ވ. ތިނަދޫ ބަނދަރު ހަދަން ގެނައި ކޮންނަބޯޓު ގެންދަން އުޅުމުން ރައްޔިތުން ނުކުމެ ހުއްޓުވައިފި

Nov 19, 2024, 12:10 PM
ތިނަދޫ ބަނދަރު މިހާރު އޮތް ގޮތް: އެއީ މުޅި އަތޮޅުގައި ވެސް އެންމެ ގިނައިން ބޭނުން ކުރާ ބަނދަރު -- ފޮޓޯ: ރަށު ކައުންސިލް

ތިނަދޫ ބަނދަރު މިހާރު އޮތް ގޮތް: އެއީ މުޅި އަތޮޅުގައި ވެސް އެންމެ ގިނައިން ބޭނުން ކުރާ ބަނދަރު -- ފޮޓޯ: ރަށު ކައުންސިލް

ވ. ތިނަދޫ ބަނދަރު ހަދަން އެ ރަށަށް ގެންގޮސްފައި ހުރި ކޮންނަބޯޓު މިއަދު ރަށުން ބާލަން މަސައްކަތް ކުރުމުން ރަށު ރައްޔިތުން ނުކުމެ އެކަން ހުއްޓުވައިފި އެވެ.

ތިނަދޫގައި މިހާރު ބޭނުން ކުރާ ބަނދަރު ބާވެ، ހަލާކުވެފައި އޮތުމުން އެ ބަނދަރު ހަދައިދިނުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ. އެ ވައުދުގެ ދަށުން އެމްޓީސީސީގެ ޓީމަކާއި ކޮންނަ ބޯޓެއް ރަށަށް ގެންދިޔައީ މިދިޔަ ފެބްރުއަރީ މަހުގެ ތެރޭގަ އެވެ.

މީގެ ކުރިން ދެ ފަހަރަކު އެމްޓީސީސީގެ ޓީމު އެ ރަށުން ފައިބަން އުޅުނެވެ. ނަމަވެސް ކޮންމެ ފަހަރަކު ވެސް ތިނަދޫ ކައުންސިލުން ސަރުކާރާ ވާހަކަ ދެއްކުމުން ނިންމުން ބަދަލު ކުރަނީ އެވެ. މިއަދު އެމްޓީސީސީން މަސައްކަތް ކުރީ ކޮންނަބޯޓު ގެންދާށެވެ.

Advertisement

"މިނިސްޓަރަށް ގުޅީމަ އެބަ ވިދާޅުވޭ އެގޮތަށް އެކްސްކަވޭޓަރު ގެންދަން ބުނެފައެއް ނޯންނާނޭ. ދެން ހަމަ ހުރެފައި ނުގެންދެވޭނެތާ. އެހެންވީމަ އަސްލު އެކަން ހުއްޓުވީ،" ތިނަދޫ ކައުންސިލުގެ ރައީސް ޝީފާގް ހުސެއިން ވިދާޅުވި އެވެ.

ތިނަދޫގައި މިހާރު ބޭނުން ކުރާ ބަނދަރަކީ 2007 ވަނަ އަހަރު ވިޔަފާރިވެރިޔާ ގާސިމް އިބްރާހިމްގެ އެހީގައި އަޅާދީފައި އޮތް ބަނދަރެކެވެ. އެކަމަކު، ބަނދަރުގެ ބޭރު ތޮށި އޮތީ ވަރަށް ބޮޑަށް ހަލާކުވެފަ އެވެ. އެހެންވެ މިވަގުތު ވެސް ހަތް ދޯނި އޮތީ އެއްގަމަށް ނަގައިފަ އެވެ.

ބަނދަރު އަލުން ހަދަން މަސައްކަތް ކުރަނީ ޒަމާނީކޮށް މިހާރަށްވުރެ 161 ފޫޓު ބޮޑުކޮށެވެ. މިހާރު ބަނދަރުގެ ބޮޑު މިނަކީ 300 ފޫޓު، 80 ފޫޓެވެ.

ތިނަދޫ ބަނދަރު މަތިން ނަގާފައި އޮތް ފޮޓޯއެއް:
ތިނަދޫ ބަނދަރު މަތިން ނަގާފައި އޮތް ފޮޓޯއެއް:

ތިނަދޫ ބަނދަރު މަތިން ނަގާފައި އޮތް ފޮޓޯއެއް: މިއީ ގާސިމް އިބްރާހިމްގެ އެހީގައި 2007 ވަނަ އަހަރު އެޅި ބަނދަރެއް -- ފޮޓޯ: ރަށު ކައުންސިލް

ގެސްޓްހައުސްގެ ވިޔަފާރި ފުޅާކޮށް ކުރާ ތިނަދޫ ބަނދަރަކީ މުޅި އަތޮޅުގައި ވެސް އެންމެ ގިނައިން ބޭނުން ކުރާ ބަނދަރެވެ. އަދި އެއީ އެ އަތޮޅުން ހަމައެކަނި ތެޔޮ އަޅައިދޭ ބަނދަރު ވެސް މެ އެވެ. އެކަމަކު ބަނދަރު ކުޑަވުމާއި ބަނދަރުން ލިބޭ ރައްކާތެރިކަން ކުޑަވުމުން އޮޑިދޯނިފަހަރު އެޅުން ވަނީ ބުރައަކަށްވެފަ އެވެ.

"މި ރަށުގަ މިހާރު ވެސް ނުވަ ގެސްޓްހައުސް އެބަ ހިންގާ. އިތުރު 400 ކޮޓަރި އެޅުމުގެ މަސައްކަތް މިހާރު ވެސް ދަނީ ކުރަމުން. އެހެންވީމަ ކުރިމަގަށް ބަލާފަ ވެސް ބަނދަރު ވަރަށް މުހިންމު މި ރަށަށް،" ޝަފީގް ވިދާޅުވި އެވެ.

ތިނަދޫއަކީ އާބާދީގެ ނިސްބަތުން އެންމެ ގިނައިން ސަރުކާރަށް ޓެކްސް ދައްކާ އެއް ރަށެވެ. ތިނަދޫގެ އާބާދީއަކީ އެންމެ 222 މީހުންނެވެ. ނަމަވެސް ޓެކްސްގެ ގޮތުގައި އެ ރަށުން ކޮންމެ އަހަރަކު ވެސް 25 މިލިއަން ވަރަކަށް ރުފިޔާ ސަރުކާރަށް ދައްކަ އެވެ.

"ކޮންމެ އިރުވައެއްގެ އެބަ ތޮށިގަނޑު ވައްޓާލާ. މިތާ ކައިރި އޮންނަ ތިލައެއްގެ ސަބަބުން އެހެރަ ނަގަނީ އިންތިހާ ބޮޑު ރާޅު. ސަރުކާރަށް ވާނެ އެއްވެސް ގެއްލުމެއް ނޯންނާނެ މި ބަނދަރު ހަދައިގެނެއް. ވާނީ ފައިދާ. މިއީ ޓެކްސް ދައްކާ ރަށެއް،" ރަށު ކައުންސިލް ރައީސް ވިދާޅުވި އެވެ.

ބައެއް ރަށްރަށުގައި ހިންގަންޖެހޭ ޕްރޮޖެކްޓަށް ބޭނުންވާ ސާމާނު މީގެ ކުރިން ވެސް ސަރުކާރުން ވަނީ އެހެން ތަންތަނަށް ގެންގޮސްފަ އެވެ. އެގޮތުން އއ. އުކުޅަހުގެ މަގު ހަދަން ގެންގޮސްފައި ހުރި ހިމުން ވެލިތަކެއް ވަނީ އެހެން ރަށަކަށް ގެންގޮސްފަ އެވެ. ނ. ނަރުދޫ ބަނދަރު ހަދަން ގެންގޮސްފައި އޮތް ކޮންނަބޯޓު ބާލަން ވެސް މަސައްކަތް ކުރި އެވެ. އެކަމަކ ކައުންސިލުން އެކަން ހުއްޓުވީ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox