ކުރިން ދޫކޮށްފައިވާ ޑޮމެއިން ނަންބަރުތައް ގަވާއިދަށް ފައްތަން 60 ދުވަހުގެ މުއްދަތެއް ދެނީ

މާލޭގެ މަގެއްގައި ކާރުތަކެއް ދުއްވާފައި ދަނީ. ރާއްޖޭގައި 1200 އަށްވުރެ ގިނަ ޑޮމެއިން ގެންގުޅޭ ކަމަށް ޓްރާންސްޕޯޓުން ބުނޭ --- ފޮޓޯ: ފައިލް

މާލޭގެ މަގެއްގައި ކާރުތަކެއް ދުއްވާފައި ދަނީ. ރާއްޖޭގައި 1200 އަށްވުރެ ގިނަ ޑޮމެއިން ގެންގުޅޭ ކަމަށް ޓްރާންސްޕޯޓުން ބުނޭ --- ފޮޓޯ: ފައިލް

މީގެ ކުރިން ވިއްކާފައިވާ ޑޮމެއިން ނަންބަރުތަކަށް ދޫކޮށްފައިވާ ލިޔެކިޔުންތައް ގަވާއިދަށް ފެއްތުމުގެ ގޮތުން 60 ދުވަހުގެ މުއްދަތެއް ދިނުމަށް ނިންމާފައިވާ ކަމަށް ޓްރާންސްޕޯޓު މިނިސްޓަރު މުހައްމަދު އަމީން މިއަދު ވިދާޅުވެއްޖެ އެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި އަމީން ވަނީ ޑޮމެއިން ވިއްކަން އާ ނިޒާމެއްގެ ތެރެއިން އަންނަ އަހަރު ފަށާނެކަން އިއުލާނު ކުރައްވާފަ އެވެ. އޭގެ ކުރިން, ޑޮމެއިންތަކުގެ ލިޔުންތަކުގައި ސެކިއުރިޓީ ފީޗާތަކެއް ހިމަނައި އާ ލިޔުންތަކެއް ދޫކުރުމަށް ނިންމާފައިވާ ކަމަށް އޭނާ ވިދާޅުވި އެވެ.

"ސެކިއުރިޓީ ފީޗާސްއާއެކު ޑޮމެއިން ރަޖިސްޓްރީ އާއި ޑޮމެއިން ބޭނުން ކުރުމުގެ ހުއްދައަށް ބަދަލުކުރުމަށް ހުޅުވާލަން ޖެހޭ. މިހާރު އޮތް އޮޅުންބޮޅުން ފިލުވޭނީ މިހާރު ހުރި ޑޮމެއިން ސެޓްފިކެޓުތަކުގެ ބަދަލުގައި މި ދެންނެވި ސެކިއުރިޓީ ފީޗާސް ޑޮކިއުމެންޓް އަރުވައިގެން. ޑޮމެއިންގެ ވެރިފަރާތުން ޑޮމެއިންއާ ގުޅުންހުރި ލިޔުންތައް ނޮވެމްބަރު 17 އިން ފެށިގެން 60 ދުވަހުގެ ތެރޭގައި ހުށަހެޅުމަށް ހުޅުވާލާނަން," އަމީން ވިދާޅުވި އެވެ.

Advertisement

އެ މުއްދަތުގައި ހުށަހަޅާ ހުށަހެޅުންތަކުގެ ތެރެއިން ޑޮމެއިންގެ ސައްހަކަން ކަށަވަރު ކުރުމަށް ފަހު އާ ލިޔުންތައް ހަވާލުކުރުމުގެ މަރުހަލާ ވެސް ކުރިއަށްދާނެ ކަމަށް އަމީން ވިދާޅުވި އެވެ.

"60 ދުވަހަށް ފަހު ޑޮމެއިންގެ ސައްހަ ލިޔުންކަމަށް މިނިސްޓްރީން ގަބޫލުކުރާނީ އަލަށް ތައާރަފުކުރާ ލިޔުންތައް. މިހާރުގެ ޑޮމެއިންގެ ލިޔުންތައް ހުރި 1200 އެއްހާ ފަރާތް, ޗޭންޖިން އޯވާ ޕްރޮސެސް އަވަސްކުރައްވާށޭ އަޅުގަނޑު ދަންނަވާނީ." އޭނާ ވިދާޅުވި އެވެ.

އަންނަ އަހަރު ޑޮމެއިން ވިއްކަން ފަށާނީ އޯޕެން ބިޑިން ސިސްޓަމެއްގެ ތެރެއިން ކަމަށް ވެސް މިއަދު އަމީން ހާމަކުރެއްވި އެވެ.

ރާއްޖޭގައި މި ވަގުތު ގާތްގަނޑަކަށް 1،200 ޑޮމެއިން ގެންގުޅޭއިރު އޭގެ ތެރެއިން ދެބައިކުޅަ އެއްބަޔަކީ ސައްހަ ނޫން ޑޮމެއިން ކަމަށް މީގެ ކުރިން ޓްރާންސްޕޯޓުން ހާމަކޮށްފައިވެ އެވެ. މައްސަލަ ހައްލުކުރުމަށް މިދިޔަ އެއް އަހަރުގެ ތެރޭގައި ވަރަށް ގިނަ ކަންކަން ކޮށްފައިވާ ކަމަށް އަމީން ވިދާޅުވި އެވެ.

"އެއް ވިއުގައަކުން އޯނަރުންނަށާއި, މިނިސްޓްރީ އަށާއި, ގަވާއިދާއި ގާނޫނު ބަލަހައްޓަވަން ތިބޭ ފުލުހުންނަށް ފެންނާނެ ގޮތަކަށް ނިޒާމު ވަނީ ބައްޓަން ކުރެވިފައި،" އޭނާ ވިދާޅުވި އެވެ.

ޑޮމެއިންއަކީ ސެކަންޑަރީ މާކެޓުގައި ވަރަށް އަގުބޮޑުކޮށް ވިއްކޭ އެއްޗެއް ކަމަށްވާއިރު އޭގެ އަގު ހިފެހެއްޓުމުގެ ގޮތުން ޓްރާންސްޕޯޓުން ކަނޑައަޅާ ނިޒާމުގެ ތެރެއިން މާކެޓުކޮށް, ވިއްކައި, އަދި އޯނާޝިޕް ބަދަލުކުރުމުގެ ފުރުސަތު ފަހިވެގެންދާނެ ކަމަށް ވެސް އަމީން ވިދާޅުވި އެވެ.

ޑޮމެއިން ބޭނުންކުރުމުގެ ގަވާއިދާ ހިލާފަށް ޑޮމެއިންތައް ދޫކުރަމުންދާ ކަން ފާހަގަކުރިގެން ކަމަށް ބުނެ ޓްރާންސްޕޯޓް މިނިސްޓްރީން ޑޮމެއިން ވިއްކުން ހުއްޓުވީ މިދިޔަ އަހަރު އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox