ނެޝަނަލް އިންޓެގްރިޓީ ކޮމިޝަން (އެންއައިސީ) ގެ މެންބަރުކަމަށް މަރިޔަމް އިންޝާ ފައިސަލް، ގ. ނޫރަންފިނި އައްޔަނު ކުރަން ފެންނަ ކަމަށް މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ނިންމައިފި އެވެ.
އެ ކޮމިޓީން އެގޮތަށް ނިންމީ އިންޝާއާ އިންޓަވިއު ކުރަން މިދިޔަ ބުދަ ދުވަހު ބޭއްވި ބައްދަލުވުމަށްފަހު އެ ވަގުތު ކޮމިޓީއަށް ހާޒިރުވެ ތިއްބެވި މެންބަރުންގެ އިއްތިފާހުގުންނެވެ.
އެންއައިސީގެ މެންބަރުކަމަށް އައްޔަނު ކުރުމަށް އިންޝާގެ ނަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ފޮނުއްވީ މިދިޔަ ނޮވެމްބަރު 24، ގަ އެވެ.
ކޮމިޓީން ނިންމި ގޮތުގެ ރިޕޯޓު ދެން ފޮނުވާނީ މަޖިލީހުގެ ތަޅުމަށެވެ. އަންނަ ހޯމަ ދުވަހު އޮންނަ މަޖިލީހުގެ ޖަލްސާގައި މި ރިޕޯޓަށް ވޯޓަށް އެހުން އޮންނާނެ ކަމަށް ބެލެވެ އެވެ.
އެންއައިސީ އަކީ ރާއްޖޭގެ ގާނޫނު ތަންފީޒު ކުރުމުގެ ޒިންމާ މަތިކޮށްފައިވާ އިދާރާތަކުގެ ހިންގުން ހަރުދަނާކޮށް ގާނޫނު ތަންފީޒު ކުރާ އިދާރާތަކާ ގުޅޭ މައްސަލަތައް ބަލައި ފިޔަވަޅު އަޅާ ކޮމިޝަނެވެ.
އެގޮތުން ފުލުުހުންނާއި ކަސްޓަމްސް އާއި ޕްރިޒަންސްގެ އިތުރުން އިމިގްރޭޝަނާ ގުޅޭ އިންޓެގްރިޓީގެ ހުރިހާ މައްސަލައެއް ބަލާނީ އެންއައިސީންނެވެ.
