ލިވަޕޫލާއި އާސެނަލަށް ވެސް މޮޅުނުވެވުނު

Dec 14, 2024, 7:52 PM
ލިވަޕޫލާއި އާސެނަލަށް ވެސް މޮޅުނުވެވުނު

ލަންޑަން (ޑިސެމްބަރު 15) - އިނގިރޭސި ޕްރިމިއާ ލީގުގައި މިރޭ ކުޅުނު މެޗުތަކުން ލީގުގެ ރޭހުގައި އޮތް ލިވަޕޫލާއި އާސެނަލަށް މޮޅެއް ނުލިބި ނިންމާލަން ޖެހިއްޖެ އެވެ.

ލިވަޕޫލުން އަމިއްލަ ދަނޑުގައި މެޗުގެ ބޮޑުބައި ކުޅުންތެރިއަކު މަދުކޮށް ކުޅެން ޖެހުނުއިރު، ފުލަމްއާ އެއްވަރުވީ 2-2 އިންނެވެ. އާސެނަލުން އަމިއްލަ ދަނޑުގައި އެވަޓަންއާ ދެކޮޅަށް ކުޅުނު މެޗުން ވަނީ 0-0 އިން އެއްވަރުވެފަ އެވެ.

މި ނަތީޖާތަކަށް ފަހު، ލިވަޕޫލުން ލީގުގެ ކުރީގައި އޮތީ ފަސް ޕޮއިންޓުގެ ލީޑަކާ އެކު އެވެ. އެއީ 15 މެޗުން 36 ޕޮއިންޓާ އެކު އެވެ. ދެ ވަނައިގައި އޮތް ޗެލްސީ އަށް 15 މެޗުން 31 ޕޮއިންޓް ލިބިފައިވާއިރު، އެ ޓީމުން މާދަމާރޭ ބްރެންޓްފޯޑް އަތުން މޮޅުވެއްޖެނަމަ، ލިވަޕޫލަަށް ވުރެ އެއް މެޗު އިތުރަށް ކުޅެގެން އެ ޓީމާ ދެ ޕޮއިންޓަށް ގާތަށް ޖެހިލެވޭނެ އެވެ.

ތިން ވަނައިގައި އޮތް އާސެނަލަށް 16 މެޗުން ވަނީ 30 ޕޮއިންޓް ލިބިފަ އެވެ.

ލިވަޕޫލް ދަނޑުގައި ފުލަމް އިން އަންޑްރެއަސް ޕެރެއިރާގެ ގޯލުން ލީޑުނެގިއިރު، 16 ވަނަ މިިނިޓްގައި، ލިވަޕޫލްގެ އެންޑީ ރޮބަޓްސަން އަށް ވަނީ ރަތް ކާޑު ދައްކައި ފޮނުވާލައިފަ އެވެ. އެއް ކުޅުންތެރިއަކު މަދުކޮށް ކުޅެ، ދެ ވަނަ ހާފުގެ ކުރީކޮޅުގައި ކޯޑީ ގަކްޕޯ ވަނީ ބޮލުން ގޯލެއް ޖަހައި ލިވަޕޫލަށް އެއްވަރުކޮށްދީފަ އެވެ.

ބަދަލަކަށް ކުޅެން އަރައި ރޮޑްރީގޯ މުނީޒް ވަނީ ފުލަމް އަށް އަލުން ލީޑުނަގައިދީފަ އެވެ. ލިވަޕޫލަށް ދެ ވަނަ ފަހަރަށް އެއްވަރުކޮށްދިން ގޯލު ޖަހައިދިނީ އަނިޔާއިން ރިކަވާވެގެން އެނބުރި އައި ޑިއޯގޯ ޖޮޓާ އެވެ. ޖޮޓާ ކުޅުމަށް އެނބުރި މި އައީ 11 މެޗުގެ މެދުކެނޑުމަކަށް ފަހު އެވެ.

އާސެނަލް ދަނޑުގައި އެ ޓީމުން ފޮނުވާލި ގިނަ ހަމަލާތަކެއް އެވަޓަންގެ ގޯލުގައި ހުރި އިނގިރޭސި ގައުމީ ޓީމުގެ ގޯލްކީޕަރު ޖޯޑަން ޕިކްފޯޑް ވަނީ މަތަކޮށްފަ އެވެ. އޭގެ ތެރޭގައި ފުރަތަމަ ހާފުގައި މާޓިން އޮޑެގާޑް ޖެހި ބޯޅަ އާއި ދެ ވަނަ ހާފުގެ ކުރީކޮޅުގައި ބުކާޔޯ ސަކާ ފޮނުވާލި ހަމަލާ ހިމެނެ އެވެ.

ލީގުގައި މިރޭ ކުޅުނު އެހެން މެޗުތަކަށް ބަލާއިރު، ފުލުގައި އޮތް އިޕްސްވިޗް ޓައުނުން ވަނީ ފަހު ވަގުތު ގޯލު ޖަހައި، 2-1 އިން ވުލްވްސް ބަލިކޮށްފަ އެވެ. ރޫޑް ވެން ނިސްޓެލްރޫއީ ލެސްޓާއާ ހަވާލުވި ފަހުން އެ ޓީމު ފުރަތަމަ ފަހަރަށް ބަލިވީ ނިއުކާސަލް ޔުނައިޓެޑް އަތުން 4-0 އިންނެވެ. ނޮޓިންހަމް ފޮރެސްޓުން ވަނީ ފަހަތުން އަރައި 2-1 އިން އެސްޓަން ވިލާގެ މައްޗަށް ކުރިހޯދައިފަ އެވެ.

މި މޮޅާ އެކު، މެންޗެސްޓާ ސިޓީ ފަސް ވަނަ އަށް ވައްޓާލައި، ފޮރެސްޓުން ވަނީ ހަތަރަކަށް އަރައިފަ އެވެ. ފޮރެސްޓަށް 16 މެޗުން 28 ޕޮއިންޓް ލިބިފައިވާއިރު، ސިޓީ އަށް 15 މެޗުން ވަނީ 27 ޕޮއިންޓް ލިބިފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox