އިންގްލެންޑް ޓީމަށް ގްރީލިޝް ނެގުމުން ގާޑިއޯލާ ހިތްހަމަނުޖެހިއްޖެ

Nov 9, 2024, 4:33 AM
އިންގްލެންޑް ޓީމަށް ގްރީލިޝް ނެގުމުން ގާޑިއޯލާ ހިތްހަމަނުޖެހިއްޖެ

މެންޗެސްޓާ (ނޮވެމްބަރު 9) - އިންގްލެންޑް ގައުމީ ޓީމުން މި މަހު ކުޅޭ މެޗުތަކަށް ނެގި ސްކޮޑުގައި މެންޗެސްޓާ ސިޓީގެ ޖެކް ގްރީލިޝް ހިމެނުމުން އެ ޓީމުގެ ކޯޗު ޕެޕް ގާޑިއޯލާ ހިތްހަމަނުޖެހުން ފާޅުކޮށްފި އެވެ.

ނޭޝަންސް ލީގުގައި އަޔަލެންޑާއި ގްރީސްއާ އެކު ކުޅޭ މެޗުގެ ސްކޮޑަށް އިނގިރޭސި ކޯޗު ލީ ކާސްލީ ނެގި ސްކޮޑުގައި ގްރީލިޝް ހިމެނިއިރު، އޭނާ އެންމެ ފަހުން، މެޗެއް ކުޅެފައިވަނީ މިދިޔަ މަހުގެ 20 ވަނަ ދުވަހު އެވެ. އެއީ، އެންމެ ފަހުން، ދިން އިންޓަނޭޝަނަލް ބްރޭކަށް ފަހު ކުޅުނު ފުރަތަމަ މެޗެވެ.

އިންގްލެންޑް ޓީމަށް ގްރީލިޝް ނެގުމާ ބެހޭގޮތުން، ކާސްލީ ބުނެފައިވަނީ، ގައުމީ ޓީމުގެ ޓްރެއިނިންގެ ކުރިން ގްރީިލިޝްގެ ޓެސްޓްތަކެއް ހަދާނެ ކަމަށާއި އޭނާ ނެގީ ސިޓީގައި ވެސް ތަމްރީންތަކުގައި ބައިވެރިވަމުން އަންނާތީ ކަމަށެވެ.

Advertisement

"ގައުމީ ޓީމަކަށް ކުޅުންތެރިން ދާން އަބަދުވެސް އަހަރެން އެދެން، އެއީ އެ މީހުން ރަނގަޅަށް ފިޓްކޮށް ހުންނައިރު، އެކަމަކު، އެކެއް، ދޭއް، ތިނެއް ނޫނީ ހަަތަރު ހަފްތާ ޖެހިޖެހިގެން އުނދަގޫ ހާލަތެއްގައި ހުރި ކުޅުންތެރިއަކު ނެގުމަކީ ރަނގަޅު ކަމެއް ނޫން،" އިންގްލެންޑް ޓީމަށް ގްރީލިޝް ނެގުމަށް އިޝާރާތްކޮށް ގާޑިއޯލާ ބުންޏެވެ.

"17 ދުވަސް ތެރޭ އޭނަ އެންމެ ފަހަރަކު ވެސް ޓްރެއިން ނުކުރާ ވަގުތެއް ދިޔަ. މި ފަހުން އޭނާ ޓްރެއިނިން އަށް ނުކުތް ފުރަތަމަ ދުވަހު ވެސް 20 މިނިޓް ޓްރެއިން ކުރީ. އެއީ ރިއަލިޓީ އަކީ. އޭނަ، ދެން ޖިމްގައި މިދިޔަ ދުވަސްތަކުގައި ވަރަށް ވަގުތު ހޭދަކުރި، އެހެންވީމަ، މި ކަންކަމަކީ އަހަރެން ޖަވާބު ދިނުމަށް ވުރެ އިންގްލެންޑްގެ ކޯޗު ވިސްނަން ޖެހޭ ކަންކަން،"

ގާޑިއޯލާ ބުނީ، އިންގްލެންޑުން ބޭނުން ކުޅުންތެރިއަކު ސްކޮޑަށް ނެގިދާނެ ކަމަށާއި އެކަމަކު، ކަންކަން ހިނގާގޮތް ރަނގަޅަށް ބަލައި، ވާހަކަ ދެއްކުން ބުއްދިވެރިވާނެ ކަމަށެެވެ.

އެންމެ ފަހުން ސިޓީ ކުޅުނު ތިން މެޗުން ވެސް ބަލިވެފައިވާއިރު، މިއީ 2018 ވަނަ އަހަރުގެ ފަހުން މި ގޮތަށް ދިމާވި ފުރަތަމަ ފަހަރެވެ. ގާޑިއޯލާ ވަނީ އެ ޓީމަށް ދިމާވެފައިވާ އަނިޔާގެ މައްސަލަތަކުގެ ވާހަކަތައް އެންމެ ފަހުން ބޭއްވި ނޫސްވެރިންގެ ބައްދަލުވުންތަކުގައި ހިއްސާކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox