ތިން ބާރު ވަކިވެފައި އޮންނަ ވެރިކަމުގެ ނިޒާމަކަށް ފުރުސަތު ދޭން ޑިމޮކްރެޓްސްއިން ގޮވާލައިފި

ތިން ބާރު ވަކިވެފައި އޮންނަ ވެރިކަމުގެ ނިޒާމަކަށް ފުރުސަތު ދޭން ޑިމޮކްރެޓްސްއިން ގޮވާލައިފި

މިދިޔަ އެއް އަހަރު ދުވަހުގެ ތެރޭގައި ވެރިކަން ހިންގުމުގެ ބާރުން ބާރުތައް މުށުތެރެއަށް ލުމަށް ގިނަ މަސައްކަތްތަކެއް ކުރަމުންދާ ކަމަށް ބުނެ ދަ ޑިމޮކްރެޓްސްއިން ކަންބޮޑުވުން ފާޅުކޮށްފި އެވެ.

އިންސާނީ ހައްގުތައް އޭގެ މައްޗަށް ބިނާވެފައި ވަނީ ޑިމޮކްރަސީގެ އަސާސީ އުސޫލުތައް ކަމަށްވާ ބާރުތައް ވަކިވުމާއި, އެއް ބާރު އަނެއް ބާރުގެ މައްޗަށް ފާރަވެރިވުމާއި, ނޫސްވެރިކަމުގެ މިނިވަންކަން ފަދަ ކަންކަމުގެ މައްޗަށް ކަމަށް ބައިނަލްއަގުވާމީ ނޫސްވެރިންގެ ދުވަހުގެ މުނާސަބަތުގައި ދަ ޑިމޮކްރެޓްސްއިން ނެރުނު ބަޔާނުގައި ބުނެފައިވެ އެވެ.

އެ އުސޫލުތައް ދިވެހިން ކަށަވަރުކުރީ ހަމަކަމާއި އިންސާފުވެރިކަން އޮތް މުޖުތަމައުއެއްގެ ހުވަފެން ދެކުނު ދިވެހިންގެ ބުރަ މަސައްކަތްތަކުން ކަމަށް އެ ޕާޓީން ބުނެފައިވެ އެވެ. ނަމަވެސް, ސަރުކާރަށް އެއް އަހަރު ވެގެންދިޔައިރު އެ އުސޫލުތައް ބޮލާލައި ޖަހައި ބާރުތައް މަރުކަޒު ކުރަމުންދާ ކަމަށް ކަންބޮޑުވުމާ އެކު ޑިމޮކްރެޓުން ފާހަގަކޮށްފައިވެ އެވެ.

އެގޮތުން, ގާނޫނުއަސާސީގައި ހިމެނި އެންޓި ޑިފެކްޝަން މާއްދާތަކާއި ގައުމީ ތަރައްގީގެ އެންމެހާ ކަންކަން ހިންގުމުގެ ބާރު ރައީސުލްޖުމްހޫރިއްޔާއަށް ދިނުމަށް ގެންނަ ބަދަލުތަކާ މެދު އެ ޕާޓީން ކަންބޮޑުވުން ފާޅުކުރި އެވެ. އޭގެ އިތުރުން, ނޫސްވެރިކަމުގެ މިނިވަންކަމާއި ލާމަރުކަޒީ ގޮތުން އިދާރީ ދާއިރާތައް ހިންގުމަށް ހުރަސް އަޅަމުންދާ ކަމަށް ވެސް އެ ޕާޓީން ބުނެފައިވެ އެވެ.

ގާނޫނުއަސާސީގައި ބަޔާންކުރާ ތިން ބާރު ވަކިވެފައި އޮންނަ ވެރިކަމުގެ ނިޒާމަކަށް ފުރުސަތު ދިނުމަށް ޑިމޮކްރެޓުން ވަނީ ގޮވާލާފަ އެވެ. އެއާއެކު, މިނިވަން މުއައްސަސާތަކުގެ މިނިވަންކަން ޔަގީން ކުރުމާއި ނޫސްވެރިކަމާއި ޖަމިއްޔާ ޖަމާއަތްތައް ހިންގުމަށް ފުރުސަތު ދިނުމަށް ވެސް ވަނީ ގޮވާލާފަ އެވެ.

އިންސާނީ ހައްގުތައް ކަށަވަރު ކުރުމާއި ޑިމޮކްރަޓިކް ނިޒާމެއްގެ ތެރެއިން ވެރިކަން ކުރުމަކީ އަބަދުވެސް ފާރަވެރިވެ ތިބެން ޖެހޭ ކަންކަން ކަމަށް ވެސް އެ ޕާޓީން ބުނެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox