ސަރުކާރުން އަހަރެއް ތެރޭގައި ކުރި މަސައްކަތުގެ ރިޕޯޓެއް ޑެމޮކްރެޓްސްއިން ނެރެނީ

ދިމޮކްރެޓްސްއިން ބޭއްވި ނޫސްވެރިންގެ ބައްދަލުވުމުގެ ތެރެއިން: ޑިމޮކްރެޓްސްއިން އަންނަނީ ސަރުކާރުން އަހަރެއް ތެރޭގައި ކުރި މަސައްކަތުގެ ރިޕޯޓެއް ނެރުމަށް ތައްޔާރުވަމުން -- ފޮޓޯ؛ އެކްސް

ދިމޮކްރެޓްސްއިން ބޭއްވި ނޫސްވެރިންގެ ބައްދަލުވުމުގެ ތެރެއިން: ޑިމޮކްރެޓްސްއިން އަންނަނީ ސަރުކާރުން އަހަރެއް ތެރޭގައި ކުރި މަސައްކަތުގެ ރިޕޯޓެއް ނެރުމަށް ތައްޔާރުވަމުން -- ފޮޓޯ؛ އެކްސް

ދަ ޑިމޮކްރެޓްސްއިން ސަރުކާރުން އަހަރެއް ތެރޭގައި ކުރި މަސައްކަތުގެ އަހަރީ ރިޕޯޓެއް ތައްޔާރު ކުރުމުގެ މަސައްކަތް ފަށައިފި އެވެ.

ޑިމޮކްރެޓްސްއިން ރޭ ބޭއްވި ނޫސްވެރިންގެ ބައްދަލުވުމުގައި އެ ޕާޓީގެ މެންބަރު ހުސެއިން އަމްރު ވިދާޅުވީ އަހަރީ ރިޕޯޓް ތައްޔާރު ކުރަނީ ސަރުކާރު ޖަވާބުދާރީ ކުރުވުމަށް ކަމަށާއި އެ ރިޕޯޓަށް ބޭނުންވާ މައުލޫމާތު ހޯދުމަށް ސަރުކާރުގެ ވުޒާރާތަކަށް ލިޔުމުން އެދޭނެ ކަމަށެވެ.

އަމްރު ވިދާޅުވީ ސަރުކާރަށް ފާރަވެރިވުމުގެ ގޮތުން ޑިމޮކްރެޓްސްގައި ސަރުކާރުގެ ވުޒާރާތަކާ އެލައިންވާ ގޮތަށް ހުރި ކޮމިޓީތަކުން ވުޒާރާތަކަށް ފާރަވެރިވާނެ ކަމަށާއި ވަރަށް ބޮޑަށް ވުޒާރާތަކުން ކުރަމުންދާ މަސައްކަތްތައް ދިރާސާ ވެސް ކުރާނެ ކަމަށެވެ.

"އަޅުގަނޑުމެން މި މަސައްކަތް އިތުރަށް ފަށައިގެން މިހާރު ކުރިއަށް މިގެންދަނީ އަޅުގަނޑުމެންގެ ކޮމިޓީތައް އެކުލެވިފައި ހުރީ ވަރަށް ބޮޑަށް ވުޒާރާތަކާ އެލައިންވާ ގޮތަށް. މިސާލަކަށް ދަންނަވާ ކަމަށްވާނަމަ ފިނޭންސް ކޮމިޓީ، އެ ކޮމިޓީ ފާރަވެރިވާނެ ފިނޭންސް މިނިސްޓްރީއަށް،" އަމްރު ވިދާޅުވި އެވެ.

ޑިމޮކްރެޓްސްއިން ސަރުކާރު ޖަވާބުދާރީ ކުރުވުމާ ގުޅިގެން އަމަލު ކުރާނެ ގޮތްތަކާ ގުޅޭގޮތުން މަޝްވަރާކޮށް ގޮތްތައް ހޯދުމަށް ވޯކްޝޮޕެއް ވެސް ރޭ ކުރިއަށް ގެންގޮސްފައިވާއިރު، އެ ވޯކްޝޮޕްގައި ޑިމޮކްރެޓްސްގެ ކޮމިޓީތަކުން ކުރިއަށް އޮތް ތިން މަސް ދުވަހު އަމަލު ކުރާނެ ގޮތް ވެސް ވަނީ ނިންމާފަ އެވެ.

ނޫސްވެރިންގެ ބައްދަލުވުމުގައި ޑިމޮކްރެޓްސްގެ ރައީސް ހަސަން ލަތީފް ވިދާޅުވީ ބޭނުންވާ މައުލޫމާތުތައް ނުދީ ސަރުކާރަށް ނުތިބެވޭނެ ކަމަށާއި މިހާތަނަށް އެކަން އެގޮތަށް ވެފައި އޮތީ ޑިމޮކްރެޓްސް ވެސް ހިމެނޭ ގޮތަށް އިދިކޮޅު ސިޔާސީ ޕާޓީތަކަށް އެކަށީގެންވާ ގޮތަށް މަސައްކަތް ނުކުރެވޭތީ ކަމަށެވެ.

ސަރުކާރު ޖަވާބުދާރީ ކުރުވުމަށް އިދިކޮޅު ޕާޓީތައް ވަކިން ހާއްސަކޮށް އެމްޑީޕީއާ އެކު ޑިމޮކްރެޓްސްއަށް މަސައްކަތް ކުރެވޭނެ ގޮތްތަކެއް ހޯދަން ޖެހޭ ކަމަށް ހަސަން ލަތީފް ކުރިން ވަނީ ވިދާޅުވެފަ އެވެ.

ޑިމޮކްރެޓްސްއިން އަންނަނީ ސަރުކާރުގެ ބައެއް ސިޔާސަތުތަކަށް ފާޑު ކިޔައި، ވައުދުތަކާ ވެސް ހިލާފުވަމުން އަންނަ ކަމަށް ބުނަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox