ރާއްޖެ އަށް ބަންގްލަދޭޝް އަތުން ތާރީހީ މޮޅެއް

ރާއްޖެ އަށް ބަންގްލަދޭޝް އަތުން ތާރީހީ މޮޅެއް

ފީފާ އިންޓަނޭޝަނަލް އެކުވެރިކަމުގެ މެޗެއްގައި މިއަދު ރާއްޖޭން 1-0 އިން ބަންގްލަދޭޝް ދަނޑުގައި އެ ޓީމު އަތުން ތާރީހީ މޮޅެއް ހޯދައިފި އެވެ.

މިއީ ބަންގްލަދޭޝްގައި ކުޅެގެން އެ ޓީމު އަތުން ރާއްޖޭން މޮޅުވި ފުރަތަމަ ފަހަރެވެ.

މީގެ ކުރިން ބަންގްލަދޭޝްގައި ރާއްޖޭން ވަނީ އެ ޓީމާ ދެކޮޅަށް ފަސް ފަހަރު ކުޅެފަ އެވެ. އެއީ، 1985 ވަނަ އަހަރުގެ ސާފް ގޭމްސްގައި 8-0 އިން ރާއްޖެ ބަލިވި މެޗާއި 1995 ވަނަ އަހަރު އެކުވެރިކަމުގެ މެޗެއްގައި 0-0 އިން އެއްވަރުވި މެޗާއި 2003 ވަނަ އަހަރު ބަންގްލަދޭޝްގައި ބޭއްވި ސާފް ޗެމްޕިއަންޝިޕްގެ ގްރޫޕް ސްޓޭޖުގައި 1-0 އިން ރާއްޖެ ބަލިވި މެޗާއި، އެ ފަހަރު ފައިނަލުގައި ޕެނަލްޓީ ޖަހައިގެން ރާއްޖެ ބަލިވި މެޗުގެ އިތުރުން، މިދިޔަ އަހަރުގެ ވޯލްޑް ކަޕް/އޭޝިއަން ކަޕް ޖޮއިންޓް ކޮލިފައިންގައި، 2-1 އިން ރާއްޖެ ބަލިވި މެޗެވެ.

Advertisement

ރާއްޖޭގެ ގައުމީ ފުޓްބޯޅަ ޓީމުން އަހަރަކަށް ވުރެ ގިނަ ދުވަސް ފަހުން ކުޅުނު ބައިނަލްއަގުވާމީ ފުރަތަމަ މެޗަކީ މިއަދުގެ މެޗެވެ. މި މެޗުގެ ކުރިން އެންމެ ފަހުން ގައުމީ ޓީމުން ކުޅެފައިވަނީ، ބަންގްލަދޭޝާ ދެކޮޅަށް ވޯލްޑް ކަޕް ކޮލިފައިންގަ އެވެ.

ބަޝުންދަރާ އެރީނާގައި ކުޅުނު މި މެޗު ފަށައިގެން، ބަންގްލަދޭޝް އިން ކުރިއަށް ޖެހިގެން ކުޅެ، ފުރުސަތުތައް ތަނަވަސްކުރި އެެވެ. އެކަމަކު، ރާއްޖޭގެ ގޯލްކީޕަރު ހުސެއިން ޝަރީފް (ހުސެން) އާއި ޑިފެންޑަރު، ޓީމުގެ ކެޕްޓަން، ސަމޫހު އަލީ (ސަމުއްޓެ) ވަނީ އެހެން ކުޅުންތެރިންނާ އެކު މަސައްކަތްކޮށް އެ ބޯޅަތައް ހުއްޓުވަން ކުރި މަސައްކަތް ކާމިޔާބުކޮށްފަ އެވެ.

ރާއްޖޭން ލީޑުނެގީ މެޗުގެ 18 ވަނަ މިނިޓްގަ އެވެ. އޭރިއާބޭރުން ލިބުނު ހިލޭޖެހުމަކުން، ހަމްޒާ މުހައްމަދު (ހަމްޕު) ނަގައިދިން ބޯޅައަކަށް އަރައި، އަލީ ފާސިރު (ސެންޓޭ) ވަނީ ބޮލުން ގޯލުގެ ތެރެއަށް ބޯޅަ ފޮނުވާލައިފަ އެވެ.

ނަތީޖާ ހަމަހަމަކުރަން ބަންގްލަދޭޝް އިން ކުރި އެޓޭކްތަކުގެ ތެރެއިން އެންމެ ރަނގަޅު ހަމަލާއެއް ފޮނުވާލީ ސޮހޭލް ރާނާ އެވެ. މެޗުގެ 43 ވަަނަ މިނިޓްގައި ސޮހޭލް އެރިއާބޭރުން ޖެހި ބޯޅަ އަމާޒުވީ ގޯލުގެ ދަނޑިއަށެވެ. އޭގެ ކުރިން، ބަންގްލަދޭޝްގެ އަހުމަދު ފަހީމް ޖެހި ބޯޅައެއް ވަނީ ގޯލުގެ ދަނޑިކައިރިން ގޮސްފަ އެވެ.

ދެ ވަނަ ހާފްގައި ކުޅުން ފަށައިގެން ހަތަރު މިނިޓް ތެރޭ ރާއްޖޭގެ އަހުމަދު އައިހަމް (ފަތޯ) ބަންގްލަދޭޝްގެ ކުޅުންތެރިއަކު ކައިރިން ނައްޓާފައި ގޯލަށް ފޮނުވާލި ބޯޅަ އަމާޒުވީ ދަނޑިއަށެވެ. އޭގެ ދެ މިނިޓް ފަހުން، ސެންޓޭ އަށް ހުސްކޮށް ލިބުނު ބޯޅައެއް ފޮނުވާލުން ލަސްކޮށްލުމުން ފުރުސަތު ގެއްލުނީ އެވެ.

ކައުންޓަ އެޓޭކުގައި މެޗުގެ 55 ވަނަ މިނިޓްގައި ރާއްޖޭގެ ނާއިޒު ހަސަން (ދާދު) ހުސްކޮށް ބޯޅަ ހިފައިގެން އޭރިއާތެރެއަށް ވަންނަނިކޮށް، ބަންގްލަދޭޝްގެ އީސާ ފައިސަލް ވަނީ ފައުލްކޮށްފަ އެވެ. ރާއްޖޭގެ ކުޅުންތެރިން ރަތް ކާޑެއް ދައްކަން އެޕީލްކުރި ނަމަވެސް، ރެފްރީ ނިންމީ ރީނދޫ ކާޑެއް ދައްކާށެވެ. އެ ފައުލަށް ލިބުނު ހިލޭ ޖެހުމުން ސެންޓޭ ޖެހި ބޯޅަ ދިޔައީ ހުރަސްދަނޑިމަތިންނެވެ.

ބަދަލުތައް ގެނެސްގެން ބަންގްލަދޭޝުން ލަނޑެއް ޖެހޭތޯ މަސައްކަތްކުރަމުންދިޔައިރު، މެޗުގެ 74 ވަަނަ މިނިޓްގައި އެ ޓީމުގެ މުޖީބުއްރަހްމާން ޖޯނީ ޖެހި ބޯޅަ ކީޕަރު ހުސެން ވަނީ މަތަކޮށްފަ އެވެ. އަދި އޭގެ ތިން މިނިޓް ފަހުން، ޝެއިހް މޮރްސަލީން ޖެހި ޝޮޓް ވެސް އަމާޒުވީ ކީޕަރު ހުސެން އަތަށެވެ.

މެޗުގެ 85 ވަނަ މިނިޓްގައި އޭރިއާތެރެއިން މޮރްސަލީން ތިރީ ކަނަށް އަމާޒުކޮށް ޖެހި ބޯޅަ ކީޕަރު ހުސެން ވަނީ ހުއްޓުވައިފަ އެވެ. އަދި އޭގެ ހަތަރު މިނިޓް ފަހުން، ބަންގްލަދޭޝްގެ ރަކީބް ހުސެން ހުސްކޮށް އަރައި ފޮނުވާލި ބޯޅަ ވެސް ކީޕަރު ހުސެން ވަނީ މަތަކޮށްފަ އެވެ.

ބަންގްލަދޭޝް އާއި ރާއްޖެ ކުޅޭ ދެ ވަނަ މެޗު އޮންނާނީ އަންނަ ހޮނިހިރު ދުވަހު ހަވީރު އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox