ބީއެމްއެލްގެ ޑިޖިޓަލް ބޭންކިންގެ ހިދުމަތް ތަރައްގީ ކުރަން 2025 ގައި ބޮޑެތި މަސައްކަތްތަކެއް ކުރެވޭނެ: ޝަރީފު

ބީއެމްއެލްގެ ސީއީއޯ ޝަރީފު

ބީއެމްއެލްގެ ސީއީއޯ ޝަރީފު

ބީއެމްއެލްގެ ޑިޖިޓަލް ބޭންކިން ހިދުމަތްތައް ތަރައްގީ ކުރަން އަންނަ އަހަރު ބޮޑެތި މަސައްކަތްތަކެއް ކުރެވޭނެ ކަމަށް އެ ބޭންކުގެ ސީއީއޯ މުހައްމަދު ޝަރީފު މިއަދު ވިދާޅުވެއްޖެ އެވެ.

ހުރިހާ ރަށެއްގައި އޭޓީއެމް ބެހެއްޓުމަށް ހިންގާ ބިޔަ މަޝްރޫއު ފެށުމަށް ރައީސް އޮފީހުގައި ބޭއްވި ރަސްމިއްޔާތުގައި ޝަރީފު ވިދާޅުވީ ޑިޖިޓަލް ބޭންކިންގެ މޮބައިލް އެޕް، އިންޓަނެޓު ބޭންކިން، ޕޭމެންޓު ގޭޓުވޭ ފަދަ ހިދުމަތްތައް ފައިނޭންޝަލް ޓެކްނޮލޮޖީ އަށް އަންނަ ބަދަލުތަކާ އެއްގޮތްވާ ގޮތުގެ މަތިން ޒަމާނީ ކުރާނެ ކަމަށެވެ.

"[އޭގެ ތެރޭގައި] އިތުރު ޑިޖިޓަލް ހިދުމަތްތައް ތައާރަފުކުރުން ހިމެނޭ،"ޝަރީފު ވިދާޅުވި އެވެ.

Advertisement

"އޭއައި އާއި ރޮބޮޓިކް ޕްރޮސެސް އޮޓޮމޭޝަން ބޭނުން ކޮށްގެން މަސައްކަތް ހަލުވިކުރުމާއިއެކު ކަސްޓަމަރުންނަށް ދެވޭ ހިދުމަތުގެ ފެންވަރު ރަގަޅު ކުރުމުގެ މަސައްކަތް ހިމެނޭ."

އެފަދަ ބަދަލުތައް ގެންނައިރު އެންމެ އުފާވާ ކަމަކީ އެ ކުރިއެރުންތައް ބީއެމްއެލް އިސްލާމިކް އަށް ވެސް އައުން ކަމަށް ޝަރީފް ވިދާޅުވި އެވެ. ބީއެމްއެލްއިން ދޭ ހުރިހާ ހިދުމަތެއް މިހާރު ވެސް ބީއެމްއެލް އިސްލާމިކްއިން ލިބޭނެ ކަމަށް ޝަރީފު ވިދާޅުވި އެވެ.

ހުރިހާ ރަށެއްގައި އޭޓީއެމް ބެހެއްޓޭނީ ވަރަށް ބުރަކޮށް މަސައްކަތްކޮށްގެން

މި މަޝްރޫއު ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ވެސް ކުރިއަށް ގެންދަން މަސައްކަތް ކުރި އެވެ. މިއީ ސަރުކާރުގެ މާލީ އެހީތެރިކަން ނެތި، ހަމައެކަނި ބޭންކުން އިންވެސްޓުކޮށްގެން ކުރިއަށް ގެންދާ މަޝްރޫއެއް ނަމަ އެކަން ދެކޮޅެއް ނުޖެހެ އެވެ. އެހެންވެ، މިފަހަރު ވެސް މަޝްރޫއު ކުރިއަށް ގެންދަނީ ސަރުކާރުން އެކަމަށް އިންވެސްޓުކޮށްގެންނެވެ.

"2025 ނިމުމުގެ ކުރިން ހުރިހާ ރަށެއްގައި އޭޓީއެމް ބެހެއްޓޭނީ ވަރަށް ބުރަކޮށް މަސައްކަތްކޮށްގެން،" ޝަރީފު ވިދާޅުވި އެވެ.

ބީއެމްއެލްއަކީ ހުރިހާ ދިވެހިންގެ ބޭންކެއް ކަމަށާއި ހުރިހާ ރަށެއްގައި އޭޓީއެމް ބެހެއްޓުމުގެ މަޝްރޫއަކީ ބީއެމްއެލްގެ ހިދުމަތް ފުޅާކުރުމަށްވުރެ ބޮޑު މަޝްރޫއެއްކަން ޝަރީފު ފާހަގަ ކުރެއްވި އެވެ.

"މި މަސައްކަތަކީ ރައްޔިތުންގެ އުންމީދުތަކަށް އެހީތެރިވުމަށާއި މާލީ ބައިވެރިވުން އިތުރުކުރުމަށާއި އަދި އެންމެންނަށް ފާގަތި ދިވެހިރާއްޖެއެއް ބިނާކުރުމަށް ސަރުކާރުން ކުރާ މަސައްކަތުގައި އަޅުގަނޑުމެން އަމަލީ ގޮތުން ބައިވެރިވާ ކަމުގެ ފުރިހަމަަ ހެއްކެއް،" އޭނާ ވިދާޅުވި އެވެ.

ބީއެމްއެލްއިން އޭޓީއެމް ތައާރަފުކުރީ 2000 ވަނަ އަހަރު އެވެ. މިހާރު 90 ރަށެއްގައި 150 އޭޓީއެމް އެބަ ހުއްޓެވެ. މި އޭޓީއެމްތައް އަހަރަކު 15 މިލިއަން އަށްވުރެ ގިނަ ފަހަރު ބޭންކުގެ ކަސްޓަމަރުން ބޭނުން ކުރެ އެވެ.

ބީއެމްއެލްގެ އަމާޒަކީ އަންނަ އަހަރު ތެރޭ 100 އަށްވުރެ ގިނަ ރަށުގައި އޭޓީއެމް ބަހައްޓައި ނިންމުމެވެ. އެ މަސައްކަތުގެ ފުރަތަމަ ފޭހުގައި އޭޓީއެމް ބަހައްޓާނީ 17 ރަށެއްގަ އެވެ. އަންނަ އަހަރު ނިމޭއިރު، އޭޓީއެމްތަކުގެ އަދަދު 250 އަށްވުރެ ގިނަވާނެ ކަމަށް ޝަރީފު ވިދާޅުވި އެވެ.

ކޮމެންޓް

ފަހުގެ ޚަބަރު

ތިމަރަފުށްޓާއި ފޮނަދޫގައި ސިޓީ ހޮޓާ އަޅަން ހުޅުވާލައިފި

ތ. ތިމަރަފުށްޓާއި ލ. ފޮނަދޫގައި ފަތުރުވެރިކަން ފުޅާކުރުމަށްޓަކައި، އެ ދެ ރަށުގައި ސިޓީ ހޮޓާ އަޅައި ހިންގާނެ ފަރާތްތައް ހޯދުމަށް ޓޫރިޒަމް މިނިސްޓްރީން ބީލަމަށް ހުޅުވާލައިފި. މިއީ ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދާ މަސައްކަތެއް.

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

Newsletter

Get the latest news delivered straight to your inbox