސްވުމާއި، ވަގަށް ވިއްކި ގޯތީގެ އެއްބަސްވުން

ކުރީ ސަރުކާރުން 'ބިންވެރިޔާ' ސްކީމުގެ ދަށުން ދޫކުރި ގޯތިތަކުގެ އެއްބަސްވުމާއި، ވަގަށް ވިއްކި ގޯތީގެ އެއްބަސްވުން

މާލޭ ރަށްވެހިންނަށް ގޯތި ދޭން ހިންގި "ބިންވެރިޔާ" ސްކީމުގެ ދަށުން ގޯތި ނުލިބޭ ބަޔަކަށް ވަގަށް ގޯތި ދޫކޮށްފައި ހުރީ އެއްބަސްވުން ނަކަލުކޮށްގެންކަން ހާމަވެއްޖެ އެވެ.

ވަގަށް ގޯތި ދޫކޮށްފައި ހުރި ބައެއް އެއްބަސްވުންތައް ސޯޝަލް މީޑިއާގައި އާންމުވެފައި އޮތްއިރު، އެއިން އެއްވެސް އެއްބަސްވުމެއްގައި ވަކީލުންގެ ނޯޓަރީ ސްޓޭމްޕެއް ނެތެވެ. ނިމިދިޔަ ސަރުކާރުން މި ގޯތިތައް ދޫކުރިއިރު އެކުލަވާލި އެއްބަސްވުން ނޯޓަރައިޒްކޮށްފައި އޮތުމަކީ އޭރުގެ އުސޫލުން ލާޒިމުކަމެކެވެ. އޭރު ގޯތި ހަވާލުކުރީ އެއްބަސްވުން ނޯޓަރައިޒްކުރުމުންނެވެ.

ނޯޓަރައިޒް ކުރެވޭނީ ގާނޫނީ ފަންނުގެ ގާނޫނުގެ ދަށުން ހުއްދަ ދީފައިވާ ވަކީލުންނަށެވެ. އޭރުގެ ސަރުކާރުން ގޯތި ދޫކުރުމުގެ އެއްބަސްވުން ނޯޓަރައިޒްކުރުމަށް ވަކީލުން ބޭނުންވެގެން އިއުލާނެއް ކުރި އެވެ. މިނިސްޓްރީގެ އެއްބަސްވުންތައް ނޯޓަރައިޒްކުރީ އެ އިއުލާނުގެ ދަށުން އަގު ހުށަހަޅައިގެން ބިޑު ކާމިޔާބުކުރި ވަކީލުންނެވެ. ނޯޓަރައިޒްކުރުމަކީ އުސޫލުގެ ދަށުން ލާޒިމުކަމަކަށް ވާތީ ނޯޓަރައިޒް ނުކުރާ އެއްބަސްވުންތަކަކީ އެ އުސޫލާ އެއްގޮތަށް ވެފައިވާ އެއްބަސްވުންތަކެއްކަމަށް ނުބެލެވޭނެ އެވެ.

ސަރުކާރުގެ އޮފިޝަލަކު 'އަދަދު' ނޫހަށް ކަށަވަރުކޮށްދީފައިވާ ގޮތުގައި، މި އެއްބަސްވުންތައް އެކުލަވާލާފައިވަނީ ހައުސިންގ މިނިސްޓްރީން ކުރިން އެ އެއްބަސްވުންތަކުގައި ސޮއިކުރި މުވައްޒަފުގެ ސޮއި ފޯޖުކޮށްގެންނެވެ. އަދި އެއްބަސްވުންތައް ތައްޔާރުކޮށްފައިވަނީ މާ ކުރީގެ ތާރީހަކަށެވެ. މިކަމާ ގުޅޭ އެންމެހައި ލިޔުންތައް ހުންނާނީ ދާދި ފަހުން އަލިފާނުގެ ހާދިސާގައި އަނދައިގެން ދިޔަ އިމާރާތުގެ ތެރޭގައި ކަމަށް ވެސް އޮފިޝަލް މައުލޫމާތު ދިނެވެ.

މި މުއާމަލާތްތަކާ ގުޅޭ މައުލޫމާތު އެނގޭ މީހަކު 'އަދަދު' ނޫހަށް ކަށަވަރުކޮށްދީފައިވާ ގޮތުގައި ގޯތި ނުލިބޭ މީހުންނަށް ވަގަށް ގޯތި ދޫކުރީ ސަރުކާރުގެ އިސްވެރިންނަށް މަންފާ ލިބޭ ގޮތަށެވެ. އެ މުއާމަލާތްތަކުގެ ފައިސާ އެކި ފަރާތްތަކުން ހޯދުމަށްވެސް ސަރުކާރުގެ އިސް މަގާމުތަކުގައި ތިބި މީހުން އަމަލީ ގޮތުން މަސައްކަތުގައި އުޅުނުކަމަށްވެސް އޭނާ ބުންޏެވެ.

"ބިންވެރިޔާ" ސްކީމުގެ ދަށުން ގޯތި ނުލިބޭ ބަޔަކަށް ވަގަށް ގޯތި ދޫކުރިކަން ފަޅާއެރުމުން ފުލުހުން ގެންދަނީ އެ މައްސަލަ ތަހުގީގު ކުރަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox