ސްޓެލްކޯއިން އެމްއެންޑީއެފަށް އުސް އިމާރާތްތަކުގައި ރޯވާ އަލިފާން ނިއްވައިލުމަށް ބޭނުންކުރާ ޑްރޯންއެއް ހަދިޔާކޮށްފި އެވެ.
އެމްއެންޑީއެފުން ބުނީ އަލިފާން ނިވާ ޑްރޯން އާއެކު ކަނޑުއަޑިން މީހަކު ނުވަތަ އެއްޗެއް ހޯދުން ފަދަ އޮޕަރޭޝަންތަކުގައި ބޭނުން ކުރާ ޑީޕް ޓްރެކާއެއް ވެސް ސްޓެލްކޯއިން ހަދިޔާ ކުރި ކަމަށެވެ.
ސްޓެލްކޯއިން ބުނީ އެމްއެންޑީއެފަށް ހަދިޔާކުރި އަލިފާން ނިއްވާ ޑްރޯންއަކީ ފެން ހޮޅި ހިފައިގެން 200 މީޓަރު އުހަށް ދަތުރު ކުރުމުގެ ގާބިލުކަން ލިބިފައިވާ ޑްރޯނެއް ކަމަށެވެ. އަދި ސްޓެލްކޯއިން ހަދިޔާކުރި ޑީޕް ޓްރެކާއަކީ 200 މީޓަރު އަޑިއަށް ފީނައި، ރޮބޮޓިކް އަތެއް ބޭނުން ކޮށްގެން ކަނޑު އަޑިން ތަކެތި ނެގުމުގެ ގާބިލުކަން ލިބިފައިވާ އެއްޗެއް ކަމަށެވެ.
ސްޓެލްކޯއިން ހަދިޔާކުރި ތަކެތި އެމްއެންޑީއެފްއާ ހަވާލު ކުރީ އެކަމަށް ހާއްސަކޮށް ބަންޑާރަ ކޮށީގައި މިއަދު ބޭއްވި ރަސްމިއްޔާތެއްގަ އެވެ.
