ވެރިކަމަށް އަންނަން ޝައުގުވެރިކަން އެބަހުރި، އެކަމަކު 2028 އާ މެދު ގޮތެއް ނުނިންމަން: ފައްޔާޒް

އެމްޑީޕީގެ ޗެއާޕާސަން ފައްޔާޒް އިސްމާއިލް: ވެރިކަން ކުރެއްވުމުގެ ޝައުގުވެރިކަން ހުރި ނަމަވެސް، 2028 ގެ ރިޔާސީ އިންތިހާބުގައި ވާދަކުރެއްވުމާ މެދު ގޮތެއް ނުނިންމަވާ ކަމަށް ވިދާޅުވި -- ފޮޓޯ؛ އަދަދު

އެމްޑީޕީގެ ޗެއާޕާސަން ފައްޔާޒް އިސްމާއިލް: ވެރިކަން ކުރެއްވުމުގެ ޝައުގުވެރިކަން ހުރި ނަމަވެސް، 2028 ގެ ރިޔާސީ އިންތިހާބުގައި ވާދަކުރެއްވުމާ މެދު ގޮތެއް ނުނިންމަވާ ކަމަށް ވިދާޅުވި -- ފޮޓޯ؛ އަދަދު

ރައީސުލްޖުމްހޫރިއްޔާގެ މަގާމަށް ވާދަ ކުރެއްވުމަށް ޝައުގުވެރިކަން ހުރި ނަމަވެސް 2028 ގެ ރިޔާސީ އިންތިހާބުގައި ވާދަކުރުމާމެދު މިހާތަނަށް ގޮތެއް ނުނިންމާ ކަމަށް އެމްޑީޕީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެ އެވެ.

އިދިކޮޅު އެމްޑީޕީގެ ފަރާތުން އަންނަ ރިޔާސީ އިންތިހާބުގައި ވާދަ ކުރައްވާނެ ކެންޑިޑޭޓަކާމެދު ބަހުސް ކުރެވެން މިހާރު ފަށާފައިވާއިރު ފައްޔާޒަކީ އޭގެ ތެރެއިން އެއް ނަމެވެ. މިއީ ވެރިކަމަށް ވަޑައިގަތުމުގެ ޝައުގުވެރިކަން ހުންނެވި ކަމަށް ފައްޔާޒް ވިދާޅުވި ފުރަތަމަ ފަހަރެވެ. އެކަން އޭނާ ހާމަ ކުރެއްވީ ނޫހުގެ "އެތެރެފުށް" ޕްރޮގްރާމަށް ދެއްވި އިންޓަވިއުއެއްގަ އެވެ.

"ވަރަށް ގިނަ ބޭފުޅުން ވިދާޅުވާނެ ތިމަންނާ އެކަހަލަ އިންޓްރެސްޓެއް ނެތޭ އެނގޭތޯ. އަޅުގަނޑުގެ އިންޓްރެސްޓް އެބަހުރި. އެކަމަކު އޭގެ މާނައަކީ 2028 ގައި އެކަން ކުރަން ނިންމައިގެން އަޅުގަނޑު ހުރި ވާހަކައެއް ނޫން،" ފައްޔާޒް ވިދާޅުވި އެވެ.

ފައްޔާޒް ވިދާޅުވީ އޭނާ މިވަގުތު މަސައްކަތް ކުރަމުންދަނީ 2028 އާ ހަމައަށް މިހާރު އޮތް ސަރުކާރު ގާނޫނީ އިމުގެ ތެރެއިން ބަލި ކުރެވޭނެ ގޮތަކަށް ކަމަށާއި އެފަދަ މަގެއް ނުހޯދިއްޖެ ނަމަ ރައްޔިތުންނަށް މި ގައުމުގައި ނޫޅެވޭނެ ކަމަށެވެ.

"އަޅުގަނޑު މިވަގުތު ބަލަމުން މިދަނީ އެންމެ މުހިންމު ކަމަކަށް މިހާރު މިއޮތް ސަރުކާރު ބަލި ކުރެވޭނެ ގޮތެއް 2028 އާ ހިސާބުން ވެސް އަދި އޭގެ ކުރިން ވިޔަސް ގާނޫނީ އިމުގެ ތެރެއިން ވެއްޖެއްޔާ ބަލި ކުރެވޭނެ ގޮތެއް ނުހޯދައިފި ކަމަށްވަންޏާމުން އަޅުގަނޑުމެންނަށް ރައްޔިތުންގެ މިނިވަންކަމާ އެއްކޮށްނެއް ދިވެހިރާއްޖެ ކުރިއަށް ދާ ތަނެއް އަޅުގަނޑަކަށް ނުފެނޭ،" އޭނާ ވިދާޅުވި އެވެ.

ޕާޓީގެ ލީޑަރެއްގެ ހައިސިއްޔަތުން މިހާރު ކުރަމުންދާ އެންމެ މުހިންމު އެއް މަސައްކަތަކީ 2028 ގައި އެމްޑީޕީއަށް ވެރިކަން ހޯދައިދިނުންކަން ފާހަގަކުރައްވައި ފައްޔާޒް ވިދާޅުވީ ކެންޑިޑެންސީއާ ހިސާބަށް ދާއިރު ޕާޓީއަށް ފެންނަ އެންމެ ރަނގަޅު ކެންޑިޑޭޓެއް ހޮވައި އެކަން ރަނގަޅަށް ކުރިއަށްގެންދާނެ ކަމަށެވެ.

ފައްޔާޒް ވިދާޅުވީ ޕްރައިމަރީތައް ބާއްވައިގެން ޕާޓީގެ މެންބަރުންގެ ބަހެއް އޮވެގެން ކަންކަންވުމަކީ އެމްޑީޕީގެ ސިފައެއް ކަމަށެވެ. އަދި ވިދާޅުވީ ވަކި މީހެއްގެ އެއްޗެއްގެ ގޮތަށް ޕާޓީ އޮތް އޮތުން މިހާރު ބަދަލުވަމުންދާ ކަމަށެވެ.

"އަޅުގަނޑު ދެކޭ ގޮތުގައި ޑިމޮކްރަސީގެ މަގުގައި އެމްޑީޕީ ވެސް ދިވެހިރާއްޖެ ވެސް ކުރިއަށްދާ ކަމަށްވާ ނަމަ، ވަކި މީހަކަށް ބަރޯސާވެގެން އޮންނަ އޮތުމަށްވުރެ ސިޔާސަތުތަކަކަށް ބަރޯސާވާން މިޖެހެނީ. އެހެންވީމަ އެގޮތަށް ޕާޓީ ބަދަލުވާތަން ފެންނަމުން މިދަނީ،" ފައްޔާޒް ވިދާޅުވި އެވެ.

ފައްޔާޒް ވިދާޅުވީ 2028 ގެ ރިޔާސީ ޕްރައިމަރީގައި އެމްޑީޕީގެ ފަރާތުން ގިނަ އަދަދެއްގެ ކެންޑިޑޭޓުން ވާދަކުރައްވާނެ ކަމަށް ބެލެވޭ ކަމަށާއި ނަމަވެސް އޭގެ ތެރެއިން ބަލިވާ ކެންޑިޑޭޓުން ވެސް މޮޅުވާ ކެންޑިޑޭޓުގެ ފަހަތަށް އަރާނެ ކަމަށް ގަބޫލު ކުރެވޭ ކަމަށެވެ.

އެމްޑީޕީގެ ރިޔާސީ ޕްރައިމަރީގައި ވާދަކުރާނެކަން މިހާތަނަށް ރަސްމީކޮށް އެއްވެސް ބޭފުޅަކު އިއުލާން ކޮށްފައެއް ނުވެ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox