މިއީ އިދިކޮޅު ސިޔާސީ ޕާޓީތައް އެއް އަމާޒަކަށް މަސައްކަތް ކުރަން ޖެހޭ ވަގުތު: ހަސަން

ދަ ޑިމޮކްރެޓްސްގެ ރައީސް ހަސަން ލަތީފް: މިއީ އިދިކޮޅު ސިޔާސީ ޕާޓީތައް އެއްއަމާޒަކަށް މަސައްކަތްކުރާންޖެހޭ ވަގުތު ކަމަށް ވިދާޅުވި -- ފޮޓޯ: އަދަދު ފައިލް

ދަ ޑިމޮކްރެޓްސްގެ ރައީސް ހަސަން ލަތީފް: މިއީ އިދިކޮޅު ސިޔާސީ ޕާޓީތައް އެއްއަމާޒަކަށް މަސައްކަތްކުރާންޖެހޭ ވަގުތު ކަމަށް ވިދާޅުވި -- ފޮޓޯ: އަދަދު ފައިލް

މިއީ އިދިކޮޅު ޕާޓީތައް އެއް އަޒުމަކަށް މަސައްކަތް ކުރަން ޖެހޭ ވަގުތު ކަމަށް ދަ ޑިމޮކްރެޓްސްގެ ރައީސް ހަސަން ލަތީފް މިއަދު ވިދާޅުވެއްޖެ އެވެ.

ހަސަން ލަތީފް "އެކްސް" ގައި ކުރެއްވި ޕޯސްޓެއްގައި ވިދާޅުވީ މިނިވަން މުއައްސަސާތައް ރިފޯމް ކުރުމަށް ޑިމޮކްރެޓްސްއިން ހުށަހެޅި ހުށަހެޅުން ތަންފީޒު ނުކޮށް، މުށުތެރެއަށް ބާރު ނަންގަވަން ރައީސް ޑރ. މުހައްމަދު މުއިއްޒު އެ ކުރައްވާ މަސައްކަތް ހުއްޓުވަން ޖެހޭ ކަމަށެވެ.

އިލެކްޝަންސް ކޮމިޝަން އާއި އޭސީސީގެ ރައީސް އާއި ނައިބު ރައީސް ސީދާ ރައީސުލްޖުމްހޫރިއްޔާ އައްޔަން ކުރާ ގޮތަށް ގާނޫނު އަސާސީ އިސްލާހު ކުރުމަށް ސަރުކާރު ހިންގާ ޕީއެންސީން ވަނީ ރައްޔިތުންގެ މަޖިލީހަށް ހުށަހަޅާފަ އެވެ.

މިނިވަން މުއައްސަސާތައް ރިފޯމް ކުރުމަށް ޑިމޮކްރެޓްސްއިން ހުށަހެޅި ކަންކަން:

  • މިނިވަން މުައްސަސާތަކަށް މެންބަރުން އައްޔަން ކުރުމާއި ވަކި ކުރުން އަދި ޖަވާބުދާރީ ކުރުވޭ މެކޭނިޒަމް މުރާޖާ ކުރުމަށްފަހު ގާނޫނު އަސާސީއަށް އެ ބަދަލުތައް ގެނައުން.
  • މިނިވަން މުއައްސަސާތައް އެކުލެވިގެންވާ ގޮތާއި (ކޮމްޕޮޒިޝަން)، މަސްއޫލިއްޔަތުތައް ސާފުކޮށް ބަޔާންކޮށް ގާނޫނު އަސާސީގައި ހިމެނުން.

ހަސަން ލަތީފް ކުރިން ވިދާޅުވީ ސަރުކާރުން ދައުލަތް ވަރަށް ނުބައި މިސްރާބަކަށް ގެންދާތަން ފެންނަ ކަމަށާއި ސަރުކާރު ޖަވާބުދާރީ ކުރުވައި ރައްޔިތުންގެ ފައިސާ ހަރަދު ކުރާ ގޮތާ ގުޅޭ ގޮތުން ޑިމޮކްރެޓްސްއިން އެހެން ޕާޓީތަކާ ގުޅިގެން، ވަކިން ހާއްސަކޮށް އެމްޑީޕީއާ ގުޅިގެން މަސައްކަތް ކުރަން ޖެހޭ ކަމަށެވެ.

"އިދިކޮޅު އެންމެ މައި ޕާޓީއަކީ އެމްޑީޕީ. އެމްޑީޕީއާ އެކީގައި ޑިމޮކްރެޓްސްއަށް ކުރެވޭނީ ކޮން މަސައްކަތްތަކެއްތޯ ދެނެގަތުމަށް ފަހު، އެ މަސައްކަތްތައް ކުރުމަކީ މުހިންމު ކަމެއް ސަރުކާރު ޖަވާބުދާރީ ކުރުވަން. އަޅުގަނޑުމެންނަށް އެބަ ފެނޭ ވަރަށް ނުރަނގަޅު މިސްރާބަކާ ދިމާލަށް ސަރުކާރުން ދައުލަތް ގެންދާތަން. ހާއްސަކޮށް އިގްތިސާދީ ކަންކަމުގައި،" ހަސަން ވިދާޅުވި އެވެ.

މި ސަރުކާރުން ކުރާ ނުރަނގަޅު ކަންތައްތަކުގެ ވާހަކަ އިދިކޮޅު ޕާޓީތަކުން ދައްކަން ޖެހޭކަން ފާހަގަކުރައްވައި އޭނާ ވިދާޅުވީ އިދިކޮޅު ސިޔާސީ ޕާޓީއެއްގެ ގޮތުގައި އޮވެ ޑިމޮކްރެޓްސްއިން ސަރުކާރުން ކުރަމުންދާ ނުރަނގަޅު ކަންކަން ފާހަގަކޮށް، އެކަންކަން ރަނގަޅު ކުރުމަށް ބާރު އަޅަން ޖެހޭނެ ކަމަށެވެ.

ހަސަން އޭރު ވިދާޅުވީ ޑިމޮކްރެޓްސް އާއި އެމްޑީޕީއާ ދެމެދު ސިޔާސަތުތަކުގެ ގޮތުން އޮތް ހިޔާލު ތަފާތުވުންތަކަކީ ސަރުކާރު ޖަވާބުދާރީ ކުރުވަން އެކުގައި މަސައްކަތް ކުރަން އޮތް ހުރަހަކަށް ވެގެން ނުވާނެ ކަމަށާއި އެއަށްވުރެ ސަރުކާރު ޖަވާބުދާރީ ކުރުވުމަށްވުރެ މުހިންމު ކަމެއް މިވަގުތު ނެތް ކަމަށެވެ.

ނަމަވެސް އެމްޑީޕީ އާއި ޑިމޮކްރެޓްސް ގުޅިގެން މިހާތަނަށް އެއްވެސް މަސައްކަތެއް ކޮށްފައެއް ނުވެ އެވެ. އަދި ރިޔާސީ އިންތިހާބުގެ ދެވަނަ ބުރުގައި ކުރި މަޝްވަރާއަށް ފަހު ދެ ޕާޓީން ރަސްމީކޮށް މިހާތަނަށް އެއްވެސް މަޝްވަރާއެއް ކޮށްފައި ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox