ރައީސް މުއިއްޒުގެ މަރުހަބާ ޓްރަމްޕަށް، ވިދާޅުވީ ގުޅުން އިތުރަށް ބަދަހިކުރަން އުންމީދު ކުރައްވާ ކަމަށް

ރައީސް މުއިއްޒު އަދި ޓްރަމްޕް. އެމެރިކާ ސަރުކާރުން ރާއްޖެއަށް މިހާރު ދަނީ ހާއްސަ ސަމާލުކަމެއް ދެމުން ---

ރައީސް މުއިއްޒު އަދި ޓްރަމްޕް. އެމެރިކާ ސަރުކާރުން ރާއްޖެއަށް މިހާރު ދަނީ ހާއްސަ ސަމާލުކަމެއް ދެމުން ---

އެމެރިކާގެ ރިޔާސީ އިންތިހާބު ކާމިޔާބުކޮށް ދެވަނަ ދައުރަކަށް އެ ގައުމުގެ ވެރިކަމަށް ވަޑައިގަންނަވާނެ ކަމަށް ވަގުތީ ނަތީޖާތަކުން ދައްކާ ރިޕަބްލިކަން ޕާޓީގެ ކެންޑިޑޭޓް ޑޮނަލްޑް ޓްރަމްޕަށް ރައީސް ޑރ. މުހައްމަދު މުއިއްޒު މަރުހަބާ ވިދާޅުވެއްޖެ އެވެ.

މިވަގުތުގެ ނަތީޖާ ދައްކާ ގޮތުން އެމެރިކާގެ 50 ސްޓޭޓުގެ ތެރެއިން ގިނަ ސްޓޭޓުތައް ކާމިޔާބު ކުރީ ޓްރަމްޕެވެ. އަދި އިލެކްޓޯރަލް ކޮލެޖުތަކުގެ ތެރެއިން 267 ކޮލެޖު ވޯޓު ޓްރަމްޕް ވަނީ ހޯދައިފަ އެވެ. ކަމަލާއަށް މިހާތަނަށް ހޯދުނީ 224 އިލެކްޓޯރަލް ކޮލެޖެވެ.

މޮޅުވާ މީހަކު މަދުވެގެން 270 އިލެކްޓޯރަލް ކޮލެޖު ހޯދަންޖެހެ އެވެ. ނިއު ޔޯކް ޓައިމްސް އަދި ބައެއް އެހެން ނޫސްތަކުން ލަފާ ކުރަނީ 300 އަށް ވުރެ ގިނަ އިލެކްޓޯރަލް ކޮލެޖު ޓްރަމްޕަށް ލިބޭނެ ކަމަށެވެ.

Advertisement

"ރާއްޖެ އާއި އެމެރިކާއާ ދެ ގައުމުގެ ދެމެދުގައި އޮންނަނީ ދެ ގައުމުގެ މެދުގައި އޮންނަ އިހުތިރާމާއި، ހެޔޮއެދުމާއި، އެއްބަސްވާ ކަންކަމުގެ މައްޗަށް ބިނާވެފައިވާ ބަދަހި ގުޅުމެއް. އަޅުގަނޑު އުންމީދު ކުރަނީ، ދެ ގައުމުގެ ގުޅުން އިތުރަށް ބަދަހިކޮށް، ހުރި ގޮންޖެހުންތަކަށް ހައްލު ހޯދައި، ދުނިޔޭގެ ސުލްހަމަސަލަސްކަމާއި ތަނަވަސްކަން ކުރިއެރުވުމަށް މަސައްކަތްކުރަން އުންމީދުކުރަން," މަރުހަބާ ވިދާޅުވެ ޓްރަމްޕް ޓެގު ކުރައްވައި ރައީސް އެކްސްގައި ވިދާޅުވި އެވެ.

އާންމުންގެ ވޯޓުން ވެސް މިވަގުތު ބޮޑުތަނުން ކުރީގައި އުޅެނީ ޓްރަމްޕެވެ. ޓްރަމްޕަށް 69.8 މިލިއަން ވޯޓު މިހާތަނަށް ލިބިއްޖެ އެވެ. އެއީ ގުނި ވޯޓުތަކުގެ ތެރެއިން 51 ޕަސެންޓު ވޯޓެވެ. ކަމަލާއަށް ލިބުނީ 64.7 މިލިއަން ވޯޓެވެ. އެއީ މިހާތަނަށް ގުނި ވޯޓުތަކުގެ ތެރެއިން 47 ޕަސެންޓު ވޯޓެވެ.

އެމެރިކާގައި 2016 ގައި ބޭއްވި އިންތިހާބު ކާމިޔާބުކޮށް ވެރިކަމުގެ ދައުރެއް އެ ގައުމުގެ 45 ވަނަ ރައީސްގެ ގޮތުގައި ވެސް ޓްރަމްޕް ވަނީ ފުރިހަމަކުރައްވާފަ އެވެ. ޓްރަމްޕްގެ ފުރަތަމަ ވެރިކަމުގައި މާ ބޮޑު ސަމާލުކަމެއް ރާއްޖެއަށް ދީފައި ނުވާއިރު މިހާރު އެމެރިކާއިން ދަނީ ރާއްޖެއަށް ވަރަށް ބޮޑު ސަމާލުކަމެއް ދެމުންނެވެ.

ރާއްޖެ އާއި އެމެރިކާއާ ދެމެދު އޮތް ގުޅުން ވަރަށް ބޮޑަށް ވަނީ ބަދަހިވެފަ އެވެ. އެމެރިކާ ސަރުކާރުގެ އިސްވެރިން ރާއްޖެއަށް ދަތުރުކުރާ މިންވަރު އިތުރުވެ ރާއްޖޭގެ ވަފުދުތައް ވެސް އެމެރިކާއަށް ގޮސް މަޝްވަރާ ބައްދަލުވުންތައް ވަނީ މިފަހުން ބާއްވާފަ އެވެ.

ރިޕަބްލިކަން ސަރުކާރާއެކު އެމެރިކާއިން ދެކުނު އޭޝިއާގައި އަމަލުކުރަމުންދާ ހާރިޖީ ސިޔާސަތަށް އަންނާނީ ކޮން ބަދަލެއް ކަމެއް އަދި ނޭނގެ އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox