ރާއްޖެއިން ތާރީހުގައި ވެސް ފުރަތަމަ ފަހަރަށް މިސް ޔުނިވާސްގައި ވާދަ ކުރަން ފުރުސަތު ލިބިއްޖެ އެވެ.
މެކްސިކޯގައި އަންނަ ނޮވެމްބަރު 17، ގައި ބާއްވާ 73 ވަނަ މިސް ޔުނިވާސްގައި ރާއްޖޭގެ ފަރާތުން ވާދަ ކުރަނީ މަރިޔަމް ޝައިނާ ނަސީމް، 21 އެވެ.
މިސް ޔުނިވާސްގައި ޝައިނާ ވާދަކުރާކަން ހާމަކޮށް އިންޑިއާގައި ހުންނަ މެކްސިކޯ އެމްބަސީން "އެކްސް" ގައި ކުރި ޕޯސްޓެއްގައި ބުނީ އޭނާގެ ވިސާގެ ހުރިހާ ކަމެއް ފުރިހަމަ ކޮށްފައިވާ ކަމަށެވެ.
މިސް ޔުނިވާސްގައި ދުނިޔޭގެ އެކި ކަންކޮޅުން ޝައިނާއާ އެކު ޖުމްލަ 126 މޮޑެލްސް ވާދަ ކުރާނެ އެވެ.
ޓޮޕް މޮޑެލް މޯލްޑިވްސް 2022 ގެ އެއްވަނަ ހާސިލް ކުރި ޝައިނާ ވަނީ އެ އަހަރު މިސްރުގައި ބޭއްވި 29ވަނަ ވޯލްޑް އޮޕް މޮޑެލްގެ ގަދަ 15 ގެ ތެރޭގައި ހިމެނި ނިއު ފޭސް އެވޯޑް ހާސިލް ކޮށްފަ އެވެ.
ރާއްޖޭގައި މޮޑެލް ކުރުމުގެ އެކި މުބާރާތްތައް ބާއްވާއިރު ބޭރުގެ އެކި މުބާރާތްތަކުގައި ވެސް ރާއްޖޭގެ މޮޑެލްއިން މީގެ ކުރިން ވާދަކޮށްފައިވެ އެވެ.
